Индӧд 12:2 - Коми Библия 2023

² Бырӧдӧй став юрбитанінъяссӧ, кӧні войтыръяс, кодъяслысь мусӧ ті босьтанныд, кесъялісны асланыс енъяслы джуджыд керӧс-мылькъяс вылын да пашкыра быдмысь пуяс улын.

Индӧд 12:2 Iomraidhean Croise

Ӧксыяслӧн 3 небӧг 14:23

Джуджыд мылькъяс вылын да пашкыр пуяс улын найӧ вӧчисны аслыныс юрбитанінъяс, сувтӧдісны юрбитан изъяс да юрбитан пуяс.

Ӧксыяслӧн 3 небӧг 3:2

Войтырыс важ мозыс мылькъяс вылын вайис висьяс, ӧд Господьлы крамсӧ абу на вӧлі лэптӧма.

Ӧксыяслӧн 4 небӧг 11:18

Став войтырыс муніс Вааллы юрбитанінӧ да жугӧдіс сійӧс. Найӧ торпыригӧдз жуглісны висьпуктанінъяс да бӧлбанъяс, а Вааллысь Маттан нима попӧс виисны висьпуктанін водзас. Иодай поп индіс йӧзӧс видзны Господьлысь крамсӧ.

Ӧксыяслӧн 4 небӧг 16:4

Ахаз вайліс висьяс, тшынӧдчис мылькъяс да керӧсъяс вылын и быд пашкыр пу улын.

Ӧксыяслӧн 4 небӧг 23:13

Ӧксы пежаліс вись ваян мылькъяс, кодъяс сулалісны Ерусалимсянь асыввылын, Бырӧдӧмлӧн керӧссянь лунвылын. Найӧс коркӧ вӧчліс израильса Соломон ӧксы, мед юрбитны сидонсаяслӧн зывӧк Астарта идоллы, моавсаяслӧн зывӧк Кемош идоллы да аммон войтырлӧн зывӧк Милком идоллы.

Петӧм 23:24

Энӧ копрасьӧй-юрбитӧй налӧн енъяслы, энӧ олӧй на моз. Бырӧдӧй налысь енъяссӧ, жуглӧй налысь юрбитан изъяссӧ.

Исай 36:7

Гашкӧ, тэ шуан, мый Господь Енныд вылӧ лачанытӧ кутанныд. Но эз ӧмӧй Сылысь вись ваян мылькъяссӧ да висьпуктанінъяссӧ бырӧд Езекей? Эз ӧмӧй сійӧ тшӧкты Иуда войтырлы да Ерусалимын олысьяслы юрбитны сӧмын ӧти висьпуктанін водзын?”»

Еремей 17:2

Пияннысӧ моз найӧ казьтывлӧны висьпуктанінъяс да юрбитан пуяс йылысь, кодъяс сулалӧны пашкыр пуяс улын, джуджыд керӧсъяс вылын

Еремей 2:20

Ме важӧн нин жугӧді тэнсьыд сийӧстӧ, орйӧдлі тэнсьыд кӧртӧдъястӧ. Тэ шулін, мый он кут юрбитны идолъяслы, но став джуджыд керӧс вылын, быд пашкыр пу улын тэ куйлін кырсалысь ань моз.

Еремей 3:13

Сӧмын гӧгӧрво ассьыд мыжтӧ, мый тэ Господьлы, аслад Енлы, паныд кыпӧдчин, котралін мукӧд енъяс дінӧ быд пашкыр пу улӧ, но Менсьым тэ эн кывзысь, – висьталӧ Господь».

Еремей 3:2

Лэпты синтӧ изъя керӧсъяслань да видзӧдлы, эм-ӧ сэтшӧм керӧсыс, кӧні эськӧ тэ эн сетчы мукӧд енъяслы. Овтӧминын кыйӧдчысь араб моз тэ пукалін туй бокын да виччысин ветлысь-мунысьясӧс. Мукӧд енъяслы сетчӧмнад да лёк вӧчӧмнад тэ пежалін мусӧ.

Еремей 3:6

Иосей ӧксылӧн веськӧдлан кадӧ Господь шуис меным: «Аддзылін-ӧ тэ, мый вӧчис Израиль войтыр, коді эновтіс Менӧ? Сійӧ ветлывліс быд джуджыд керӧс вылӧ да быд пашкыр пу улӧ, и сэні кырсалысь ань моз сетчис мукӧд енъяслы.

Осий 4:13

Керӧсъяс вылын найӧ вайӧны висьяс, мылькъяс вылын тшынӧдчӧны, вӧчӧны тайӧс тупу да оржы вуджӧр улын, тшӧтш мукӧд ыджыд пуяслӧн вуджӧр улын. На моз тіян нывъясныд сетчӧны кырсалӧмӧ, моньясныд – гозъякост олӧм пежалӧмӧ.

Лыд 22:41

Мӧд асывнас Валак босьтіс аскӧдыс Валаамӧс. Найӧ кайисны Вамот-Ваал керӧс вылӧ, кысянь Валаамлы тыдалісны Израиль войтырлӧн медматысса чомъясыс.

Индӧд 7:5

Со мый колӧ вӧчны: жуглӧй налысь висьпуктанінъяссӧ, пасьвартӧй юрбитан изъяссӧ, кералӧй юрбитан пуяссӧ да биын сотӧй бӧлбанъяссӧ.

Ёрдысьяс 2:2

Сӧмын энӧ ӧтувтчӧй сійӧ муас олысьяскӧд, [энӧ юрбитӧй налӧн енъяслы, налысь бӧлбанъяссӧ бырӧдӧй,] налысь висьпуктанінъяссӧ жуглӧй”. Но ті энӧ кывзысьӧй Менсьым. Мыйла ті тадзисӧ вӧчинныд?