Индӧд 12:11 - Коми Библия 2023

¹¹ Кутшӧм места Господь, тіян Енныд, бӧръяс Аслас нимлы оланінӧн, сэтчӧ вайӧй ставсӧ, мый ме [талун] тшӧкта тіянлы: сотан висьястӧ да мукӧд висьястӧ, мувыв быдтасысь дасӧд юкӧнтӧ, вайӧмторъястӧ да кыв сетан медбур висьнытӧ, мый кӧсйысинныд Господьлы [асланыд Енлы].

Индӧд 12:11 Iomraidhean Croise

Ӧксыяслӧн 3 небӧг 12:27

Кутас кӧ войтырыс вись вайӧм могысь ветлыны Ерусалимӧ Господьлӧн крамӧ, вермас сувтны аслас Ровоам ыджыдыс дор. Сэки найӧ виасны менӧ да бӧр бергӧдчасны иудаса Ровоам ӧксылӧн кипод улӧ».

Ӧксыяслӧн 3 небӧг 8:13

Господьӧй, Тэныд ме лэпті керка, медым Тэ олін сэні нэмъяс чӧж».

Ӧксыяслӧн 3 небӧг 8:16

”Ассьым Израиль войтырӧс Египетысь петкӧдӧмсянь Израиль чужанкотыръяслы вичмӧдӧм муясын Ме эг бӧрйывлы некутшӧм кар, медым сэні лэптісны Меным керка. [А ӧні Ме бӧрйи Ерусалим кар, медым сэні вӧлі Менам нимӧй.] Ме бӧрйи Давидӧс, медым сійӧ веськӧдліс Менам Израиль войтырӧн”.

Ӧксыяслӧн 3 небӧг 8:29

Тэнад синмыд мед лун и вой видзӧдас тайӧ крамыс вылӧ. Тэ ӧд шулін, мый Тэнад нимыд лоас сэні. Кыв Аслад кесйӧглысь тайӧ крамас кевмысьӧмсӧ.

Ӧксыяслӧн 4 небӧг 18:22

Гашкӧ, ті шуанныд, мый Господь Енныд вылӧ лачанытӧ кутанныд? Но эз ӧмӧй Сылысь вись ваян мылькъяссӧ да висьпуктанінъяссӧ бырӧд Езекей? Эз ӧмӧй сійӧ тшӧкты Иуда войтырлы да Ерусалимын олысьяслы юрбитны сӧмын ӧти висьпуктанін водзын, мый сулалӧ Ерусалимын?”»

1 Каднебӧг 22:1

Давид шуис: «Тані лоӧ Господь Енлӧн керкаыс, тайӧ висьпуктанін вылас Израиль войтыр кутасны сотны висьяс».

2 Каднебӧг 6:20

Тэнад синмыд мед лун и вой видзӧдас тайӧ крамыс вылӧ. Тэ ӧд шулін, мый Тэнад нимыд лоас сэні. Кыв Аслад кесйӧглысь тайӧ крамас кевмысьӧмсӧ.

2 Каднебӧг 7:12

Войнас Господь петкӧдчис Соломонлы да шуис: «Ме кылі тэнсьыд кевмысьӧмтӧ да бӧрйи тайӧ местасӧ, медым тані вӧлі крам, кӧні кутасны вайны висьяс.

Ездра 6:12

Енмыс, коді бӧрйис Ерусалим кар Аслас нимлы оланінӧн, мед бырӧдас быд ӧксыӧс да войтырӧс, кодъяс паныд кыпӧдчасны тайӧ тшӧктӧмыслы да лёктор вӧчасны Енлӧн ерусалимса крамлы. Ме, Дарий, гижи тайӧс. Менсьым тшӧктӧмӧс мед стӧча пӧртасны олӧмӧ».

Псалтыр 100:2

Ме кӧсъя сӧстӧма овны, кута овны сӧстӧм сьӧлӧмӧн аслам керкаын. Кор нин Тэ локтан ме дінӧ?

Петӧм 25:8

Израиль пиян мед вӧчасны Меным вежаин, и Ме кута овны на пӧвстын.

Петӧм 29:45

Ме кута овны Израиль пиян пӧвстын да лоа налӧн Енмӧн.

Еремей 7:12

Мунӧй Силомӧ сійӧ местаас, мый Ме водзынджык бӧрйи Аслам нимлы оланінӧн. Видзӧдлӧй, мый Ме вӧчи Силомкӧд Менам Израиль войтырлӧн лёк вӧчӧмыс вӧсна.

Левит 17:4

а оз вайӧд сійӧс вежа чом пыранін дорӧ, [медым вайны сотан вись либӧ бурасян вись пыдди, мый лоӧ Господьлы шогмана чӧскыд ӧвтантор,] медым Господьлӧн оланін водзын вайны сійӧс Господьлы вись пыдди, сэки тайӧ мортыс лоӧ мыжа вир кисьтӧмысь. Сійӧс лоӧ бырӧдӧма аслас войтыр пӧвстысь.

Индӧд 12:13

Видзчысьӧй, энӧ вайӧй сотан висьнытӧ, кӧні веськалӧ.

Индӧд 12:14

Кутшӧм чужанкотырлӧн муын Господь [тіян Енныд] бӧръяс места, сэні вайӧй сотан висьяснытӧ. Сэні вӧчӧй ставсӧ, мый ме [талун] тшӧкта.

Индӧд 12:18

Сёйӧй висьнытӧ Господь Енныд водзын Сылӧн бӧрйӧм местаын. Тіянкӧд ӧтлаын мед сёясны ныв-пиныд, кесйӧгъясныд, а сідзжӧ тіян карын олысь левитъяс [да йӧз муысь локтысьяс]. Нимкодясьӧй Господь Енныд водзын быдтор вӧсна, мый удж помысь перйинныд аслыныд.

Индӧд 12:21

Тэсянь кӧ ылын лоӧ сійӧ местаыс, мый Господь, тэнад Енмыд, бӧръяс Аслас нимлы оланінӧн, сэки Господьӧн [тэнад Енмӧн] сетӧм ыж-мӧскыд пӧвстысь начкы пемӧстӧ, кыдзи ме тшӧкті. Аслад оланінын тэ верман сёйны, мыйта кӧсъян.

Индӧд 12:26

Вайӧй вежа вайӧмторъяснытӧ да кыв сетан висьяснытӧ сійӧ местаас, мый бӧръяс Господь [тіян Енныд, медым сэні ті шыасинныд Сы дінӧ].

Индӧд 12:5

Господь, тіян Енныд, бӧръяс Аслас нимлы оланін ӧти чужанкотырлӧн муын. Сэтчӧ мунӧй

Индӧд 14:23

Няньсьыд, винасьыд да олив выйсьыд дасӧд юкӧнсӧ, тшӧтш ыж-мӧскыдлысь медводдза чужысьсӧ, сёй аслад Господь Ен водзын сійӧ местаас, мый Сійӧ бӧръяс Аслас нимлы оланінӧн. Тадзи тэ велӧдчан повны Господьысь, аслад Енмысь, став олан лунъяс чӧжыд.

Индӧд 15:19

«Ыж-мӧсныдлысь став медводдза ай чужысьсӧ вежӧдӧй-торйӧдӧй Господьлы, асланыд Енлы. Энӧ уджӧдӧй медводдза чужысь ӧшкӧс. Энӧ шырӧй ыж-кӧзалысь медводдза чужысьсӧ.

Индӧд 15:20

Господьлӧн [тіян Енлӧн] бӧрйӧм местаын быд во сёйӧй найӧс став котырнаныд Господь Енныд водзын.

Индӧд 17:8

«Асланыд карын кор ті кутанныд видлавны виӧм, вензьӧм либӧ дойдӧм йылысь могъяс, и тіянлы лоӧ сьӧкыд веськыда мыждыны, сэки мунӧй сійӧ местаас, мый Господь, тіян Енныд, бӧръяс [медым сэні ті шыасинныд Сы дінӧ].

Индӧд 18:6

Израильса кутшӧмкӧ карын олысь левит кӧ кӧсъяс, вермас овмӧдчыны Господьлӧн бӧрйӧм местаӧ.

Индӧд 23:16

Сійӧ мед олас тіян пӧвстын кутшӧм карын кӧсъяс овны. Энӧ дзескӧдӧй сійӧс.

Индӧд 26:2

сэки став быдтасысь чуктӧдӧй медводдза босьтӧмторнытӧ. Пукты медводдза босьтӧмтортӧ кудйӧ да мун сійӧ местаас, мый Господь, тэнад Енмыд, бӧръяс Аслас нимлы оланінӧн.

Индӧд 31:11

кор став Израиль войтырыс локтас Господь Енныд водзӧ сійӧ местаас, мый бӧръяс Господь, сэки гораа лыддьӧй тайӧ Индӧдсӧ налы.

Нав Исус 18:1

Став Израиль войтыр чукӧртчис Силомӧ да сувтӧдіс вежа чом. Муыс вӧлі израильсаяслӧн киын,

Нав Исус 22:11

Мукӧд Израиль пиянлы кывсис, мый Рувим да Гад чужанкотыръяс да Манассейлӧн джын чужанкотырыс Ханаан муын израильсаяслӧн оланінӧ Йӧрдан ю бокӧ лэптӧмаӧсь висьпуктанін.

Нав Исус 22:16

«Господьлӧн став войтырыс юасьӧ, мыйла ті эновтінныд [Господьӧс] Израильлысь Енсӧ. Ті бергӧдчинныд Господьысь [Израильлӧн Енмысь], кор вӧчинныд аслыныд висьпуктанін. Тадзи ті кыпӧдчинныд Господьлы паныд.

Нав Исус 22:23

Господь мед Ачыс водзӧс перъяс миянлысь, ми кӧ кежим Сыысь да вӧчим висьпуктанінсӧ сотан вись, нянь вись да бурасян вись вайӧм могысь.

Нав Исус 22:27

Мед тайӧ висьпуктаніныс лоӧ пасӧн миян да тіян костын, тшӧтш миянсянь да тіянсянь чужысьяс костын сы йылысь, мый ми кесъялам Господьлы да сӧмын Сы водзӧ ваям сотан висьяс, бурасян висьяс да мукӧд висьяс. Сэки тіянсянь чужысьяс оз шуны миянсянь чужысьяслы, Господь пӧ абу тіян Ен.

Нав Исус 22:29

Мед эськӧ оз ло сідзи, мый ми кыпӧдчам Господьлы паныд, кежам Сыысь да асланым Господь Енлӧн вежа чом водзын сулалысь висьпуктанінысь ӧтдор сувтӧдам мӧд висьпуктанін, кӧні кутам вайны сотан висьяс, нянь висьяс да мукӧд висьяс».

Нав Исус 9:27

Тайӧ лунсяньыс Исус уджӧдіс [гаваонса олысь] хивейясӧс, налы ковмис керавны пес да ваявны ва Израиль войтырлы, а сідзжӧ Господьлӧн висьпуктанінӧ. Сійӧ местаас, мый бӧрйӧма Господь, найӧ ӧнӧдз вӧчӧны тайӧ уджсӧ.

Ӧксыяслӧн 1 небӧг 1:21

Кор Элкан став аслас гортсакӧд бара мӧдӧдчис Силомӧ, мед вайны Господьлы быдвося вись да кыв сетан вись [да аслас мувыв быдтасысь дасӧд юкӧнсӧ],