Индӧд 11:7 - Коми Библия 2023

⁷ А ті асланыд синмӧн аддзылінныд Господьлысь ыджыд уджъяссӧ.

Индӧд 11:7 Iomraidhean Croise

Псалтыр 106:2

Тадзи мед шуасны мездмӧмаяс, кодъясӧс Господь мездіс дзескӧдысьлӧн кипод улысь,

Псалтыр 150:2

Ошкӧй Сійӧс вына уджъяссьыс, ошкӧй Сійӧс, ӧд Сійӧ вывті ыджыд!

Индӧд 11:6

мый Сійӧ вӧчис Рувим чужанкотырысь Элиавлӧн Датан да Авирам пиянлы, кор Израиль войтырлӧн син водзын муыс воссис да ньылыштіс найӧс, налысь гортсасӧ, чомъяссӧ да став эмбурсӧ.

Индӧд 11:8

Олӧй став [Сылӧн] тшӧктӧмыс серти, мый талун висьтала тіянлы. Сэки ті лоанныд ёнӧсь, мунанныд [Йӧрдан ю сайӧ] да босьтанныд аслыныд мусӧ,

Индӧд 27:10

Кывзысьӧй Господьлысь, асланыд Енлысь, олӧй Сылӧн став индӧд-тшӧктӧмыс серти, мый талун висьтала тіянлы».

Индӧд 29:2

Мӧисей чукӧртіс став Израиль войтырсӧ да шуис налы: «Ті асьныд аддзылінныд, мый Господь вӧчис Египетын фараонлы, сылӧн кесйӧгъяслы да став муыслы.

Индӧд 4:3

Асланыд синмӧн ті аддзылінныд [ставсӧ], мый вӧчис Господь, тіян Енныд, Ваал-Пеорлы юрбитанінын. Сійӧ бырӧдіс тіян пӧвстысь быдӧнӧс, коді юрбитіс Ваал-Пеорлы.

Индӧд 5:3

Эз миян батьяскӧд кӧртав тайӧ йитӧдсӧ Господь, а миянкӧд, кодъяс ӧні танӧсь.

Индӧд 7:19

Тайӧ чорыда мыждӧмсӧ, [ыджыд] индысьпасъяссӧ да шензьӧданаторъяссӧ ті асланыд синмӧн аддзылінныд. Энӧ вунӧдӧй, кыдзи Господь, тіян Енныд, петкӧдіс тіянӧс Египетысь Ассьыс вына кисӧ да ён сойсӧ лэптӧмӧн. Войтыръяслы, кодъясысь ті поланныд, Господь, тіян Енныд, вӧчас сійӧ жӧ, мый вӧчис египетсаяслы.

Нав Исус 24:31

Израиль войтыр кесъяліс Господьлы Нав Исус дырйи да сы бӧрын олысь юрнуӧдысьяс дырйи, кодъяс аддзылісны Господьлысь Израильлы вӧчӧм уджъяссӧ.