Индӧд 11:25 - Коми Библия 2023

²⁵ Некод оз вермы тіянлы паныд сувтны, ӧд Господь, тіян Енныд, кӧдзас тіянысь полӧм-тіралӧм быдлаын, кытчӧ ті сувтанныд кокнад. Та йылысь Сійӧ висьтавліс тіянлы.

Индӧд 11:25 Iomraidhean Croise

1 Каднебӧг 14:17

Давидӧс кутісны нимӧдны быд муын, и Господь вӧчис сідзи, мый став войтыръяс кутісны повны Давидысь.

Петӧм 23:27

Тіян водзвылын Ме ыста полӧм, шӧйӧвошта войтыръясӧс, кодъяс дінӧ ті матыстчанныд. Ме разӧда тіян водзысь вӧрӧгнытӧ.

Индӧд 2:25

Талунсянь енэжувса войтыръяс пӧвстын Ме понда кӧдзны полӧм-тіралӧм. Кодъяс кыласны тіян йылысь, повзясны тіянысь да весьӧпӧрасны”.

Индӧд 7:24

Налысь ӧксыяссӧ Господь сетас тіян киӧ, и ті вуштыштанныд налысь нимъяссӧ енэж улысь. Некод оз вермы паныд сувтны, ті ставнысӧ бырӧданныд.

Нав Исус 1:5

Тэныд паныд сувтны некод оз вермы став тэнад олан лунъяс чӧжыд. Ме лоа тэкӧд, кыдзи вӧлі Мӧисейкӧд. Ог эновт да ог коль тэнӧ.

Нав Исус 2:9

да шуис: «Ме тӧда, мый тайӧ мусӧ Господь сетіс тіянлы. Ми ставӧн полам тіянысь. Тайӧ муас став олысьыс дзӧрӧ-тіралӧ тіянысь.

Нав Исус 5:1

Йӧрдан ю рытыввылын олысь аморейяслӧн ӧксыяс да саридз бокын олысь ханаанса ӧксыяс кывлісны, мый Господь [Ен] косьтӧма Йӧрдан ю, и Израиль пиян вуджӧмаӧсь сійӧс. Таысь ӧксыясӧс полӧм босьтіс, Израиль пиянлы паныд сувтны найӧ эз лысьтны.