Индӧд 10:22 - Коми Библия 2023

²² Египетӧ локтігӧн тіян батьяслӧн лыдыс вӧлі сизимдас [вит] морт, а ӧні Господь, тіян Енныд, содтіс тіянӧс, и ті лоинныд енэжвыв кодзувъяс мында».

Индӧд 10:22 Iomraidhean Croise

Олӧм 15:5

Господь петкӧдіс Ӧврамӧс ывлаӧ да шуис: «Видзӧдлы енэжас да лыддьы кодзувъяссӧ, верман кӧ. Та мында жӧ лоас тэсянь чужысьыс».

Олӧм 22:17

мый озыра бурсиа тэнӧ да сета тэныд уна чужысьӧс. Найӧ лоасны сы мында, мыйта енэжас кодзулыс да саридз дорын лыаыс. Найӧ босьтасны вӧрӧглысь каръяссӧ.

Олӧм 46:26

Яковсянь чужысьыс, кодъяс локтісны сыкӧд Египетӧ, ставнас вӧлі квайтымын квайт морт. Нӧшта сыкӧд локтісны пияныслӧн гӧтыръяс.

Олӧм 46:27

Египетын Ӧсиплӧн чужис кык пи. Тадзи Яков рӧдысь сизимдас [вит] морт овмӧдчисны Египетӧ.

Неемий 9:23

Налысь пиянсӧ Тэ рӧдмӧдін енэжвыв кодзувъяс мында. Тэ вайӧдін найӧс сійӧ муас, мый йылысь Тэ кӧсйысьлін налӧн батьяслы.

Петӧм 1:5

Яковсянь чужысьыс ставнас вӧлі сизимдас [вит] морт. Ӧсип сэки оліс нин Египетын.

Лыд 26:51

Арталӧм-гижалӧм Израиль пиянлӧн лыдыс вӧлі квайтсё ӧти сюрс сизимсё комын морт.

Лыд 26:62

Арталӧма-гижалӧма вӧлі кызь куим сюрс левитӧс. На лыдӧ пырисны тӧлысьысь ыджыдджык арлыда айулов. Мукӧд Израиль пиянкӧд ӧтвыв левитъясӧс эз артавны-гижавны, ӧд мукӧд Израиль пиян пӧвстын налы мусӧ эз вӧв сетӧма.

Ап. уджъяс 7:14

Ӧсип мӧдӧдіс корны ассьыс Яков батьсӧ да став рӧдвужсӧ, ставнас найӧ вӧліны сизимдас вит морт.

Индӧд 1:10

Господь, тіян Енныд, содтіс тіянӧс, и ті лоинныд енэжвыв кодзувъяс мында.

Индӧд 1:11

Господь, тіян батьяслӧн Ен, мед сюрс пӧвстӧн содтас тіянлысь лыднытӧ да бурсиас тіянӧс, кыдзи Сійӧ кӧсйысис тіянлы.

Индӧд 26:5

И тэ аслад Господь Ен водзын шу: ”Батьӧй вӧлі арамса ветлысь-мунысь. Сійӧ локтіс Египетӧ да овмӧдчис сэтчӧ этшаник йӧзкӧд. Сысянь чужис уна лыда, ыджыд да ён войтыр.

Индӧд 28:62

Ті вӧлінныд енэжвыв кодзувъяс мында, но этшаӧн колянныд, ӧд ті энӧ кывзысьӧй Господьлысь, асланыд Енлысь.

Еврейяслы 11:12

Тадзи ӧти мортсянь, Ӧвраамсянь, коді вӧлі пӧрысь нин, чужис сы мында олысь, мыйта енэжас лыдтӧм-тшӧттӧм кодзулыс да саридз дорын лыаыс.