Галатӧ 3:12 - Коми Библия 2023

¹² Индӧдыс оз подулась эскӧм вылӧ. Гижӧма: «Индӧд серти олысь Индӧднас пондас овны».

Галатӧ 3:12 Iomraidhean Croise

Неемий 9:29

Тэ ӧлӧдлін найӧс, медым найӧ бергӧдчисны Тэнад Индӧд дінӧ, но найӧ пыксисны, эз кывзыны Тэнсьыд тшӧктӧмъястӧ, мыж вӧчӧмӧн торкисны Тэнсьыд Индӧдтӧ, мый вайӧ олӧм мортыслы, коді сы серти олӧ. Найӧ пыксисны-асныралісны, эз кывзыны Тэнӧ.

Езекиль 20:11

Сэні Ме сеті налы индӧд-тшӧктӧмъясӧс, и на серти олысь видзас ассьыс олӧмсӧ.

Езекиль 20:13

Но Израиль войтыр кыпӧдчис Меным паныд овтӧминын. Найӧ бокӧ вештісны Менсьым индӧд-тшӧктӧмъясӧс, на серти эз овны, медым видзны ассьыныс олӧмнысӧ. Менсьым шойччан лунӧс найӧ пежалісны. Сэки Ме шуи, мый овтӧминын кисьта на вылӧ Ассьым скӧрлунӧс да бырӧда найӧс.

Левит 18:5

Кутчысьӧй Менам индӧд-тшӧктӧмъясӧ. На серти олысь наӧн пондас овны. Ме – Господь [тіян Енныд].

Матвей 19:17

Исус вочавидзис: «Мыйла тэ шуан Менӧ бурӧн? Некод абу бурыс, сӧмын Енмыс бур. Кӧсъян кӧ пырны помтӧм олӧмӧ, ов тшӧктӧмъяс серти».

Римӧ 11:6

Бӧрйӧмыс – буралӧмыс кузя, абу уджъяс серти. Бӧрйӧмыс кӧ вӧлі уджъяс серти, сэки эськӧ буралӧмыс эз вӧв буралӧмӧн.

Римӧ 4:14

Кӧсйысьӧмасӧ кӧ позис босьтны сӧмын Индӧд отсӧгӧн, сэки эскӧмыс ковтӧм да кӧсйысьӧмыс вынтӧм.

Римӧ 4:16

Кӧсйысьӧмыс подуласьӧ эскӧм вылӧ, медым сійӧ вӧлі буралӧмсянь. Тадзи кӧсйысьӧмыс вына Ӧвраамсянь став чужысьыслы, абу сӧмын Индӧд улын олысьяслы, но и Ӧвраам моз эскысьяслы. Ӧвраам – ставнымлы бать.

Римӧ 7:10

и ме кулі. Тадзи олӧмсӧ сетысь Индӧдыс вайис меным кулӧм.