Галатӧ 2:21 - Коми Библия 2023

²¹ Енлысь буралӧмсӧ ме ог ӧтдорт. Ӧд веськыдлунсӧ кӧ вермим босьтны Индӧдыс пыр, сідзкӧ, Кристос весьшӧрӧ куліс.

Галатӧ 2:21 Iomraidhean Croise

Псалтыр 33:10

Полӧй Господьысь, Сылӧн вежа войтыр! Сыысь полысьяслӧн ставыс лоӧ тырмымӧн.

Исай 49:4

А ме чайті, мый весьшӧрӧ ме мырси-уджалі, весьшӧрӧ да ковтӧг ассьым вынӧс вошті. Но Господьсянь лоӧ меным веськыда мыждӧмыс, менам Енсянь лоӧ меным тырдоныс.

Еремей 8:8

Ті шуаннныд, ми пӧ мывкыда йӧз, миян пӧ эм Господьлӧн Индӧдыс. Но, збыльвылас, Индӧдӧ велӧдысьяс Индӧдсӧ гижигӧн бергӧдісны сійӧс ылӧгас.

Марк 7:9

Исус водзӧ висьталіс: «Сюся ті вештанныд Енлысь тшӧктӧмсӧ, медым кутчысьны батьяслӧн шуӧмӧ.

Римӧ 10:3

Найӧ оз гӧгӧрвоны Енмыслысь веськыдлунсӧ да зільӧны сувтӧдны ассьыныс веськыдлун. Та вӧсна найӧ эз сетчыны Ен веськыдлунлы.

Римӧ 11:6

Бӧрйӧмыс – буралӧмыс кузя, абу уджъяс серти. Бӧрйӧмыс кӧ вӧлі уджъяс серти, сэки эськӧ буралӧмыс эз вӧв буралӧмӧн.

Римӧ 4:25

Енмыс сетіс миян мыжъяс вӧсна Кристосӧс да ловзьӧдіс Сійӧс, медым ми вӧлім веськыдӧсь.

Римӧ 8:31

Мый та вылӧ шуам? Енмыс кӧ миян дор, коді миянлы паныд?

1 Коринфӧ 15:14

Кристос кӧ эз ловзьы, сідзкӧ, миян висьтавлӧмыс весьшӧрӧ, и тіян эскӧмныд тшӧтш весьшӧрӧ.

1 Коринфӧ 15:17

Но Кристос кӧ эз ловзьы, сідзкӧ, ті эсканныд весьшӧрӧ, и тіян мыжъясныд пыр на тіян вылын.

1 Коринфӧ 15:2

Тайӧ Евангелльӧыс пыр ті мездманныд, кутанныд кӧ зумыда кутчысьны менам висьтавлӧмӧ. Онӧ кӧ, тіян эскӧмныд весьшӧрӧ.

Галатӧ 2:16

Ми тӧдам, мый мортсӧ веськыднас вӧчӧ Исус Кристослы эскӧм, а оз Индӧд серти уджъясыс. Ми эским Исус Кристослы, медым вӧлім веськыдӧсь Кристослы эскӧмӧн, а эгӧ Индӧд серти уджъясӧн. Ӧд Индӧд серти уджъяс некодӧс оз вӧчны Ен водзас веськыдӧн.

Галатӧ 2:18

Ме кӧ выльысь лӧсьӧда мый жугӧдлі, ме, сідзкӧ, Индӧд торкысь.

Галатӧ 3:21

Индӧдыс ӧмӧй паныд Ен кӧсйысьӧмлы? Абу! Индӧдыс кӧ вермис сетны олӧм, сэки веськыдлунсӧ эськӧ босьтім Индӧдыс пыр.

Еврейяслы 7:11

Левий чужанкотырысь попъяслӧн кесъялӧм йылысь вӧлі гижӧма Индӧдас. Тайӧ попъяслӧн кесъялӧм пыр кӧ вӧлі позьӧ воны тыр-бурас, сэки эськӧ эз вӧв колана локны Мелкиседек кодь мӧд Аркирейлы, коді абу Аарон кодь.