Галатӧ 2:11 - Коми Библия 2023

¹¹ Петырлӧн Антиокияӧ волігас ме став дырйиыс паныд сувті сылы, ӧд сійӧ эз веськыда ов.

Галатӧ 2:11 Iomraidhean Croise

Еремей 1:17

Но тэ чеччы, вӧнясь да висьтав Иуда муын олысьяслы ставсӧ, мый Ме тшӧкта тэныд. Эн пов наысь. А повзян кӧ, сэки Ме повзьӧда тэнӧ налӧн син водзын.

Иона 1:3

Иона шуис пышйыны Господьысь Фарсисӧ. Локтіс Иоппия карӧ. Сэні корсис Фарсисӧ мунысь корабль, мынтысис туйысь да пуксис сы вылӧ, мед кывтны Господьысь ылӧджык.

Иона 4:9

Ен юаліс Ионалысь: «Быдмӧгыс понда ӧмӧй татшӧма скӧрмин?» Мӧдыс вочавидзис: «Да. Весиг овнысӧ ог кӧсйы».

Лыд 20:12

Но Господь шуис Мӧисейлы да Ааронлы: «Ті энӧ эскӧй Меным, энӧ лыддьӧй Менӧ вежаӧн. Израиль пиян водзын ті торкинныд Менсьым шуӧмӧс. Та вӧсна тайӧ войтырсӧ ті онӧ пыртӧй сійӧ муас, мый Ме сета налы».

Матвей 16:23

Бергӧдчӧмӧн Исус шуис Петырлы: «Вешйы Ме дінысь, сӧтана! Тэ Менӧ крукӧдан, ӧд тэнад мӧвпъясыд мортсянь, абу Енсянь».

Иоан 1:42

Ӧндрей вайӧдіс воксӧ Исус дінӧ. Исус видзӧдліс сы вылӧ да шуис: «Тэ Симон, Ионалӧн пи. Тэнад нимыд лоас Кифа». Сылӧн вежӧртасыс – из, мӧд ногӧн кӧ – Петыр.

Ап. уджъяс 11:19

Степанӧс виӧм бӧрын дзескӧдӧм вӧсна разалӧмаяс мунісны Финикияӧдз, Кипрӧдз да Антиокияӧдз. Енлысь кывсӧ иудейяслы кындзи найӧ некодлы эз висьтавлыны.

Ап. уджъяс 11:20

На пӧвстын тшӧтш вӧліны Кипрысь да Киринеяысь кодсюрӧ. Антиокияӧ локтӧм бӧраныс найӧ висьтавлісны грекъяслы Господь Исус йылысь Бур Юӧр.

Ап. уджъяс 11:22

Та йылысь кывсис Ерусалимын эскысьяслы. Сэки найӧ мӧдӧдісны Антиокияӧ Варнаваӧс.

Ап. уджъяс 11:27

Сійӧ лунъясӧ Антиокияӧ локтісны Ерусалимысь пророкъяс.

Ап. уджъяс 15:1

Иудеяысь локтысьясысь кодсюрӧ велӧдісны вокъясӧс, онӧ кӧ пӧ вундыштчӧй Мӧисей Индӧд серти, онӧ мездмӧй.

Ап. уджъяс 15:5

Сэки кодсюрӧ эскысьяс, кодъяс кутчысисны фарисейяслӧн велӧдӧмӧ, шуисны, мый ентӧдтӧмъяслы колӧ вундыштчыны да овны Мӧисей Индӧд серти.

2 Коринфӧ 11:5

Чайта, ме нинӧмӧн абу лёкджык тайӧ ”ыджыд апостолъясысь”.

2 Коринфӧ 12:11

Тіян водзын ошйысигӧн ме вӧлі мывкыдтӧм морт кодь, ті ӧд асьныд менӧ вайӧдінныд та выйӧдзыс. Дерт, ме нинӧм кодь, но тіянлы аслыныд колӧ вӧлі ошкыны менӧ, ме ӧд нинӧмӧн абу лёкджык ”ыджыд апостолъясысь”.

2 Коринфӧ 5:16

Ӧнісянь ми некодӧс огӧ донъялӧй морт видзӧдлас серти. Водзын кӧ Кристосӧс донъялім морт видзӧдлас серти, ӧні огӧ.

Галатӧ 1:18

Сӧмын куим во мысти ветлі Ерусалимӧ тӧдмасьны Петыркӧд да кык вежон олі сы ордын.

Галатӧ 2:14

Ме аддзи, мый найӧ оз овны Евангелльӧлӧн збыльыс серти. Сэки ставныс дырйи шуи Петырлы: «Тэ, иудей, ачыд кӧ олан мукӧд войтыр моз, а он иудей ног, мыйла мукӧд войтыръясысь эскысьясӧс тшӧктан кутчысьны иудей оласногӧ?»

Галатӧ 2:5

Но ми весиг ӧти здук кежлӧ эгӧ сетчылӧй налы, медым Бур Юӧрлӧн збыльыс коли тіянын торкавтӧг.

Галатӧ 2:7

Найӧ аддзисны, мый Петырӧс моз Енмыс сувтӧдӧма менӧ буръюӧртны: Петырӧс – иудейяслы, менӧ – мукӧд войтырлы.

Галатӧ 2:9

Яков, Петыр да Иоан, кодъясӧс лыддисны зумыд сюръяясӧн, гӧгӧрвоисны, мый Енмыс буралӧмнас корӧма менӧ. Сэки миянлы Варнавакӧд найӧ кинысӧ сетісны, медым вӧчны ӧтувъя удж. Сёрнитчим, мый найӧ мунасны иудейяс дінӧ, ми – мукӧд войтыръяс дінӧ.

1 Тимофейлы 5:20

Мыж вӧчысьӧс янӧд ставныс водзын, медым мукӧдыс тшӧтш полісны.

Яков 3:2

Ми ставным унаторйын мыжмам. Коді оз мыжмы сёрнинас, сійӧ тыр-бур морт да вермӧ кутны ставнас ассьыс вир-яйсӧ.

Иуда 1:3

Мусаяс, ме ёна кӧсйи гижны тіянлы миян ӧтувъя мездмӧм йылысь, но лыдди коланаӧн водзджык туйдӧдны тіянӧс, медым ті вӧлінныд дасьӧсь дорйыны ассьыныд эскӧмнытӧ. Тайӧ эскӧмсӧ Енмыс сетіс вежа войтырлы ӧтчыд да пыр кежлӧ.