Галатӧ 1:6 - Коми Библия 2023

⁶ Ме шензя: ті сэтшӧм ӧдйӧ кежинныд Сыысь, коді Кристослӧн буралӧмнас корис тіянӧс. Кутшӧм тэрыба ті сибӧданныд мӧдпӧлӧс бур юӧрсӧ.

Галатӧ 1:6 Iomraidhean Croise

Псалтыр 106:13

Но сьӧкыдаліганыс найӧ шыасисны Господь дінӧ, и Сійӧ мездіс найӧс шогысь.

Исай 29:13

Господь шуис: – Тайӧ войтырыс матыстчӧ Ме дінӧ кывнас, вомнас найӧ пыдди пуктӧны Менӧ, но налӧн сьӧлӧмныс ылын Меысь. Меысь налӧн вежавидзӧмыс – тайӧ сӧмын тшӧктӧм серти вӧчӧм – тшӧктӧм, мыйӧ велӧдісны найӧс йӧзыс.

Марк 6:6

Йӧзлӧн эскытӧмлуныс шензьӧдіс Сійӧс. Исус ветлӧдліс матігӧгӧр сиктъясӧд да велӧдіс йӧзсӧ.

Иоан 9:30

Бурдӧм морт вочавидзис: «Тайӧ ёна шензьӧдӧ! Сійӧ бурдӧдіс менсьым синмӧс, а ті онӧ тӧдӧй, кытысь Сійӧ.

Ап. уджъяс 15:11

Но ми эскам, мый Господь Исус Кристослӧн буралӧмсянь ми мездмам на моз».

Римӧ 10:3

Найӧ оз гӧгӧрвоны Енмыслысь веськыдлунсӧ да зільӧны сувтӧдны ассьыныс веськыдлун. Та вӧсна найӧ эз сетчыны Ен веськыдлунлы.

Римӧ 5:2

Эскӧм пыр Кристос восьтіс миянлы Енлӧн буралӧмӧ ӧдзӧссӧ. Буралӧмас олігӧн ми лача кутӧмӧн нимкодясям, ӧд лоам Енлӧн дзирдлунас.

Римӧ 8:28

Ми тӧдам, мый Енсӧ радейтысьяслы, Сылӧн шуӧм сертиыс корӧмаяслы, Сійӧ ставсӧ бергӧдӧ бур вылӧ.

Римӧ 8:30

Кодъясӧс Сійӧ водзысяньыс лӧсьӧдіс, найӧс и корис, кодъясӧс корис, найӧс и вӧчис веськыдӧн, кодъясӧс вӧчис веськыдӧн, найӧс и мичмӧдіс Аслас дзирдлунӧн.

1 Коринфӧ 4:15

Дерт, тіян вермас лоны Кристос йылысь уна сюрс велӧдысь, но батьыс сӧмын ӧти, ӧд Бур Юӧрсӧ тіянлы ме висьтавлі. Тадзи чужті тіянӧс Исус Кристослы эскысьясӧн.

2 Коринфӧ 11:4

Ӧд тіян дінӧ кӧ локтас кодкӧ да кутас висьтавлыны мӧд Исус йылысь, код йылысь ми эгӧ висьтавлӧй, либӧ мӧд лов йылысь, кодӧс ті энӧ сибӧдлӧй, либӧ мӧдпӧлӧс бур юӧр, кодӧс энӧ босьтлӧй, сэки ті кокньыда терпитанныд сійӧс.

2 Коринфӧ 2:17

Мукӧдыс моз ми огӧ висьтавлӧй Енлысь кывсӧ дон вылӧ. Ми висьтавлам сійӧс Ен водзын веськыда, ӧд ми – Кристослӧн кесъялысьяс да Енсянь мӧдӧдӧмаяс.

Галатӧ 1:11

Вокъяс, тӧдӧй: меӧн висьталӧм Евангелльӧыс абу мортсянь.

Галатӧ 1:15

Но Енмыс менӧ мам кынӧмсянь нин бӧрйӧма да Аслас буралӧмнас корӧма.

Галатӧ 1:7

Збыльвылас кӧ, мӧд бур юӧрыс абу, эмӧсь сӧмын тіянӧс шӧйӧвоштысьяс. Найӧ кӧсйӧны дзугны Кристос йылысь Бур Юӧрсӧ.

Галатӧ 2:14

Ме аддзи, мый найӧ оз овны Евангелльӧлӧн збыльыс серти. Сэки ставныс дырйи шуи Петырлы: «Тэ, иудей, ачыд кӧ олан мукӧд войтыр моз, а он иудей ног, мыйла мукӧд войтыръясысь эскысьясӧс тшӧктан кутчысьны иудей оласногӧ?»

Галатӧ 2:2

Муні сэтчӧ Енлӧн восьтӧмыс серти. Сэні ме сёрниті вичкоса пыдди пуктана йӧзкӧд да тӧдмӧді найӧс ентӧдтӧмъяслы висьталӧм Бур Юӧрӧн, мед кывны, мый ог весьшӧрӧ уджав.

Галатӧ 2:5

Но ми весиг ӧти здук кежлӧ эгӧ сетчылӧй налы, медым Бур Юӧрлӧн збыльыс коли тіянын торкавтӧг.

Галатӧ 2:7

Найӧ аддзисны, мый Петырӧс моз Енмыс сувтӧдӧма менӧ буръюӧртны: Петырӧс – иудейяслы, менӧ – мукӧд войтырлы.

Галатӧ 5:14

Ӧд став Индӧдсӧ шымыртӧма ӧти шуӧмӧ: «Радейт матыссатӧ асьтӧ моз».

Галатӧ 5:4

Ті корсинныд веськыдлунсӧ Индӧдӧ кутчысьӧмӧн да колинныд Кристостӧг, вешйинныд буралӧмсьыс бокӧ.

2 Фессалоникаӧ 2:14

Ми висьтавлім тіянлы Бур Юӧрсӧ, код пыр Енмыс корис тіянӧс мездмӧмас, мед миян Господь Исус Кристослӧн дзирдлуныс вичмис тіянлы.

1 Тимофейлы 1:14

Миян Господь озыра тыртіс менӧ Аслас буралӧмнас. Исус Кристос пыр меным сетӧма эскӧм да муслун.

1 Тимофейлы 1:3

Македонияӧ мӧдӧдчигӧн ме кори тэнӧ олыштны Ефесын кодсюрӧӧс ӧлӧдӧм могысь, медым найӧ эз велӧдны ылӧгас,

2 Тимофейлы 1:9

Енмыс мездіс миянӧс да корис вежа олӧмас эз миян уджъясным вӧсна. Сійӧ сетіс миянлы Ассьыс буралӧмсӧ олӧм пуксьытӧдзыс на Исус Кристос пытшкын.

2 Тимофейлы 2:1

Ёнмӧдчы, муса пиӧй, Исус Кристослӧн буралӧмнас.

1 Петыр 1:15

Тіянӧс Корысьыс вежа. Сы моз лоӧй вежаӧсь быдторйын.

2 Петыр 1:3

Ми тӧдмалім Сійӧс, коді корис миянӧс Аслас дзирдлунӧ да тыр-бурӧ. Сылӧн Ен вынсянь сетӧма миянлы став коланасӧ, медым ми олім вежавидзӧмӧн.

Восьтӧм 22:21

Миян Господь Исус Кристослӧн буралӧмыс ставныдкӧд тіянкӧд! Аминь.