Филипӧ 4:8 - Коми Библия 2023

⁸ Вокъяс, нӧшта кора тіянӧс: мӧвпалӧй сӧмын збыльыс, шогманаыс, веськыдыс, сӧстӧмыс, бурыс, мичаыс, ошканаыс да нимкодьыс йылысь.

Филипӧ 4:8 Iomraidhean Croise

Олӧм 18:19

Ӧвраамӧс Ме бӧрйи висьтавны аслас пиянлы да сысянь чужысьяслы, мед ветласны Господь туйӧд, оласны веськыда да мыждасны збыльыс серти. Сэки Ме, Господь, вӧча ставсӧ, мый кӧсйыси Ӧвраамлы».

Ӧксыяслӧн 2 небӧг 1:23

Саулӧс да Ионафанӧс ёна радейтісны да ошкисны. Оліганыс найӧ эз янсӧдчывны, куліганыс эз торйӧдчыны. Кутшысь тэрыбджыкӧсь, левысь ёнджыкӧсь вӧліны найӧ.

Ӧксыяслӧн 2 небӧг 23:3

Израильлӧн Ен сёрнитіс мекӧд, Израильӧс Дорйысь шуис: «Веськыда ыджыдалысь, Енмысь полӧмӧн юралысь

Псалтыр 82:2

Енмӧй, эн чӧв ов! Эн ланьтӧдчы, дугды чӧв овны!

Шусьӧгъяс 11:1

Ылӧг вескиыд – Господьлы зывӧк, стӧч вескиыд шогмана Сылы.

Шусьӧгъяс 12:4

Бур гӧтыр аслас верӧслы юркытш, яндысьтӧм гӧтыр верӧсыслысь лыяссӧ сісьтӧ.

Шусьӧгъяс 16:11

Господь лӧсьӧдӧма стӧча веситчӧмсӧ, Сысянь став вески-гираыс.

Шусьӧгъяс 20:7

Веськыд мортыд сӧстӧм оласнога, майбырӧсь сылӧн ныв-пиыс.

Шусьӧгъяс 31:10

Бур гӧтыртӧ аддзыны абу кокньыд! Став дона изйысь на сійӧ дона.

Шусьӧгъяс 31:29

«Шань да зіль аньыс уна, но тэ – ставсьыс медбурыс».

Шусьӧгъяс 31:31

Уджыс серти сійӧс нимӧдӧй, йӧз водзын сійӧс ошкӧй!

Сьылан 5:16

Сылӧн вомыс – юмовтор, ставыс сылӧн кыскӧ ас дінас. Татшӧм менам мусукӧй, татшӧм менам ёртӧй, ерусалимса нывъяс!

Исай 26:7

Веськыда олысьлӧн туйыс шыльыд. Тэ дасьтан сылы веськыд туй.

Матвей 22:16

Найӧ мӧдӧдісны Сы дінӧ Ирӧдлысь йӧзсӧ да ассьыныс велӧдчысьяссӧ. Локтӧмаяс шуисны: «Велӧдысь, ми тӧдам, мый Тэ веськыда сёрнитан да веськыда велӧдан Енлӧн туйӧ. Тэ он пов йӧзлӧн шуасьӧмысь, он видзӧд морт вылӧ.

Марк 6:20

Ирӧд поліс Иоанысь, ӧд тӧдіс, мый Иоан веськыда олысь да вежа морт. Ирӧд дорйис Иоанӧс, унатор вӧчис сылысь кывзысьӧмӧн да окотапырысь кывзіс сійӧс.

Лука 16:15

Исус шуис налы: «Йӧз водзын ті петкӧдланныд асьнытӧ веськыда олысьясӧн, но Енмыс тӧдӧ тіянлысь сьӧлӧмнытӧ. Мый йӧзыс донъялӧны вылӧ, сійӧ Енмыслы зывӧк».

Лука 2:25

Сэки Ерусалимын вӧлі Симеон нима вежавидзысь морт. Сійӧ оліс веськыда да виччысис Израильӧс мездӧм. Вежа Лов вӧлі сы вылын.

Лука 23:50

Сэні вӧлі Иудеяысь, Аримафея карысь, Ӧсип нима морт. Тайӧ бур да веськыда олысь мортыс виччысис Енлысь Юралӧмсӧ. Ӧсип вӧлі веськӧдлан котырысь, но паныд сулаліс Исусӧс виӧмлы.

Иоан 7:18

Коді ассяньыс висьталӧ, сійӧ аслыс ошкӧмсӧ корсьӧ. Коді тӧждысьӧ, медым ошкӧмыс вичмис Сійӧс Мӧдӧдысьлы, Сійӧ збыльсӧ висьталӧ да оз ылӧдчы.

Ап. уджъяс 10:22

Найӧ висьталісны: «Миянӧс мӧдӧдіс Корнилий, сё тышкамортӧн веськӧдлысьным. Сійӧ веськыда олысь да Енмысь полысь морт, иудей войтыр сійӧс пыдди пуктӧ. Вежа андел тшӧктӧма сылы корны тэнӧ гортас, мед кывзыны тэнсьыд висьталӧмтӧ».

Ап. уджъяс 22:12

Сэні ме дінӧ локтіс Ананий нима вежавидзысь да Индӧд серти олысь морт. Дамаскын олысь иудейяс пыдди пуктісны сійӧс.

Ап. уджъяс 6:3

Та вӧсна, вокъяс, бӧрйӧй ас пӧвстсьыныд сизим мортӧс, кодъяс мывкыдаӧсь да тырӧмаӧсь Вежа Лолӧн. Найӧс пуктам тайӧ уджсӧ вӧчны.

Римӧ 13:13

Лунъюгыдын моз пондам овны бур ногӧн. Огӧ сетчӧй гажӧдчӧмӧ да кодалӧмӧ, гозъякост олӧм пежалӧмӧ да лэдзчысьӧм оласногӧ, вензьӧмӧ да вежалӧмӧ.

Римӧ 13:3

Юралысьясысь полӧны лёктор вӧчигӧн, а оз бурсӧ вӧчигӧн. Кӧсъян кӧ наысь повтӧг овны, вӧч веськыда, сэки лоӧ насянь ошкӧмыс.

Римӧ 14:18

Кристослы тадзи кесъялысь шогмана Енмыслы да пыдди пуктана йӧзӧн.

Римӧ 2:29

Но иудейыд сійӧ, коді сьӧлӧмнас иудей. Вундыштӧм пассӧ пуктӧма сылы сьӧлӧмас абу Индӧд серти, сійӧс Лов пуктӧма. Татшӧмыслы ошкӧмыс лоӧ Енсянь, а оз мортсянь.

1 Коринфӧ 4:5

Та вӧсна Господь локтӧдз, кадысь водз, некодӧс энӧ мыждӧй. Сійӧ югдӧдас пемыдас дзебӧмасӧ да восьтас мортлысь мӧвпъяссӧ. Сэки быдӧнлы вичмас Енсянь ошкӧмыс.

2 Коринфӧ 13:7

Ми кевмам Енлы, медым ті энӧ вӧчӧй некутшӧм лёктор. Ми огӧ кевмӧй сы могысь, медым петкӧдлыны асьнымӧс сэтшӧмӧн, кутшӧмӧн колӧ лонысӧ, но кевмам, медым ті вӧчинныд бурсӧ весиг сэки, ми кӧ абу сэтшӧмӧсь, кутшӧмӧн колӧ лоны миянлы.

2 Коринфӧ 6:8

Ми дасьӧсь сибӧдны ошкӧмсӧ и янӧдӧмсӧ, нимӧдӧмсӧ и лёкӧдӧмсӧ. Миянӧс лыддьӧны пӧръясьысьясӧн, но ми веськыда сёрнитам.

2 Коринфӧ 8:18

Сыкӧд ми мӧдӧдам нӧшта ӧти вокӧс. Быд вичко ёна ошкӧ сійӧс Бур Юӧр висьтавлӧмысь.

2 Коринфӧ 8:21

Ми ставсӧ зілям вӧчны веськыда огӧ сӧмын Господь водзын, тшӧтш йӧзыс водзын.

Галатӧ 5:22

Ловлӧн вотӧсыс – муслун, нимкодьлун, лӧньлун, терпитӧм, мелілун, бурлун, эскӧм,

Ефесӧ 4:25

Сідзкӧ, дугдӧй пӧръясьнытӧ, висьталӧй збыльсӧ ӧта-мӧдныдлы, ӧд ми – ӧта-мӧдлы юкӧнъяс.

Ефесӧ 5:9

Ӧд Ловлӧн вотӧсыс – бурлун, веськыдлун да збыльлун.

Ефесӧ 6:14

Сулалӧй зумыда! Вӧнясьӧй збыльнас да пасьталӧй веськыдлуныслысь кӧрт кышӧдсӧ.

Индӧд 16:20

Корсьӧй веськыдлунсӧ, сӧмын веськыдлунсӧ, сэки ті кутанныд овны, и ті босьтанныд аслыныд сійӧ мусӧ, мый Господь, тіян Енныд, сетас тіянлы».

Филипӧ 3:1

Нӧшта вокъясӧй, нимкодясьӧй Господь пытшкын! Та йылысь меным абу сьӧкыд казьтывлыны тіянлы, ӧд тайӧ видзас тіянӧс лёксьыс.

Колосӧ 4:5

Лоӧй мывкыдаӧсь эскытӧмъяскӧд, энӧ коллялӧй каднытӧ весьшӧрӧ.

1 Фессалоникаӧ 4:12

Сэки эскытӧмъяс тшӧтш кутасны пыдди пуктыны тіянӧс, тіян ставыс лоӧ тырмымӧн.

1 Тимофейлы 2:2

Кевмысьӧй юралысьяс да ыджыдалысьяс вӧсна, медым ми олім лӧня да зыксьытӧг, вежавидзӧмӧн да шогмана ногӧн.

1 Тимофейлы 3:11

Аньяс мед тшӧтш лоасны мывкыдаӧсь, садь вежӧраӧсь, быдторйын эсканаӧсь да оз суклясьны.

1 Тимофейлы 3:4

аслас гортсанас бура веськӧдлӧ. Сылӧн ныв-пиыс кывзысьӧны сылысь да пыдди пуктӧны сійӧс.

1 Тимофейлы 4:12

Некод мед оз увтырт тэнӧ томлун вӧснаыд. Тэнад сёрниыд, оласногыд, муслуныд, сьӧлӧмыд, эскӧмыд да сӧстӧмлуныд мед лоӧ шогмана, мед эскысьяс вермисны овны тэ моз.

1 Тимофейлы 5:10

да тӧдӧны кӧ сійӧс бур уджъясыс серти: сійӧ бур ногӧн быдтӧма-велӧдӧма ныв-писӧ, сибӧдӧма ветлысь-мунысьӧс, мыськалӧма вежа войтырлысь кокнысӧ, отсалӧма сьӧкыдалысьяслы да вӧчӧма быд бурсӧ.

1 Тимофейлы 5:2

Олӧма аньясӧс туйдӧд мамтӧ моз, томджыкъясӧс велӧд сӧстӧм сьӧлӧмӧн чойтӧ моз.

Титлы 1:8

ветлысь-мунысьӧс мед сибӧдіс, бурсӧ радейтіс, вӧлі сюсь вежӧра, быдторйын веськыд, вежавидзысь да кужис асьсӧ кутны.

Титлы 2:14

Кристос сетіс Асьсӧ миян вӧсна, медым мездыны миянӧс быд лёксьыс, сӧстӧммӧдны миянӧс да торйӧдны Аслыс войтырӧс, коді сьӧлӧмсяньыс пондас вӧчны бурсӧ.

Титлы 2:2

Олӧма айуловӧс велӧд лоны авъяӧн, садь да сюсь вежӧраӧн. Мед найӧ топыда кутчысясны эскӧмас, муслунас да зумыдлунас.

Титлы 2:7

Вӧч быд бурсӧ, мед мукӧдыс тэ вылӧ видзӧдӧмӧн тшӧтш велаласны татчӧ. Велӧд сӧстӧм сьӧлӧмӧн, вежавидзӧмӧн да Енлысь кывсӧ торкавтӧг.

Титлы 3:14

Миян эскысьяс мед тшӧтш велӧдчасны бурсӧ вӧчны, сетны колана отсӧг, сэки найӧ вотӧстӧг оз кольны.

Еврейяслы 11:2

Миян пӧльяс эскисны, та вӧсна найӧ шогмисны Енлы.

Еврейяслы 13:18

Кевмысьӧй миян вӧсна. Ми тӧдам, мый миян сьӧлӧмным оз мыжды миянӧс, ӧд ми ставсӧ кӧсъям вӧчны веськыда.

Яков 1:27

Мортыс кӧ видзӧ асьсӧ тайӧ мувывса пежсьыс, сійӧ кӧ тӧждысьӧ батьтӧм-мамтӧм челядь вӧсна да дӧваяс вӧсна налӧн сьӧкыдалігӧн – тайӧ эм Ен Бать водзын сӧстӧм да пежасьтӧм вежавидзӧм.

Яков 3:17

Но вылісянь сетӧм мывкыдлуныс – медвойдӧр сӧстӧм, сэсся лӧнь, рам, кывзысьысь, тырӧма буралӧмӧн да бур уджъясӧн. Сійӧ оз торйӧд мортӧс чужӧм вылӧ видзӧдӧмӧн, сійӧ ставсӧ вӧчӧ сьӧлӧмсяньыс.

1 Петыр 1:22

Лов отсӧгӧн збыльыслысь кывзысьӧмӧн ті сӧстӧмминныд, медым восьса сьӧлӧмӧн верминныд радейтны мукӧд эскысьӧс. Сідзкӧ, сьӧлӧмсяньныд радейтӧй ӧта-мӧднытӧ.

1 Петыр 2:12

Ентӧдтӧмъяс пӧвстын олӧй бур ногӧн. Сэки найӧ, кодъяс омӧльтӧмӧн шуӧны тіянӧс лёк вӧчысьясӧн, аддзасны бур вӧчӧмнытӧ да ошкасны Енсӧ Сылӧн локтігас.

1 Петыр 4:8

Сьӧлӧмсяньныд радейтӧй ӧта-мӧднытӧ, ӧд муслуныс вевттьӧ уна мыж.

2 Петыр 3:1

Донаясӧй, тайӧ менам мӧд гижӧд нин тіянлы. Кыкнан гижӧдас аслам казьтылӧмъясӧн зіли ышӧдны тіянӧс мӧвпавны сӧстӧма.

1 Иоан 3:18

Челядьӧй, кутам радейтны ӧта-мӧднымӧс огӧ кывъясӧн да сёрниӧн, но збыль сертиыс да уджъясӧн.

1 Иоан 3:3

Сы вылӧ татшӧм лача кутысь сӧстӧммӧдӧ асьсӧ, мед лоны Сы кодь сӧстӧмӧн.

1 Иоан 4:1

Мусаясӧй, энӧ эскӧй быд ловлы, тӧдмалӧй, Енсянь-ӧ сійӧ. Ӧд ӧні муюгыдас уна ылӧгпророкыс.

Руфа 3:11

Эн пов, нылӧй, ме вӧча тэныд ставсӧ, мый коран. Тайӧ карас став войтырыс тӧдӧ, мый тэ зэв шань.