Филипӧ 2:14 - Коми Библия 2023

¹⁴ Ставсӧ вӧчӧй шуасьтӧг да зыксьытӧг,

Филипӧ 2:14 Iomraidhean Croise

Псалтыр 106:25

Господь тшӧктіс, и кыптіс ыджыд тӧвныр, саридзын быгзисны гыясыс.

Шусьӧгъяс 13:10

Вылӧ пуксьӧмыд сӧмын вензьӧм чужтӧ, мывкыд мортыд туйдӧдӧмсӧ сибӧдӧ.

Лыд 14:27

«Дыр-ӧ на лёкнас тырӧм тайӧ войтырыс кутас шуасьны Ме вылӧ? Ме кыла Израиль пиянлысь Ме вылӧ ропкӧмсӧ.

Матвей 20:11

Удждон босьтӧм бӧрын найӧ элясясны овмӧс кутысьлы:

Марк 14:5

Тайӧ выйсӧ эськӧ позис куимсё динарысь донаджыка вузавны, а сьӧмсӧ гӧльяслы сетны». Тадзи найӧ шуасисны аньыс вылӧ.

Марк 9:14

Исус локтіс велӧдчысьяс дінӧ да аддзис, мый на гӧгӧр уна йӧз, мый велӧдчысьясыскӧд вензьӧны Индӧдӧ велӧдысьяс.

Лука 5:30

Фарисейяс да Индӧдӧ велӧдысьяс шуасисны Исуслӧн велӧдчысьяс вылӧ. Найӧ юалісны: «Мыйла ті сёянныд-юанныд вот перйысьяскӧд да мыжа йӧзкӧд?»

Ап. уджъяс 15:2

Павел да Варнава паныд сувтісны налы да дыр вензисны накӧд. Сэки шуисны мӧдӧдны Павелӧс, Варнаваӧс да ас йӧзсьыс кодсюрӧӧс апостолъяс да юрнуӧдысьяс дінӧ Ерусалимӧ, медым тайӧ сёрнинас воны ӧти кывйӧ.

Ап. уджъяс 15:39

Павел да Варнава весиг вензьӧмӧдз воисны да тадзикӧн торйӧдчисны. Варнава босьтіс аскӧдыс Маркӧс да кывтіс сыкӧд Кипрӧ.

Ап. уджъяс 15:7

Дыр вензьӧм бӧрын Петыр сувтіс да шуис налы: «Вокъяс, ті тӧданныд, мый Енмыс водзысяньыс бӧрйис менӧ миян пӧвстысь, медым менам вомсянь ентӧдтӧмъяс кылісны Евангелльӧсӧ да эскисны.

Ап. уджъяс 6:1

Велӧдчысьяслӧн лыдыс лунысь-лун содіс. Грек кывйӧн сёрнитысь иудейяс пондісны шуасьны сэтчӧс олысь иудейяс вылӧ, мыйла пӧ быдлунъя коланатор юклігӧн ӧтдортанныд миянлысь дӧваясӧс.

Римӧ 12:18

Верманныд кӧ, олӧй лӧня ставныскӧд.

Римӧ 14:1

Жеб эскысьӧс сибӧдӧй, энӧ вензьӧй, сылӧн видзӧдласыс кӧ торъялӧ.

Римӧ 16:17

Вокъяс, кора тіянӧс, видзчысьӧй да ылыстчӧй наысь, кодъяс пыртӧны вичкоад вензьӧмъяс да кежӧдӧны эскӧмсьыс, мыйӧ тіянӧс велӧдӧма.

1 Коринфӧ 10:10

Энӧ шуасьӧй, кыдзи шуасисны кодсюрӧ миян батьяс пӧвстысь. Сэсся Андел-Бырӧдысь виис найӧс.

2 Коринфӧ 12:20

Ме пола, мый тіянӧ воа да, аддза тіянӧс сэтшӧмӧн, кутшӧмӧн ог кӧсйы аддзынысӧ. Сідзкӧ, ті тшӧтш аддзанныд менӧ сэтшӧмӧн, кутшӧмӧн онӧ кӧсйӧй аддзынысӧ! Ме пола аддзыны тіян костысь зыксьӧм, вежалӧм, скӧралӧм, асьтӧ радейтӧм, удтысьӧм, суклясьӧм, вылӧ кыпӧдчӧм да кывзысьтӧмлун.

Галатӧ 5:15

Ті кӧ йиранныд-пуранныд ӧта-мӧднытӧ, видзчысьӧй, мед ӧта-мӧдтӧ дзикӧдз энӧ бырӧдӧй.

Галатӧ 5:26

Огӧ пондӧй вывтіасьны, ӧта-мӧдӧс дӧзмӧдны да ӧта-мӧдлы вежавны.

Филипӧ 2:3

Нинӧм энӧ вӧчӧй асьнытӧ петкӧдлӧм могысь да вылӧ кыпӧдчӧм могысь. Быдӧн мед рам сьӧлӧмӧн пуктӧ мӧдсӧ ассьыс вылӧджык

1 Фессалоникаӧ 5:13

Вылӧ пуктӧй татшӧм йӧзсӧ, радейтӧй найӧс налӧн уджысь. Ас костаныд олӧй лӧня.

1 Фессалоникаӧ 5:15

Видзчысьӧй, мед некод лёксьыс эз мынтысь лёкӧн. Мӧдарӧ, зільӧй вӧчны бурсӧ ӧта-мӧдныдлы да став йӧзыслы.

Еврейяслы 12:14

Тӧждысьӧй быдӧнкӧд овны лӧня, лоӧй вежаӧсь, ӧд вежалунтӧг некод оз аддзы Господьӧс.

Яков 1:20

Ӧд мортлӧн скӧралӧмыс оз вай Ен нога веськыд олӧмсӧ.

Яков 3:14

Но тіян сьӧлӧмын кӧ эм курыд вежалӧм да асьтӧ радейтӧм, сідзкӧ, энӧ ошйысьӧй да асланыд ылӧгӧн энӧ вевттьӧй збыльсӧ.

Яков 5:9

Вокъяс, энӧ мыжалӧй ӧта-мӧднытӧ, медым Енмыс эз мыжды тіянӧс. Мыждысьыс сулалӧ нин ӧдзӧс дорын.

1 Петыр 3:11

мед ылыстчас лёксьыс да вӧчас бурсӧ, корсяс лӧньлунсӧ да кутчысяс сэтчӧ.

1 Петыр 4:9

Сибӧдӧй ӧта-мӧднытӧ шуасьтӧг.

Иуда 1:16

Тайӧ йӧзыс век шуасьӧны да элясьӧны. Найӧ олӧны асланыс лёк кӧсйӧмныс серти да Индӧд торкалӧмӧн. Найӧ тшапа сёрнитӧны да ошкӧны мукӧдсӧ, медым аслыныс мыйкӧ курыштны.