Езекиль 7:7 - Коми Библия 2023

⁷ Мыждӧм суис тіянӧс, Израиль муын олысьясӧй. Воис кад, матын сійӧ луныс, кор шызьӧм кутас кывны керӧсъяс вылын, а оз нимкодясьӧм.

Езекиль 7:7 Iomraidhean Croise

Олӧм 19:15

Водз асывнас анделъяс кутісны тэрмӧдлыны Лотӧс: «Чеччы, босьт гӧтыртӧ, кыкнан нывтӧ да пет карсьыс, мед онӧ кулӧй мукӧдлӧн мыжъяс вӧсна».

Олӧм 19:24

Сэки Господь кисьтіс енэжсянь Содом да Гомора вылӧ тэгъя-биа зэр,

Исай 13:22

Шакалъяс пондасны омлявны изкаръясын, кӧинъяс пондасны вурзавны озыръяслӧн керкаясын.

Исай 16:10

Бур вотӧса му вылын оз нин гажӧдчыны-нимкодясьны, виноград йӧръясын оз сьывны, оз нимкодясьны, пычкан гуын оз талявны виноград вотӧс, дугдіс кывны гажӧдчӧм шы.

Исай 17:14

Рытнас лоӧ ыджыд полӧм, а асъядорыс сійӧ оз нин ло. Татшӧмтор виччысьӧ миянлысь эмбур мырддялысьясӧс, татшӧм лоӧ миянлысь гусялысьяслӧн пайыс.

Исай 22:5

Ковтысын шӧйӧвошӧм да шызьӧм, йӧзыс талялӧны ӧта-мӧднысӧ. Тайӧ лунсӧ лӧсьӧдіс Ыджыдыс, Господь Саваоф. Жуглӧны карса стенъяс, йӧзыслӧн горзӧмыс кылӧ керӧс йылӧдз.

Еремей 20:7

– Господьӧй, Тэ ылӧдлін менӧ, и менӧ лои ылӧдлӧма. Тэ вермин менӧ, ӧд Тэ меысь вынаджык. Быд лун сералӧны ме вылын, ставныс лёкӧдӧны менӧ.

Еремей 50:27

Виӧй вавилонса тышкайӧзӧс, ӧшъясӧс моз начкӧй найӧс. Курыд шог вавилонсаяслы, ӧд воис налӧн луныс, найӧс мыждан кадыс.

Езекиль 12:28

Та вӧсна шу налы, мый Господь Ыджыдыс тадзи висьталӧ: талунсянь Менсьым кывйӧс збыльмӧдӧм оз ло ылыстӧма. Мый висьтала, сійӧ збыльмас, – висьталӧ Господь Ыджыдыс».

Езекиль 30:3

ӧд матын Господьлӧн луныс. Матыстчӧ сьӧд кымӧра лун, войтыръясӧс мыждан кад.

Езекиль 7:12

Воис кад, матыстчӧ лун. Ньӧбысь мед оз нимкодясь, вузалысь мед оз бӧрд, ӧд ставныс вылӧ киссьӧ скӧрлунӧй.

Йоиль 1:15

Повзьӧдана лун миянӧс виччысьӧ, Господьлӧн луныс матын, Ставсӧвермысьсянь сійӧ локтас, медым бырӧдны.

Амос 4:13

Со, Сійӧ вӧчис керӧсъяссӧ, артмӧдіс тӧвсӧ. Сійӧ висьталӧ мортлы Ассьыс кӧсйӧмсӧ. Асъя югыдсӧ Сійӧ вежӧ пемыдӧн, ветлӧдлӧ керӧсъяс вывті. Сылӧн нимыс – Господь, Ен Саваоф.

1 Петыр 4:17

Мыждан кадыс матын нин, и медводз Енмыс кутас мыждыны Ассьыс войтырсӧ. Сідзкӧ, медводз кӧ кутас мыждыны миянӧс, сэки мый виччысьӧ найӧс, кодъяс оз кывзысьны Енлӧн Евангелльӧлысь?