Езекиль 47:8 - Коми Библия 2023

⁸ Морт шуис меным: «Тайӧ ваыс визувтӧ асыввыв муясӧ, лэччӧ Йӧрдан ковтысӧ да усьӧ Сола саридзӧ. Сэні ваыс бурмас да водзӧ оз нин ло сола.

Езекиль 47:8 Iomraidhean Croise

Петӧм 15:25

Мӧисей шыасис Господь дінӧ. Господь индіс сылы путор. Тайӧ путорсӧ сійӧ шыбитіс ваӧ, и ваыс лои юмов. Мараын Енмыс сетіс войтырыслы индӧд-тшӧктӧмъяс, сэні тӧдмаліс найӧс.

Исай 35:1

Мед нимкодясясны овтӧмин да кос му, мед нимкодясяс кушин, сійӧ пондас дзоридзавны лилия моз.

Исай 35:6

Чотысь пондас кӧр моз чеччавны, сёрнитны вермытӧм морт пондас сьывны. Кушинын воссясны ва петанінъяс, кос му вывті визувтасны шоръяс.

Исай 35:7

Пӧсь лыа лоас тыӧн, косьмӧм му – ва петанінӧн. Шакалъяслӧн оланінын кутас быдмыны эжӧр да юсьпӧлян.

Исай 43:20

Шакалъяс да страусъяс пондасны ошкыны Менӧ, ӧд овтӧминын Ме сета ва, кушинын лӧсьӧда юяс, медым юктӧдны Ассьым бӧрйӧм войтырӧс.

Исай 49:9

медым тэ шуин дзескыдінӧ йӧршитӧмаяслы: «Петӧй!», пемыдінын пукалысьяслы: «Петкӧдчӧй!» Туй бокысь найӧ аддзасны сёян, куш мылькъяс лоӧны налы йирсянінӧн.

Еремей 31:9

Найӧ петасны бӧрдӧмӧн, а Ме вайӧда найӧс бурӧдӧмӧн, нуӧда найӧс визув ва дінӧ шыльыд туйӧд, кӧні найӧ оз крукасьны, ӧд Ме – Израиль войтырлӧн бать, Ефрем – Менам медводдза чужысьӧй.

Малакий 1:11

Асыввылын и рытыввылын войтыръяс нимӧдӧны Менӧ, быдлаын тшынӧдчӧны Меным, вайӧны Меным сӧстӧм вись. Менӧ ыдждӧдлӧны войтыръяс, – висьталӧ Господь Саваоф. –

Матвей 13:15

Чорзьӧма тайӧ войтырыслӧн сьӧлӧмныс, найӧ сьӧкыд пеляӧсь, куньса синмаӧсь. Аддзынысӧ оз зільны, кывзынысӧ оз кӧсйыны, сьӧлӧмнаныс оз гӧгӧрвоны. Мелань бергӧдчынысӧ оз кӧсйыны, медым Ме бурдӧді найӧс.

Иоан 5:4

Господьлӧн анделыс корсюрӧ лэччывліс вайӧртӧдӧ гызьӧдны васӧ. Гызьӧм ваӧ медводдза пырысьыс быдпӧлӧс висьӧмысь бурдліс.

Индӧд 3:17

Нӧшта налы сеті Йӧрдан ковтыс асывладорсӧ Киннерет тысянь Сола саридзӧдз, асыввылын Фасга керӧсӧдз.

Индӧд 4:49

Сэтчӧ пырис тшӧтш асыввыв Йӧрдан ковтыс Сола саридзӧдз да асыввылын Фасга керӧсӧдз.

Нав Исус 3:16

ваыс дугдіс визувтны да сувтіс стенӧн ылӧ, Адам кар дорӧ, мый Цартан карсянь матын. А визувтысь ваыс лэччис ковтысса Сола саридзӧ да бырис.