Езекиль 43:8 - Коми Библия 2023

⁸ Ассьыныс тагӧссӧ найӧ пуктісны Менам тагӧс дінӧ да ассьыныс ӧдзӧс куричьяссӧ сувтӧдісны Менам ӧдзӧс куричьяс бердӧ, медым Меа-на костын сӧмын стен вӧлі. Найӧ пежалісны Менсьым вежа нимӧс асланыс пеж уджъясӧн. Та вӧсна Ме бырӧді найӧс скӧрйывсьым.

Езекиль 43:8 Iomraidhean Croise

2 Каднебӧг 33:4

Манассей сувтӧдіс идолъяслы висьпуктанінъяс тшӧтш Господьлӧн крамӧ, мый йылысь Господь шуліс, Ерусалимын пӧ лоас Менам нимӧйлы оланін нэмъяс чӧж.

2 Каднебӧг 33:7

Манассей вӧчӧдіс бӧлбанӧс да сувтӧдіс сійӧс Енлӧн крамӧ, мый йылысь Ен шуліс на Давидлы да сылӧн Соломон пилы: «Тайӧ крамас да Ерусалим карын, мый Ме бӧрйи Израиль чужанкотыръяслӧн став карыс пӧвстысь, лоас Менам нимӧй нэмъяс чӧж.

Петӧм 12:7

Сэсся мед босьтасны сылысь вирсӧ да мавтасны ӧдзӧслысь кыкнанбок куричсӧ да вылыс куричсӧ сійӧ керкасьыс, кӧні кутасны сёйны яйсӧ.

Езекиль 23:39

Ассьыныс пиянсӧ идолъясныслы начкӧм бӧрын найӧ сійӧ жӧ лунӧ локтісны Менам вежаинӧ, тадзи пежалісны сійӧс. Со мый найӧ вӧчисны Менам керкаын.

Езекиль 44:7

Ті вайӧданныд Менам вежаинӧ йӧз муысь локтысьясӧс, сьӧлӧмнас да вир-яйнас вундыштчытӧмъясӧс. На дырйи Меным гос да вир вайӧмӧн ті пежаланныд Менсьым крамӧс. Асланыд пеж уджъясӧн ті торканныд йитӧдӧс, мый Ме кӧрталі тіянкӧд.

Езекиль 5:11

Ме Ачым кыв сетӧмӧн шуа, мый кушӧдз шыра тэнӧ, – висьталӧ Господь Ыджыдыс, – ӧд тэ пежалін Менсьым вежаинӧс аслад пеж уджъясӧн да зывӧкторъясӧн. Ме ог жалит тэнӧ, ог бурсьӧлӧмтчы тэ дінӧ.

Езекиль 5:12

Тэнад олысьяс пӧвстысь ӧти пайыс кулас пӧрӧс висьӧмысь да тшыгъялӧмысь. Мӧд пайыс шыпурт помысь кулас тэнад стен сайын. А коймӧд пайсӧ Ме тӧвйыв разӧда. Ме перъя шыпуртӧс да вӧтӧда найӧс.

Езекиль 5:13

Ме кисьта Ерусалимын олысьяс вылӧ Ассьым скӧрлунӧс, койышта на вылӧ Ассьым ярлунӧс, и сӧмын та бӧрын бурмас Менам сьӧлӧмӧй. Кор Менам скӧрлунӧй мунас на вывті, найӧ тӧдмаласны, мый вежӧгтӧмпырысь Ме, Господь, мыжді найӧс.

Ёрдысьяс 19:27

Аньлӧн ыджыдыс чеччис асывнас, медым петны туйӧ. Сійӧ восьтіс керка ӧдзӧссӧ да аддзис, мый сылӧн кесйӧг-гӧтырыс куйлӧ ӧдзӧс дорын тагӧс вылӧ кисӧ нюжӧдӧмӧн.