Езекиль 40:6 - Коми Библия 2023

⁶ Сэсся морт матыстчис асыввыв пыранін дорӧ, кайис содйӧдыс да мурталіс тагӧссӧ, ӧдзӧс воссян пасьтасӧ. Сійӧ вӧлі бедь кузьта. Пыранінлӧн мӧдар помас тагӧсыс вӧлі татшӧм жӧ.

Езекиль 40:6 Iomraidhean Croise

Ӧксыяслӧн 3 небӧг 6:8

Жыръясӧ пыраніныс вӧлі крам лунвывладорсянь. Шӧр судтаас кайисны поскӧд, а сэсянь водзӧ кайисны вылыс судтаас.

1 Каднебӧг 9:18

Ӧніӧдз найӧ видзисны крам асывладорысь Ӧксы дзиръя. А водзынджык найӧ видзисны левитъяслысь чомъяссӧ.

1 Каднебӧг 9:24

Видзысьяс сулалісны нёльлаын: асыввылын, рытыввылын, войвылын да лунвылын.

Неемий 3:29

Накӧд орччӧн аслас керка весьтті стенсӧ дзоньталіс Иммерлӧн Садок пиыс, а сысянь водзӧ – Шеканийлӧн Шемай пиыс, Асыввыв дзиръя видзысь.

Псалтыр 84:10

Сійӧ регыд нин мездас Сыысь полысьясӧс, Сылӧн дзирдлуныс лоас миян му вылын.

Еремей 19:2

Мун Гырничтор дзиръяӧд Бен-Хинном ковтысӧ да юӧрт сэні сійӧ кывъяссӧ, мый Ме висьтала тэныд.

Езекиль 10:18

Господьлӧн дзирдлуныс вешйис крам ӧдзӧс дорысь да вуджис херувимъяс вылӧ.

Езекиль 11:1

Лов кыпӧдіс менӧ да вайӧдіс Господьлӧн крамӧ пыран асыввыв дзиръя дорӧ. Сэні сулалісны кызь вит морт. На пӧвстысь ме аддзи Азурлысь Язаний писӧ да Бенайлысь Пелатий писӧ. Найӧ вӧліны войтырлӧн юралысьяс.

Езекиль 40:20

Морт мурталіс ортсы йӧрӧ нуӧдысь войвыв пыранінсӧ.

Езекиль 40:22

Ӧшиньясыс, посводзыс да пальма серпасъясыс вӧліны асыввыв пыранінлӧн кодьӧсь. Пыранінӧ кайис сизим тшупӧда сод, а мӧд помас вӧлі посводз.

Езекиль 40:24

Морт нуӧдіс менӧ лунвывладорӧ, и сэтысь ме аддзи лунвыв пыранін. Морт мурталіс пыранінлысь стенъяссӧ да посводзсӧ, и найӧ вӧліны мукӧд пыраніныслӧн кодьӧсь.

Езекиль 40:26

Пыранінӧ кайис сизим тшупӧда сод, а мӧд помас вӧлі посводз. Пыранінлӧн ӧтар-мӧдар бок стенъясӧ вӧлі серпасалӧма пальмаяс.

Езекиль 40:5

Со, ме аддзи крам да сійӧс кытшалысь стен. Мекӧд сёрнитысь мортлӧн беддьыс вӧлі квайт гырддза кузьта. Гырддза кузьтаас вӧлі пырӧ тшӧтш ки пыдӧс пасьта. Морт мурталіс йӧр стенсӧ, стенлӧн кызтаыс и судтаыс вӧлі ӧти бедь.

Езекиль 40:7

Пыранінын вӧліны бокыса жыръяс, налӧн кузьтаыс и пасьтаыс вӧлі ӧти бедь, а найӧс торйӧдысь стенъяслӧн кызтаыс вӧлі вит гырддза. Пыранін помас вӧлі посводз. Посводзлӧн тагӧсыс, ӧдзӧс воссян пасьтаыс, вӧлі ӧти бедь кузьта.

Езекиль 41:16

тагӧсъяссӧ, ӧдзӧс куричьяссӧ, таса ӧшиньяссӧ да куимнан судтасьыс крамбердса жыръяссӧ джоджсяньыс ӧшиньӧдзыс вӧлі эжӧма пуӧн. Ӧшиньясыс вӧліны тупкыссянаӧсь.

Езекиль 42:15

Крамсӧ йӧръяснас мурталӧм бӧрын морт петкӧдіс менӧ асыввыв пыранінӧд да мурталіс крамлы торйӧдӧм мусӧ.

Езекиль 43:1

Морт вайӧдіс менӧ асыввыв пыранін дорӧ.

Езекиль 43:17

Сотанін улас тшупӧдыс быд боксянь кузьтанас вӧлі дас нёль гырддза. Сотанінсӧ вӧлі гӧгӧртӧма джын гырддза пасьта дорышӧн да ӧти гырддза джуджда воргаӧн. Висьяссӧ сотанін дорӧдз асыввывсянь кайис сод.

Езекиль 43:8

Ассьыныс тагӧссӧ найӧ пуктісны Менам тагӧс дінӧ да ассьыныс ӧдзӧс куричьяссӧ сувтӧдісны Менам ӧдзӧс куричьяс бердӧ, медым Меа-на костын сӧмын стен вӧлі. Найӧ пежалісны Менсьым вежа нимӧс асланыс пеж уджъясӧн. Та вӧсна Ме бырӧді найӧс скӧрйывсьым.

Езекиль 44:1

Морт бӧр вайӧдіс менӧ вежаинлӧн асыввыв ортсы пыранін дорӧ. Пыраніныс вӧлі пӧдса.

Езекиль 46:12

Ӧксы кӧ ас кӧсйӧм серти ваяс Господьлы сотан вись либӧ бурасян вись, сылы мед восьтасны асыввыв пыранінсӧ. Сійӧ мед ваяс сотан да бурасян висьяссӧ шойччан лун дырйи моз. Сэсся мед петас, а пыранінсӧ мед пӧдлаласны.

Езекиль 47:1

Морт бӧр вайӧдіс менӧ крам ӧдзӧс дорӧ. Ме аддзи, мый крам тагӧс улысь визувтіс ва асыввывлань, ӧд крамыс видзӧдіс асыввылӧ. Ваыс петіс тагӧс лунвывладорсянь, водзӧ визувтіс висьпуктанін лунвывладортіыс.

Езекиль 8:16

Господь вайӧдіс менӧ крамлӧн пытшкӧс йӧрӧ. Крам пыранін дорын, посводз да висьпуктанін костын, сулалісны кызь вит кымын айлов. Найӧ сулалісны Господьлӧн крамлы мышкӧн, чужӧмнаныс асыввылӧ, да копрасисны шонділы.