Езекиль 4:2 - Коми Библия 2023

² Карсӧ босьт кытшӧ. Кар гӧгӧрыс лэпты тымӧд, сувтӧдав тышкайӧзӧс да стен жуглан керъяс.

Езекиль 4:2 Iomraidhean Croise

Ӧксыяслӧн 2 небӧг 20:15

Йоав аслас тышкайӧзкӧд локтіс сэтчӧ да кытшаліс карсӧ. Карса стен гӧгӧр лэптісны тымӧд, медым сибавны стен дорӧ. Йоав аслас йӧзкӧд пондісны жуглыны стенсӧ.

Исай 22:7

Тэнад медмича ковтысъясыд тырӧмаӧсь тарантасъясӧн, верзьӧмаяс сулалӧны дзиръяяс дорын.

Еремей 32:24

Со, кар гӧгӧрыс вӧрӧг кыпӧдӧма тымӧд, медым босьтны сійӧс. Калдеяса тышкайӧз кытшалӧны тайӧ карсӧ, и сійӧс лоӧ сетӧма налӧн киӧ. Карса олысьясӧс лоӧ бырӧдӧма шыпуртӧн, тшыглунӧн да пӧрӧс висьӧмӧн. Инӧ сійӧ, мый Тэ водзвыв висьтавлін, и ӧні Тэ аддзан тайӧс.

Еремей 33:4

Господь, Израильлӧн Ен, тадзи висьталӧ: вӧрӧглӧн тымӧдысь да шыпуртысь тайӧ карыслӧн керкаясыс да иудаса ӧксыяслӧн керкаясыс киссясны.

Еремей 52:4

Та вӧсна Седекейлӧн ӧкмысӧд веськӧдлан воӧ дасӧд тӧлысьлӧн дасӧд лунӧ вавилонса Навукодоносор ӧксы аслас тышкайӧзкӧд уськӧдчис Ерусалим кар вылӧ. Найӧ кытшалісны карсӧ да лэптісны сы гӧгӧр тымӧд.

Еремей 6:6

Ӧд Господь Саваоф тадзи висьталӧ: – Кералӧй пуяссӧ, Ерусалимлы паныд кыпӧдӧй тымӧд. Тайӧ карас ыджыдалӧ нартитӧм, та вӧсна сійӧс виччысьӧ мыждӧм.

Езекиль 21:22

Тунасигас сылӧн веськыд киас усьӧ пудъясянтор, мый петкӧдлӧ Ерусалим вылӧ. Сійӧ сувтӧдас жуглан керъяс да лэптас тымӧдъяс, медым кисьтны карса стен да дзиръяяс. Сійӧ тшӧктас аслас тышкайӧзлы гораа горзӧмӧн уськӧдчыны кар вылӧ.

Езекиль 21:27

Жугла-кисьта тайӧ карсӧ, вӧча сійӧс из чукӧрӧн. Тадзи лоас, кытчӧдз оз лок сійӧ, кодлы сетӧма веськыда мыждыны карсӧ. Сэки Ме карсӧ сета сылы.

Езекиль 5:2

куим пельӧ. Кор помасясны Ерусалим карӧс кытшалан лунъясыд, ӧти пайсӧ биын сот кирпич вылӧ серпасалӧм кар шӧрас. Мӧд пайсӧ керав шыпуртӧн кар саяс, а коймӧд пайсӧ шыбит, мед тӧлыс разӧдас. Ме перъя шыпуртӧс да вӧтӧда коймӧд пайсӧ.

Даниил 11:15

Сэсся локтас войвывса ӧксы, кар гӧгӧрыс вӧчас тымӧд да босьтас изкарсӧ. Лунвывса ӧксылӧн тышкайӧзыс, весиг медвынаясыс, оз вермыны водзсасьны сыкӧд.