Езекиль 36:4 - Коми Библия 2023

⁴ Та вӧсна, Израиль керӧсъяс, кывзӧй Господь Ыджыдлысь кывсӧ, мый Сійӧ висьталӧ керӧс-ыбъяслы, ковтыс-сёнъяслы, овтӧминъяслы да эновтӧм каръяслы – тіянлы, кодъясӧс тіян гӧгӧр олысь войтыръяс куштӧны да сералӧны-лёкӧдӧны.

Езекиль 36:4 Iomraidhean Croise

Псалтыр 79:4

Енмӧй, выльысь сувтӧд миянӧс! Сет миянлы аддзыны Тэнсьыд югыд чужӧмбантӧ, сэки ми мездмам.

Исай 6:11

Сэсся ме юалі: «Господьӧй, дыр-ӧ тадзи лоӧ?» Сійӧ вочавидзис: «Кытчӧдз каръяс оз кушмыны, керкаясын оз коль олысьыс, и муыс дзикӧдз оз энды.

Еремей 29:10

Господь тадзи висьталӧ: сы бӧрти, кор Вавилонын ті оланныд сизимдас во, Ме бурсьӧлӧмтча тіян дінӧ. Ме збыльмӧда тіян йылысь Ассьым бур кывйӧс да бӧр вайӧда тіянӧс асланыд муӧ.

Езекиль 34:28

Найӧ оз нин шедны мукӧд войтыръяслӧн киӧ, и зверъяс оз косявлыны найӧс. Найӧ кутасны повтӧг овны, ӧд повзьӧдысьыс оз нин ло.

Езекиль 34:8

Менам ыжъяслӧн видзысьыс абу, – висьталӧ Господь Ыджыдыс, – та вӧсна найӧ шедісны зверъяслы гыж уланыс, лоины налы сёянӧн. Менам видзысьяс эз корсьны Менсьым ыжъясӧс, найӧ сӧмын ас вӧснаныс тӧждысисны, а эз Менам ыжъясӧй вӧсна.

Езекиль 36:1

«Морт пиӧй, пророкав Израиль керӧсъяслы: Израиль керӧсъяс, кывзӧй Господьлысь кывсӧ!

Езекиль 36:6

Та вӧсна пророкав Израиль му йылысь, висьтав керӧс-ыбъяслы да ковтыс-сёнъяслы, мый Господь Ыджыдыс тадзи висьталӧ: вежӧгтӧмӧн да скӧрпырысь Ме мыжда мукӧд войтыръясӧс, ӧд найӧ янӧдӧны тіянӧс.

Езекиль 6:14

Ме лэпта на вылӧ Ассьым киӧс да кушта тайӧ муысь налысь оланінъяссӧ овтӧминсянь Ривла карӧдз. Сэки найӧ тӧдмаласны, мый Ме – Господь».

Езекиль 6:3

Тшӧкты налы кывзыны Господь Ыджыдлысь кывсӧ. Шу, мый Господь Ыджыдыс тадзи висьталӧ тіянлы, керӧсъяс да мылькъяс, ковтысъяс да сёртасъяс: – Шыпурт мӧдӧда тіян вылӧ, бырӧда вись ваян мылькъяснытӧ.

Индӧд 11:11

Сійӧ муыс, кытчӧ ті овмӧдчанныд, керӧсъяса да ковтысъяса, и енэжсяньыс сійӧс киськалӧ зэр.