Езекиль 3:11 - Коми Библия 2023

¹¹ Мун пленын олысь аслад войтырыд дінӧ да шу налы, мый тадзи висьталӧ Господь Ыджыдыс. Ставсӧ висьтав, кывзасны-ӧ либӧ оз кывзыны найӧ тэнӧ».

Езекиль 3:11 Iomraidhean Croise

Петӧм 32:7

Господь шуис Мӧисейлы: «Лэччы ӧдйӧджык, ӧд тэнад войтырыд, кодӧс тэ петкӧдін Египет муысь, шогмытӧма кутіс овны.

Еремей 29:20

Ӧні ті ставныд, кодъясӧс Ме мӧдӧді Ерусалимысь Вавилонӧ пленӧ, кывзӧй Господьлысь кывсӧ!

Езекиль 2:4

Найӧ яндысьтӧмӧсь да чорыд сьӧлӧмаӧсь. Ме мӧдӧда тэнӧ на дінӧ, медым тэ шуан налы, мый тадзи висьталӧ Господь Ыджыдыс.

Езекиль 2:5

Кывзас-ӧ тэнӧ тайӧ асныра войтырыс либӧ оз, но найӧ мед тӧдасны, мый на дінӧ воліс пророк.

Езекиль 2:7

Кывзас-ӧ тэнӧ тайӧ асныра войтырыс либӧ оз, висьтав налы Менсьым кывъясӧс.

Езекиль 20:27

Морт пиӧй, шу Израиль войтырлы, мый Господь Ыджыдыс тадзи висьталӧ: тіян батьясныд водзӧ мыж вӧчисны Меным паныд да омӧльтісны Менӧ.

Езекиль 3:10

Сійӧ шуис меным: «Морт пиӧй, кывзы Менсьым кывъясӧс, сибӧд сьӧлӧмад, мый Ме висьтала.

Езекиль 3:12

Та бӧрын Лов кыпӧдіс менӧ. Ме кылі бӧрвылысь грымакылысь вына гӧлӧс: «Ошкӧй дзирдлуна Господьӧс Сылӧн оланінас!»

Езекиль 3:15

Ме бӧр локті пленын олысьяс дінӧ Тел-Авивӧ, Кевар ю бокӧ. Шӧйӧвошӧмаӧн ме олі на пӧвстын сизим лун чӧж.

Езекиль 3:27

Но кор Ме кута висьтавны тэныд, сэки восьта тэнсьыд кыв-вортӧ, и тэ шуан налы, мый тадзи висьталӧ Господь Ыджыдыс. Коді кутас кывзыны, мед кывзӧ, а коді оз, мед оз. Ӧд тайӧ войтырыс асныра».

Езекиль 33:12

Морт пиӧй, висьтав аслад войтырлы: веськыда олысь кӧ вӧчас мыжсӧ, сылӧн веськыда олӧмыс оз мезды сійӧс. Лёк вӧчысь кӧ дугдас вӧчны мыжсӧ, сійӧ оз кув аслас лёк вӧчӧмысь. И веськыда олысь ловйӧн оз коль, пондас кӧ мыж вӧчны.

Езекиль 33:17

Тэнад войтырыд шуӧ, Господь пӧ оз веськыда вӧч. Но найӧ асьныс оз веськыда вӧчны.

Езекиль 33:2

«Морт пиӧй, висьтав тадзи аслад войтырыдлы: сійӧ муас, кытчӧ Ме мӧдӧда шыпурт, войтырӧн пуктӧм видзысь

Езекиль 33:30

Морт пиӧй, тэнад войтырыд сёрнитӧ тэ йылысь керка стен да ӧдзӧс дораныс. Вокыс вокыслы шуӧ: ”Вай ветламӧй да кывзыштамӧй, мый висьталӧ Господь”.

Езекиль 37:18

Кор тэнад войтырыд юалас, мый тайӧ,

Даниил 12:1

Сійӧ кадас локтас Микаил, ыджыд юралысь андел, тэнсьыд войтыртӧ дорйысь. Сэки пуксяс сьӧкыд кад, кутшӧм эз на вӧвлы войтыръяслӧн олан кадӧ. Но тэнад войтыр пӧвстысь мездмасны ставныс, кодъяслысь нимсӧ гижӧма Небӧгӧ.

Даниил 6:13

Сэки найӧ шуисны ӧксылы: «Иуда муысь пленӧ вайӧдӧм Даниил нинӧмӧ пуктӧ тэнӧ, ӧксыӧй. Сійӧ нинӧмӧ пуктӧ тэнсьыд кырымалӧм тшӧктӧмтӧ, куимысь луннас кевмысьӧ аслас Енлы».

Индӧд 9:12

Господь шуис меным: ”Лэччы татысь ӧдйӧджык, ӧд тэнад войтырыд, кодӧс тэ петкӧдін Египетысь, сетчис пежас. Найӧ ӧдйӧ кежисны Менам туйысь, вунӧдісны Менсьым тшӧктӧмъясӧс. Найӧ вӧчисны аслыныс бӧлбанӧс”.