Езекиль 26:3 - Коми Библия 2023

³ Та вӧсна Господь Ыджыдыс тадзи висьталӧ: Ме сувта тэныд паныд, Тир. Ассьыс гыяссӧ кыпӧдысь саридз моз Ме кыпӧда тэныд паныд войтыръясӧс.

Езекиль 26:3 Iomraidhean Croise

Исай 5:30

Сійӧ лунӧ найӧ уськӧдчасны тайӧ му вылас, налӧн равзӧмыс лоӧ гызьӧм саридзлӧн шы кодь. Сэки видзӧдлан му вылас, аддзан сап пемыд да шогсьӧм, и кымӧръяс вевттясны югыдсӧ.

Еремей 21:13

Ӧні Ме сувта тэныд паныд, ковтысын сулалысь кар, вывтасінын сулалысь изкырта, – висьталӧ Господь. – Ме сувта тіянлы паныд, кодъяс шуанныд, некод пӧ оз вермы петны тышӧ миянлы паныд, некод пӧ оз пыр миян сайӧдчанінӧ.

Еремей 25:22

Тир да Сидон каръясысь ӧксыясӧс, тшӧтш саридз сайын саридздор муясын олысь ӧксыясӧс.

Еремей 50:31

Ышнясьысь, Ме сувта тэныд паныд, – висьталӧ Ыджыдыс, Господь Саваоф, – воис тэнад луныд, тэнӧ мыждан кадыд.

Еремей 50:42

Налӧн кианыс ньӧввуж да шы, найӧ скӧрӧсь, некодӧс оз жалитны, налӧн гӧлӧс шыныс бузгысь саридзлӧн кодь. Найӧ рӧдтӧны вӧвъяс вылын, дасьӧсь тышкасьны тэкӧд, Вавилон ныв.

Еремей 51:42

Саридз ыльӧбтіс Вавилон вылӧ, гыясыс вевттисны сійӧс.

Еремей 6:23

Налӧн кианыс ньӧввуж да шы, найӧ скӧрӧсь, некодӧс оз жалитны, налӧн гӧлӧс шыныс бузгысь саридзлӧн кодь. Найӧ рӧдтӧны вӧвъяс вылын, дасьӧсь тышкасьны тэкӧд, Сион ныв.

Езекиль 21:3

Израиль мулы шу, мый Господь тадзи висьталӧ: Ме сувта тэныд паныд, перъя Ассьым шыпуртӧс, виа веськыда олысьясӧс да мыжаясӧс.

Езекиль 26:19

Господь Ыджыдыс тадзи висьталӧ: Ме кушта тэнӧ, вӧча тэнӧ овтӧм карӧн. Пыдӧстӧм йирлысь васӧ Ме вая тэ вылӧ, ыджыд ва вевттяс тэнӧ.

Езекиль 27:26

Тэнад сынысьясыд петкӧдісны тэнӧ восьса саридзӧ, но сэні кыпӧдчис асыв тӧв да жугӧдіс тэнӧ.

Езекиль 28:22

Шу, мый Господь Ыджыдыс тадзи висьталӧ: Ме паныд сувта тэныд, Сидон, да нимӧда Ачымӧс сы пыр, мый тэныд вӧча. Ме мыжда Сидонӧс да сэні петкӧдла Ассьым вежалунӧс. Сэки тэнад олысьясыд тӧдмаласны, мый Ме – Господь.

Езекиль 29:10

Та вӧсна Ме сувта тэныд да тэнад юлы паныд. Ме пазӧда Египет муӧс, вӧча сійӧс овтӧминӧн Мигдолсянь Сиенаӧдз, Эфиопия мудорӧдз.

Езекиль 38:3

мый Господь Ыджыдыс тадзи висьталӧ: Ме сувта тэныд паныд, Гог, мешек да тувал войтыръяслӧн медыджыд юралысь.

Езекиль 5:8

Та вӧсна Господь Ыджыдыс тадзи висьталӧ: Ерусалим, Ме сувта тэныд паныд да мыжда тэнӧ мукӧд войтыръяслӧн син водзын.

Микей 4:11

Ӧні тэныд паныд чукӧртчисны войтыръяс, найӧ шуалӧны: «Вай янӧдам Сион нылӧс, кутам видзӧдны сійӧс бырӧдӧмсӧ».

Наум 2:12

Лев кыйліс кыйдӧс аслас пиянлы, вайліс кыйӧмтор налӧн мамъяслы, тыртліс ассьыс позсӧ кыйдӧсӧн, кырта горссӧ – виӧм пемӧсӧн.

Наум 3:5

Ме сувта тэныд паныд, – висьталӧ Господь Саваоф. – Ме лэпта тэнсьыд паськӧм пӧлатӧ да плавга сійӧс чужӧм вылад. Тэнсьыд куш яйтӧ Ме петкӧдла войтыръяслы, тэнсьыд яндзимтӧ – йӧз муын олысьяслы.

Закар 14:2

– Ме чукӧрта войтыръясӧс, мед тышкасьны Ерусалимкӧд. Найӧ босьтасны карсӧ, керкаяссӧ куштасны, аньяссӧ мырдӧналасны-янӧдасны. Карсьыс джын олысьсӧ нуӧдасны пленӧ, мукӧдсӧ колясны карас.

Закар 9:4

Но Господь босьтас сылысь озырлунсӧ, вӧйтас сылысь тышкайӧзсӧ саридзӧ, а карсӧ биӧн сотас.

Лука 21:25

«Шонді, тӧлысь да кодзувъяс вылын тыдовтчасны индысьпасъяс. Саридз ыджыд шыӧн гызяс, войтыръяс му вылын шызясны да шӧйӧвошасны.