Езекиль 24:17 - Коми Библия 2023

¹⁷ Ас кежсьыд сьӧлӧмад шогсьы, кулӧма вӧсна бӧрдӧдчӧм эн вӧч. Шогалысьяслы вайӧм нянь эн сёй, чужӧмтӧ эн тупкы, быд лунӧ моз ов юркӧртӧдӧн да кӧмӧн».

Езекиль 24:17 Iomraidhean Croise

Осий 9:4

Найӧ оз пондыны вайны Господьлы вина вись, налӧн висьясыс Господьлы оз лоны шогманаӧсь, а ваясны налы кулӧм да пежаласны сёйысьясӧс. Висьяссӧ найӧ асьныс кутасны сёйны, Господьлӧн керкаӧ оз вайны.

Ӧксыяслӧн 2 небӧг 15:30

А Давид кайис Олив керӧсӧ. Кӧмтӧгыс да юрсӧ вевттьӧмӧн сійӧ муніс и бӧрдіс. Сыкӧд мунысь йӧзыс тшӧтш вевттисны юрнысӧ да бӧрдісны.

Левит 21:10

Вокъясыс пӧвстысь медыджыд попӧ пуктӧм морт, кодлы юр вылас кисьтӧма мавтыштан вый да коді новлӧ вежа паськӧм, мед оз ветлӧдлы юрсӧ тупкытӧг да ас вывсьыс паськӧмсӧ мед оз косяв.

Левит 10:6

Ааронлы, сылӧн Элазар да Итамар пиянлы Мӧисей шуис: «Паськӧмнытӧ энӧ косялӧй, юрнытӧ вевттьӧй, медым ті энӧ кулӧй, и став войтырыс мед эз веськав Енлӧн скӧрлун улӧ. Но тіян вокъясныд, став Израиль войтыр, мед бӧрдасны на вӧсна, кодъясӧс Господь сотіс.

Аввакум 2:20

А Господь – Аслас вежа крамын. Став муюгыдыс мед ланьтас Сы водзын!

Микей 3:7

Яндзим лоӧ тӧдысь-аддзысьяслы, яналасны водзвыв висьталысьяс, найӧ ставныс тупкасны чужӧмнысӧ, ӧд Енсянь вочавидзӧмыс оз ло.

Амос 8:3

Сійӧ лунӧ гажӧдчан сьыланкывъяс вежсясны бӧрдӧмӧн, – висьталӧ Господь Ыджыдыс. – Быдлаын кутасны туплясьны шыбитӧм шойяс. Чӧв олӧй!

Псалтыр 46:10

Войтыръяслӧн юралысьяс чукӧртчӧны Ен войтыр дінӧ, тайӧ войтырыс кесъялӧ Ӧвраамлӧн Енлы. Мувывса став веськӧдлысьыс Енмыслӧн, Сійӧ юралӧ-ыджыдалӧ на вылын.

Псалтыр 39:9

Енмӧй, ме кӧсъя збыльмӧдны Тэнсьыд кӧсйӧмтӧ, Тэнад Индӧдыд олӧ менам сьӧлӧмын».

Псалтыр 37:7

Ме мышкыртчи да дзикӧдз нюкыртчи, лунтыр ветлӧдла шогсьӧмӧн.

Левит 13:45

Проказаӧн висьысьлы колӧ новлыны косялӧм паськӧм да вевттьыны ныр-вомсӧ, а юрсӧ оз ков вевттьыны. Сійӧ мед горзӧ: ”Пеж, пеж!”

Матвей 9:23

Юралысь керкаӧ воӧм мысти Исус аддзис пӧлянӧн ворсысьясӧс да гораа бӧрдысь йӧзӧс.

Исай 20:2

Господь шуис Амослӧн Исай пилы: «Мун да пӧрччы ас вывсьыд шогалан паськӧмтӧ, пӧрччы коксьыд кӧмтӧ». Сійӧ тадзи и вӧчис: ветлӧдліс пасьтӧг да кӧмтӧг.

Еремей 13:18

– Висьтав ӧксылы да сылӧн мамыслы: эновтӧй юралан пуклӧснытӧ, ӧд тіян юр вылысь усис дзирдалана юркытшныд.

Езекиль 24:18

Асывнас на ме сёрниті войтыркӧд, а рытнас кувсис менам гӧтырӧй. Мӧд луннас ме вӧчи сідзи, кыдзи вӧлі тшӧктӧма меным.

Езекиль 44:18

Юр выланыс налӧн мед вӧлі шабді дӧраысь юрвевттьӧд, улыс гачныс мед тшӧтш вӧлі шабді дӧраысь. Найӧ мед оз пасьтасьны сэтшӧм паськӧмӧ, мыйысь вермасны пӧсявны.