Езекиль 22:3 - Коми Библия 2023

³ Шу, мый Господь Ыджыдыс тадзи висьталӧ: курыд шог тэныд, вир кисьтысь кар. Бӧлбанъясӧс вӧчӧмнад тэ асьтӧ пежалан. Та вӧсна воис кад мыждыны тэнӧ.

Езекиль 22:3 Iomraidhean Croise

Ӧксыяслӧн 4 небӧг 24:3

Ставыс тайӧ суис Иуда муӧс, ӧд тадзи вӧлі шуӧма Господьлӧн. Господь вештіс Иуда войтырӧс Аслас чужӧмбан водзысь Манассей ӧксылӧн мыжъяс вӧсна, мый сійӧ вӧчис.

Ӧксыяслӧн 4 небӧг 24:4

Манассей кисьтіс мыжтӧм йӧзлысь вирсӧ сы мында, мый Ерусалим тырис вирӧн. Та вӧсна Господь эз прӧстит сійӧс.

Псалтыр 106:39

Но дзескӧдысь вӧсна налӧн лыдыс чинӧ, найӧ сьӧкыдалӧны да шогсьӧны.

Исай 1:21

Тэ вӧлін эскана войтырлӧн карӧн, а ӧні тэ – кырсалысьяслӧн кар. Водзын тэнад олысьясыд мыждісны да олісны веськыда, а ӧнія олысьясыд – морт виысьяс.

Езекиль 12:25

Мый Ме, Господь, висьтала, сійӧ збыльмас, и дыр виччысьны оз ков. Асныра войтырӧй, тіян олан лунъясӧ Ме висьтала Ассьым кывйӧс да збыльмӧда сійӧс, – висьталӧ Господь Ыджыдыс».

Езекиль 22:2

«Морт пиӧй, мыжды тайӧ вир кисьтысь карсӧ! Уськӧд сылы тӧд вылас зывӧк уджъяссӧ.

Езекиль 22:27

Ерусалимса юралысьяс кыйдӧс чашйысь кӧинъяс кодьӧсь. Озырмӧдчӧм могысь найӧ вир кисьтӧны да йӧзӧс виалӧны.

Езекиль 22:4

Тэ мыжа сыысь, мый вир кисьтін. Тэ пежалін асьтӧ бӧлбанъясӧс вӧчӧмнад. Тадзи матыстін мыждан лунтӧ, тэнад олан воясыдлы воис пом. Ме сета мукӧд войтыръяслы лёкӧдны тэнӧ, мукӧд муясын олысьяслы сета янӧдны тэнӧ.

Езекиль 22:6

Израильса юралысьяс вир кисьтісны Ерусалимын – быдӧн кисьтіс, мыйта вермис.

Езекиль 23:37

Найӧ ӧд пежалісны йитӧдӧс, мый Ме кӧрталі накӧд. Найӧ сетчисны идолъясныслы, налы вись пыдди биын сотлісны пияннысӧ, кодъясӧс чужтісны Меным. Налӧн киныс вирӧсь.

Езекиль 23:45

Но веськыда олысь айулов мыждасны найӧс гозъякост олӧм пежалӧмысь да вир кисьтӧмысь, ӧд найӧ пежалісны йитӧдӧс, мый Ме кӧрталі накӧд, и налӧн киныс вирӧсь.

Езекиль 23:7

Огола кырсаліс нималана ассурса зонъяскӧд, ӧзъяліс лёкколӧмнас на дінӧ, пежаліс асьсӧ налӧн идолъяслы юрбитӧмнас.

Езекиль 33:25

Та вӧсна шу налы, мый Господь Ыджыдыс тадзи висьталӧ: ті сёянныд яйсӧ вирнас, юрбитанныд идолъясныдлы да вир кисьтанныд. Тіян-ӧ тайӧ муыс?

Езекиль 9:9

Господь шуис меным: «Израиль войтырлӧн да Иуда войтырлӧн мыжыс вывті ыджыд. Тайӧ муыс тырӧма вирӧн, и тайӧ карас веськыда мыждӧмыс абу. Йӧзыс шуӧны, Господь пӧ эновтӧма тайӧ мусӧ, Господь пӧ оз аддзы.

Микей 3:10

Вир отсӧгӧн кыпӧданныд Сион, ылӧдчӧмӧн – Ерусалим.

Софоний 3:3

Сэтчӧс юралысьясыс – равзысь лев кодьӧсь, ёрдысьясыс – войся кӧин кодьӧсь, асылӧдзыс весиг лытор оз коль кыйдӧссьыс.

Римӧ 2:5

Но чорыд сьӧлӧмыд вӧсна тэ он кӧсйы бергӧдчыны мыжъяссьыд, тадзи ас вылад чукӧртан Енлысь скӧрлунсӧ. Сійӧ киссяс тэ вылӧ Скӧралан лунӧ Енмыслӧн веськыда мыждігӧн.

2 Петыр 2:3

Медым курыштны мыйкӧ аслыныс, найӧ тывйыштасны тіянӧс мудер сёрнинаныс. Но налы мыждӧмыс важӧн нин дась, найӧс бырӧдӧмыс матын нин.