Езекиль 21:3 - Коми Библия 2023

³ Израиль мулы шу, мый Господь тадзи висьталӧ: Ме сувта тэныд паныд, перъя Ассьым шыпуртӧс, виа веськыда олысьясӧс да мыжаясӧс.

Езекиль 21:3 Iomraidhean Croise

Иов 9:22

Енмыс ӧтмоза бырӧдӧ мыжтӧмӧс и мыжаӧс, та вӧсна ме шуа, мый ставыс веськодь.

Псалтыр 17:13

Сы водзын дзирдаліс яръюгыд би, сэтысь петісны кымӧръяс, шер да биа ӧгыръяс.

Псалтыр 80:17

А Ассьым войтырӧс Ме эськӧ верді медбур шобді няньӧн, пӧткӧді найӧс изкыртаысь босьтӧм маӧн». Ошкӧм.

Петӧм 15:9

«Суӧда, – шуис вӧтӧдысь, – тшапнита да юкла кыйдӧсӧс, тадзи бурмӧда сьӧлӧмӧс. Перъя шыпуртӧс да ставнысӧ сутшкала».

Еклесиаст 9:2

И тайӧ ӧтмоза инмӧ быдӧнлы: веськыда олысьлы и лёк вӧчысьлы, бур [и лёк] мортлы, сӧстӧм и пеж мортлы, вись вайысьлы и сылы, коді оз вай висьяс. Бур мортӧс суӧ сійӧ жӧ, мый мыж вӧчысьӧс, кыв сетысьӧс – сійӧ жӧ, мый кыв сетны полысьӧс.

Исай 10:5

Курыд шог Ассурлы, Менам скӧралан бедьлы. Сы киын орсыс – Менам лӧглунӧй.

Исай 34:5

– Енэжысь коланасӧ бырӧдӧм бӧрын Менам шыпуртӧй усяс Эдом вылӧ, медым дзикӧдз бырӧдны войтырӧс, кодӧс Ме мыжді.

Исай 57:1

Веськыда олысь кулӧ, и некод оз босьт тайӧс сьӧлӧмас. Вежавидзысь йӧз мунӧны мӧдаръюгыдас, и некод оз мӧвпыштлы та йылысь. Веськыда олысь ылыстчӧ лёксьыс,

Еремей 17:27

Но ті кӧ онӧ кывзӧй Менӧ, и шойччан луныс тіянлы оз ло вежа, а кутанныд шойччан лунӧ ветлыны нопйӧн ерусалимса дзиръяӧд, сэки тайӧ дзиръяяссӧ Ме биӧн сота. Биыс ньылыштас Ерусалимлысь керкаяссӧ, и некод оз кусӧд сійӧс».

Еремей 21:13

Ӧні Ме сувта тэныд паныд, ковтысын сулалысь кар, вывтасінын сулалысь изкырта, – висьталӧ Господь. – Ме сувта тіянлы паныд, кодъяс шуанныд, некод пӧ оз вермы петны тышӧ миянлы паныд, некод пӧ оз пыр миян сайӧдчанінӧ.

Еремей 21:14

Ме мыжда тіянӧс уджъясныдлӧн вотӧсыс серти, – висьталӧ Господь. – Тіян вӧрын Ме песта би, и сійӧ ставсӧ гӧгӧр ньылыштас.

Еремей 50:31

Ышнясьысь, Ме сувта тэныд паныд, – висьталӧ Ыджыдыс, Господь Саваоф, – воис тэнад луныд, тэнӧ мыждан кадыд.

Еремей 51:20

– Вавилон, тэ – Менам мӧлӧтӧй, Менам тышкасянторйӧй, тэӧн Ме пасьвартлі войтыръясӧс, тэӧн пазӧдлі муяс.

Еремей 51:25

Ме сувта тэныд паныд, Вавилон, тэ – бырӧдысь керӧс, бырӧдан ставнас мусӧ, – висьталӧ Господь. – Ме лэпта киӧс тэ вылӧ, шыбита тэнӧ изкырта вывсянь, вӧча тэнӧ сотчӧм керӧсӧн.

Езекиль 13:8

Та вӧсна Господь Ыджыдыс тадзи висьталӧ: абутӧмсӧ юӧртӧмысь да ылӧг аддзылӧмъяс висьталӧмысь Ме паныд сувта налы, – висьталӧ Господь Ыджыдыс. –

Езекиль 14:17

Ме кӧ мӧдӧді сійӧ му вылас шыпурт, тшӧкті сылы мунны му вывтіыс и бырӧді сэтысь йӧзсӧ да ыж-мӧссӧ,

Езекиль 14:21

Господь Ыджыдыс тадзи висьталӧ: Ме ыста нёль чорыд мыждӧм Ерусалим вылӧ. Мӧдӧда сэтчӧ шыпурт, тшыгъялӧм, зверъясӧс да пӧрӧс висьӧм, медым бырӧдны йӧзӧс да ыж-мӧскӧс.

Езекиль 21:19

«Морт пиӧй, серпасав кык туй, кыті мунас вавилонса ӧксылӧн шыпуртыс. Кыкнан туйыс мед ӧти муысь петӧ. Кӧні туйяс заводитчӧны, сувтӧд сэтчӧ кык карӧ мунан пас.

Езекиль 24:9

Господь Ыджыдыс тадзи висьталӧ: – Курыд шог вир кисьтысь карлы! Ме ӧзта ыджыд бипур.

Езекиль 26:3

Та вӧсна Господь Ыджыдыс тадзи висьталӧ: Ме сувта тэныд паныд, Тир. Ассьыс гыяссӧ кыпӧдысь саридз моз Ме кыпӧда тэныд паныд войтыръясӧс.

Езекиль 29:10

Та вӧсна Ме сувта тэныд да тэнад юлы паныд. Ме пазӧда Египет муӧс, вӧча сійӧс овтӧминӧн Мигдолсянь Сиенаӧдз, Эфиопия мудорӧдз.

Езекиль 5:12

Тэнад олысьяс пӧвстысь ӧти пайыс кулас пӧрӧс висьӧмысь да тшыгъялӧмысь. Мӧд пайыс шыпурт помысь кулас тэнад стен сайын. А коймӧд пайсӧ Ме тӧвйыв разӧда. Ме перъя шыпуртӧс да вӧтӧда найӧс.

Езекиль 5:8

Та вӧсна Господь Ыджыдыс тадзи висьталӧ: Ерусалим, Ме сувта тэныд паныд да мыжда тэнӧ мукӧд войтыръяслӧн син водзын.

Левит 26:25

Йитӧд торкӧмысь Ме вайӧда тіян вылӧ вӧрӧгӧс. Татшӧм ногӧн тіянлысь водзӧс перъя. Дзебсянныд кӧ асланыд каръясӧ, Ме мӧдӧда тіян вылӧ пӧрӧс висьӧм, сета тіянӧс вӧрӧг киӧ.

Левит 26:33

Ме разӧда тіянӧс войтыръяс пӧвстӧ, бӧрсяньныд вӧтча шыпуртӧн. Тіян муныд овтӧммас, каръясныд киссясны.

Амос 5:6

Корсьӧй Господьӧс, и ловйӧн колянныд. Онӧ кӧ корсьӧй, Сійӧ биӧн уськӧдчас Ӧсиплӧн рӧд вылӧ, и биыс ньылыштас ставсӧ, сотчас Вефиль – и сійӧс кусӧдысьыс оз ло.

Амос 7:4

Со мый петкӧдліс меным Господь Ыджыдыс. Сійӧ мӧдӧдіс мыждӧм могысь би. Биыс ньылыштіс пыдӧстӧм йирлысь васӧ да мулысь юкӧнсӧ.

Наум 2:13

– Ме сувта тэныд паныд, – висьталӧ Господь Саваоф. – Ме тшынйыв лэпта тэнсьыд тарантасъястӧ, шыпурт бырӧдас том левъястӧ. Ме бырӧда му вылысь ставсӧ, мый тэ мырддялін, дугдас кывны тэнад мӧдӧдӧмаяслӧн гӧлӧс шыныс.

Наум 3:5

Ме сувта тэныд паныд, – висьталӧ Господь Саваоф. – Ме лэпта тэнсьыд паськӧм пӧлатӧ да плавга сійӧс чужӧм вылад. Тэнсьыд куш яйтӧ Ме петкӧдла войтыръяслы, тэнсьыд яндзимтӧ – йӧз муын олысьяслы.

Софоний 2:12

Ті, Эфиопия войтыр, куланныд Менам шыпуртысь.

Закар 13:7

– Ырыштчы, шыпуртӧй, Менам видзысь вылӧ, Аслам медматысса вылӧ, – висьталӧ Господь Саваоф. – Кувмӧн дойд видзысьсӧ, и ыжъясыс разаласны. Ичӧт баляяс вылӧ Ме лэпта Ассьым киӧс.