Езекиль 21:10 - Коми Библия 2023

¹⁰ Лэчтӧма, медым унаӧс начкыны-керавны, весалӧма, медым сійӧ чардби моз югъялас. Нимкодясьны-ӧ, мый Менам пилӧн юралан беддьыс мустӧмтӧ мукӧд юралан бедьяс?

Езекиль 21:10 Iomraidhean Croise

Ӧксыяслӧн 2 небӧг 7:14

Ме лоа сылы батьӧн, а сійӧ – Меным пиӧн. Сійӧ кӧ мыжмас, Ме чорыда чирышта сійӧс, кыдзи бать чирыштӧ ассьыс писӧ.

Эсфир 3:15

Гижӧд нуысьяс тэрмасьӧмӧн мунісны паськӧдны ӧксылысь тшӧктӧмсӧ. Юӧртісны тшӧтш Суза изкарын. Ӧксы да Аман пуксисны юны-гажӧдчыны, а Суза кар ёна шызис.

Еклесиаст 3:4

эм кад бӧрдны и серавны, шогсьыны и йӧктыны,

Еремей 23:20

Господьлӧн скӧрлуныс оз вешйы, кытчӧдз Сійӧ оз збыльмӧд Ассьыс шуӧмсӧ. Бӧръя лунъясӧ ті тырвыйӧ гӧгӧрвоанныд тайӧс.

Еремей 46:4

Доддялӧй вӧвъяснытӧ, сӧлӧй тарантасӧ! Пасьталӧй юртупкӧднытӧ, ёсьтӧй шынытӧ, пасьталӧй кӧрт кышӧднытӧ!

Езекиль 20:47

Тшӧкты лунвылын быдмысь вӧрлы кывзыны Господьлысь кывсӧ. Господь Ыджыдыс тадзи висьталӧ: Ме ӧзта тэ пытшкӧ би, и сійӧ ньылыштас став пусӧ – вежсӧ и косьмӧмасӧ. Ыпъялысь биыс оз кус, а лунвывсянь войвылӧдз ставсӧ сотас.

Езекиль 21:11

Шыпуртсӧ сетӧма, медым весавны сійӧс да киӧ босьтны. Сійӧс лэчтӧма-весалӧма, медым морт виысьлы кабырас пуктыны.

Езекиль 21:4

Ме шуи бырӧдны тэнсьыд веськыда олысьясӧс да мыжаясӧс. Та вӧсна Менам перйӧм шыпуртӧй суас лунвывсянь войвылӧдз став олысьсӧ.

Наум 1:10

Найӧ коддзӧм морт кодьӧсь, дзугсьӧмаӧсь бытшкасьысь турун пӧвстӧ, найӧ сотчасны кос идзас моз.

Наум 3:3

Тӧвзьӧны вӧвъяс вылын верзьӧмаяс, лӧсталӧны шыпуртъяс, югъялӧны шыяс. Виӧмаясӧс он вермы лыддьыны, налӧн шойясыс лыдтӧм-тшӧттӧмӧсь, йӧзыс крукасьлӧны тайӧ шойясас.

Аввакум 3:11

Тэнад ыпъялысь ньӧвъясысь, Тэнад чардби моз сявкйысь шы помысь шондіыс да тӧлысьыс сувтӧны.

Восьтӧм 2:27

Сійӧ кутас видзны найӧс кӧрт беддьӧн да сёй дозъясӧс моз сійӧ жуглас найӧс торпыригӧдз сійӧ жӧ выннас, кутшӧм вын Меным сетіс Батьӧй.