Езекиль 14:23 - Коми Библия 2023

²³ Тіян сьӧлӧмныд бурмас, кор ті аддзанныд налысь олан туйсӧ да уджъяссӧ. Ті гӧгӧрвоанныд, мый Менам вӧлі помка, мыйла Ме ставсӧ тайӧс вӧчи Ерусалимкӧд, – висьталӧ Господь Ыджыдыс».

Езекиль 14:23 Iomraidhean Croise

Неемий 9:33

Быдторйын, мый суис миянӧс, Тэ веськыда вӧчин, ӧд Тэ веськыд, а ми – мыжаӧсь.

Иов 33:27

Сьылӧмӧн сійӧ кутас юӧртны йӧзыслы: «Ме мыж вӧчи, эг вӧв веськыд, но Енмыс эз мынтысь меным уджъясӧй серти.

Шусьӧгъяс 26:2

Кыдзи пышкай жбыркнитӧ, кыдзи джыдж лэбзьӧ – тадзи нинӧм абусьыс ёрӧмыс вешйӧ тэ дінысь.

Езекиль 15:1

Меным вӧлі Господьсянь кыв:

Езекиль 16:54

Сэки тэныд юръяндзим лоӧ пеж олӧм вӧснаыд, мыйысь асьнысӧ тэкӧд ӧткодялігӧн нимкодясисны тэнад чойясыд.

Езекиль 31:16

Ме уськӧді сус пуӧс, шыбиті сійӧс пыдӧстӧминӧ кулӧмаяс пӧвстӧ. Сылӧн грымгысьӧм-усьӧмӧн Ме пыркниті войтыръясӧс. Эдэмса пуяс да медбур ливанса пуяс, ваӧн коркӧ юкталӧм пуяс, пондісны нимкодясьны му пыдӧсас.

Езекиль 7:27

Ӧксы пондас шогсьыны, юралысьяс повзясны, войтырыс весьӧпӧрас. Ме мынтыся налы олан туйныс серти, мыжда найӧс, кыдзи найӧ мукӧдӧс мыждісны. Сэки найӧ тӧдмаласны, мый Ме – Господь.

Даниил 9:14

Господьӧй, Тэ видзӧдін миян бӧрся да ыстін тайӧ шогсӧ миян вылӧ. Господьӧй, миян Енмӧй, Тэ ставсӧ вӧчан веськыда, но ми эгӧ кывзысьӧй Тэнсьыд.

Даниил 9:7

Господьӧй, Тэ веськыда вӧчан, а миянлы ставнымлы ӧні юръяндзим. Ми эновтім Тэнӧ, та вӧсна Тэ вӧтлін миянӧс Иуда муысь, Ерусалимысь да став Израиль муысь ылі да маті муясӧ.

Левит 26:40

Но найӧ висьтасясны асланыс да батьясныслӧн мыжысь, Меным паныд сувтӧмысь да Менӧ эновтӧмысь,

Левит 26:41

мый вӧсна Ме [скӧрмӧмӧн] налы паныд сувті, вӧтлі найӧс вӧрӧг муӧ. Сэні найӧ мынтысясны мыжсьыныс, и налӧн вундыштчытӧм сьӧлӧмныс раммас Ме водзын.

Римӧ 2:5

Но чорыд сьӧлӧмыд вӧсна тэ он кӧсйы бергӧдчыны мыжъяссьыд, тадзи ас вылад чукӧртан Енлысь скӧрлунсӧ. Сійӧ киссяс тэ вылӧ Скӧралан лунӧ Енмыслӧн веськыда мыждігӧн.

Индӧд 8:2

Энӧ вунӧдӧй, кыдзи нелямын во чӧж Господь, тіян Енныд, нуӧдіс тіянӧс овтӧминӧд, медым раммӧдны тіянлысь сьӧлӧмнытӧ да тӧдмавны тіянӧс, тіянлысь сьӧлӧмпытшса мӧвпнытӧ, кутанныд-ӧ овны Сылӧн тшӧктӧмъяс серти.

Восьтӧм 15:4

Господьӧй, сюрас-ӧ сэтшӧм морт, коді оз повзьы Тэысь, коді оз ошкы Тэнсьыд нимтӧ? Ӧд Тэ ӧтнадӧн вежаыс! Войтыръяс локтасны да копыртчасны Тэ водзӧ, ӧд воссис Тэнад веськыда мыждӧмыд!

Восьтӧм 16:6

Йӧзыс кисьтісны вежа войтырлысь да пророкъяслысь вирсӧ, та вӧсна Тэ юктӧдан найӧс вирӧн, мынтысян налы уджъясныс серти.