Езекиль 12:19 - Коми Библия 2023

¹⁹ Тайӧ муас олысь Израиль войтырлы висьтав, мый висьталӧ Господь Ыджыдыс Ерусалимын олысьяс да Израиль му йылысь. Найӧ майшасьӧмпырысь кутасны сёйны ассьыныс няньсӧ, полӧмпырысь юны васӧ. Найӧ виалӧны-дзескӧдӧны, та вӧсна налысь мусӧ ставнас лоӧ куштӧма.

Езекиль 12:19 Iomraidhean Croise

Псалтыр 24:1

Давидлӧн псалом. Господьӧй, Тэлань веськӧда сьӧлӧмӧс.

Исай 6:11

Сэсся ме юалі: «Господьӧй, дыр-ӧ тадзи лоӧ?» Сійӧ вочавидзис: «Кытчӧдз каръяс оз кушмыны, керкаясын оз коль олысьыс, и муыс дзикӧдз оз энды.

Еремей 10:22

Кывзӧй, вайӧны юӧр, мый войвыв муысь гора шыӧн локтӧ вӧрӧг, иудаса каръяс сійӧ вӧчӧ овтӧминӧн, шакалъяслы оланінӧн.

Еремей 18:16

Ассьыныс мусӧ найӧ вӧчисны овтӧминӧн, сійӧ пыр кежлӧ лои повзьӧдчанторйӧн. Сы дорті мунысьяс пондасны юрнас довкйӧдлыны, найӧс полӧм босьтас.

Еремей 25:11

Тайӧ муыс ставнас лоӧ овтӧминӧн да повзьӧдчанторйӧн. Татчӧс войтыръяс кутасны кесъявны вавилонса ӧксылы сизимдас во чӧж.

Еремей 32:28

Та вӧсна Господь тадзи висьталӧ: тайӧ карсӧ Ме сета калдеяса тышкайӧзлӧн киӧ да вавилонса Навукодоносор ӧксы киӧ. Сійӧ босьтас тайӧ карсӧ.

Еремей 33:10

Господь тадзи висьталӧ: ті шуаланныд, мый тайӧ муыс – овтӧмин, тані морт ни ыж-мӧс оз ов. Но тані, иудаса каръясын да ерусалимса уличьяс вылын, кодъяс ӧні кушӧсь, кӧні абу морт ни ыж-мӧс, бара кутас кывны

Еремей 33:12

Господь Саваоф тадзи висьталӧ: тайӧ овтӧминас, кӧні абу морт ни ыж-мӧс, тайӧ каръяс гӧгӧрыс бара лоӧны йирсянінъяс, кӧні ыж видзысьяс кутасны йирсьӧдны ассьыныс ыжъяссӧ.

Еремей 4:27

Господь тадзи висьталӧ: – Тайӧ муыс лоӧ кушинӧн, но дзикӧдз ог бырӧд сійӧс.

Еремей 6:7

Кыдзи ва петанінысь ылькйӧ-петӧ ва, тадзи тайӧ карсьыс петӧ лёкыс. Сэні ыджыдалӧ виалӧм-дзескӧдӧм да мырддялӧм, висьӧм да дойяс оз вешйывны Менам син водзысь.

Езекиль 36:3

Но тэ пророкав налы, мый Господь Ыджыдыс тадзи висьталӧ: тіянӧс куштӧма, и мукӧд войтыръяс быд боксянь кӧсйӧны босьтны тіянӧс аслыныс. Найӧ лёкӧдӧмӧн сёрнитӧны тіян йылысь.

Езекиль 4:16

Господь шуис меным: «Морт пиӧй, Ме мырддя ерусалимса олысьяслысь няньсӧ. Няньторсӧ найӧ кутасны сёйны веситӧмӧн да майшасьӧмпырысь, васӧ кутасны юны мурталӧмӧн да полӧмпырысь.

Езекиль 6:14

Ме лэпта на вылӧ Ассьым киӧс да кушта тайӧ муысь налысь оланінъяссӧ овтӧминсянь Ривла карӧдз. Сэки найӧ тӧдмаласны, мый Ме – Господь».

Езекиль 7:23

Найӧ вайӧдасны Израиль войтырӧс шызьӧмӧдз, ӧд муыс тырас вир кисьтӧмӧн, юркарын паськалас виалӧм-дзескӧдӧм.

Микей 7:13

А сэтчӧс муыс лоӧ овтӧминӧн сэні олысьяслӧн лёк уджъясныс вӧсна.

Закар 7:14

Ме разӧді найӧс войтыръяс пӧвстӧ, кодъясӧс найӧ эз тӧдлыны водзын. Налӧн эновтӧм муыс кушмис, сэтчӧ некод эз кут волыны. Тадзи на вӧсна бур муныс пӧри овтӧминӧ.

1 Коринфӧ 10:26

Муыс да ставыс, мый сэні эм – Господьлӧн.

1 Коринфӧ 10:28

Но висьталасны кӧ тіянлы, мый сёянсӧ вӧлі вайӧма идоллы вись пыдди, сэки энӧ сёйӧй тайӧ сёянсӧ висьталысьыс вӧсна, медым сылӧн сьӧлӧмыс эз мыжды сійӧс. Ӧд муыс и ставыс, мый эм сы вылын – Господьлӧн.