Езекиль 10:4 - Коми Библия 2023

⁴ Господьлӧн дзирдлуныс кыпӧдчис херувимъяс вылысь да вуджис крам ӧдзӧслань. Крамсӧ тыртіс кымӧр, а крам йӧрыс тырис Господьлӧн дзирдлунӧн.

Езекиль 10:4 Iomraidhean Croise

Петӧм 40:34

Сэки вежа чомсӧ вевттис кымӧр. Господьлӧн дзирдлуныс тыртіс вежа чомсӧ.

Петӧм 40:35

Мӧисей эз вермы пырны вежа чомйӧ, ӧд вежа чомсӧ вӧлі вевттьӧма кымӧр. Господьлӧн дзирдлуныс тыртіс вежа чомсӧ.

Исай 6:1

Озей ӧксылӧн кулан воӧ ме аддзылі Господьӧс. Сійӧ пукаліс выліинын сулалысь джуджыд юралан пуклӧсын. Сылӧн паськӧм пӧлаыс вевттис ставнас крам пытшкӧссӧ.

Езекиль 1:28

Сійӧс кытшалысь дзирдалӧмыс вӧлі зэр дырйи кымӧръясын мыччысьӧм ӧшкамӧшка кодь.

Езекиль 10:18

Господьлӧн дзирдлуныс вешйис крам ӧдзӧс дорысь да вуджис херувимъяс вылӧ.

Езекиль 43:2

Ме аддзи, мый асыввывсянь матыстчӧ Израиль Енлӧн дзирдлуныс. Ме кылі бузгысь ыджыд валысь кодь шы. Господьлӧн дзирдлунысь муыс югдіс.

Езекиль 43:5

Лов кыпӧдіс менӧ да нуӧдіс пытшкӧс йӧрӧ. Ме аддзи, мый Господьлӧн дзирдлуныс тыртіс крамсӧ.

Езекиль 44:4

Морт вайӧдіс менӧ войвыв пыранінӧд крам водзӧ. Ме аддзи, мый Господьлӧн дзирдлуныс тыртіс крамсӧ, и ме кымынь уськӧдчи муас.

Езекиль 9:3

Сэки Израиль Енлӧн дзирдлуныс кыпӧдчис херувим вылысь да вуджис крам ӧдзӧслань. Господь корис шабді паськӧма мортӧс, кодлӧн вӧнь бердас вӧлі гижасянтор,

Аггей 2:9

Тайӧ крамыслӧн дзирдлуныс лоӧ воддза дорсьыс на мичаджык, – висьталӧ Господь Саваоф. – Тані Ме сета лӧньлун да бур олӧм, – висьталӧ Господь Саваоф».

Лыд 16:19

Корей чукӧртіс вежа чом пыранін дорӧ став войтырсӧ, медым Мӧисейлы да Ааронлы паныд кыпӧдны найӧс. Сэки став войтырыс аддзис Господьлысь дзирдлунсӧ.

Восьтӧм 15:8

Енлӧн дзирдлунысь да Сылӧн вынысь крамыс тырис тшынӧн. Крамас некод эз вермы пырнысӧ, кытчӧдз эз помась сизим анделлӧн сизим бырӧданторйӧн удж вӧчӧмыс.