Ездра 8:36 - Коми Библия 2023

³⁶ Найӧ сетісны ӧксылӧн сатрапъяслы да Авар-Нахара муын юралысьяслы ӧксылысь гижӧм тшӧктӧмъяссӧ. Сатрапъяс да юралысьяс эз сувтны войтырыслы да Енлӧн крамлы паныд.

Ездра 8:36 Iomraidhean Croise

Ездра 6:13

Авар-Нахара муын юралысь Таттенай, Шетар-Бозенай да налӧн уджъёртъясыс ставсӧ вӧчисны Дарий ӧксылӧн тшӧктӧм серти.

Неемий 2:7

Ме нӧшта шуи сылы: «Ӧксыӧй, тэныд кӧ шогмана, Ефрат ю рытыввыв муясын юралысьяслы ысты мекӧд гижӧд, медым найӧ лэдзасны менӧ мунны Иуда муӧ налӧн муясӧд.

Эсфир 3:12

Медводдза тӧлысьлӧн дас коймӧд лунӧ чукӧртісны ӧксылысь гижалысьясӧс. Аманлысь тшӧктӧмсӧ найӧ гижисны ӧксылӧн сатрапъяслы, [Индиясянь Эфиопияӧдз сё кызь сизим] ӧксыув муын юралысьяслы да войтыръяслӧн веськӧдлысьяслы. Гижӧдсӧ дасьтісны ӧксыув муясын олысьяслӧн шыпасъясӧн да быд войтырлӧн чужан кыв вылын. Сійӧс вӧлі гижӧма Артаксеркс ӧксы нимсянь да вынсьӧдӧма ӧксылӧн чунькытш пасӧн.

Эсфир 9:3

Мардокейысь полӧмнысла ӧксыув муясын юралысьяс, сатрапъяс, ыджыдалысьяс да ӧксылӧн чина йӧз сувтісны иудейяс дор.

Шусьӧгъяс 16:7

Весиг мустӧмтысьяс бурасьӧны сыкӧд, кодлӧн туйыс Господьлы шогмана.

Ап. уджъяс 18:27

Кор Аполос мӧдӧдчис мунны Акайяӧ, вокъяс ышӧдісны сійӧс да гижисны сэтчӧс велӧдчысьяслы, медым сибӧдасны сійӧс. Акайяын Аполос ёна отсаліс налы, кодъяс Енлӧн буралӧм кузя пондісны эскыны.

Восьтӧм 12:16

но муыс отсаліс аньлы. Муыс воссис да ньылыштіс гундыр вомысь петӧм юсӧ.