Ездра 8:21 - Коми Библия 2023

²¹ Ахава ю дорын ме тшӧкті видзавны, медым раммӧдчыны асланым Ен водзын да корны Сійӧс видзны миянӧс, челядьнымӧс да став эмбур-озырлуннымӧс туяным.

Ездра 8:21 Iomraidhean Croise

2 Каднебӧг 20:3

Иосафат повзис. Сійӧ шыасис Господь дінӧ, а Иуда муын олысьяслы тшӧктіс видзавны.

2 Каднебӧг 20:4

Иуда войтыр чукӧртчис, медым корны Господьлысь отсӧг. Иудаса быд карысь локтісны йӧз, медым кевмысьны Господьлы.

Ездра 8:15

Ме чукӧрті тайӧ йӧзсӧ Ахавалань визувтысь ю дорӧ. Сэні ми сулалім куим лун. Ме корси войтыр пӧвстысь да попъяс пӧвстысь левитъясӧс, но эг аддзы.

Ездра 8:31

Медводдза тӧлысьлӧн дас кыкӧд лунӧ ми петім Ахава ю дорысь да мӧдӧдчим Ерусалимӧ. Енмыс видзис миянӧс туяным, мездіс вӧрӧгъясысь да кыйӧдчысьясысь.

Неемий 9:1

Кызь нёльӧд лунӧ сійӧ жӧ тӧлысьнас Израиль войтыр чукӧртчис, мед видзавны. Найӧ пасьталісны шогалан паськӧм да коялісны юрнысӧ муӧн.

Эсфир 4:16

«Мун да чукӧрт Суза карысь став иудейсӧ. Видзалӧй ме вӧсна. Энӧ сёйӧй да энӧ юӧй куим лун и куим вой чӧж. Аслам кесйӧг аньяскӧд ме тшӧтш кута видзавны. Та бӧрын ме муна ӧксы дінӧ, мед кӧ тайӧ лоӧ индӧд торкӧм. Ковмас кӧ кувны, кула».

Псалтыр 137:1

Давидлӧн псалом. Господьӧй, ме ошка Тэнӧ став сьӧлӧмсянь, сьылӧмӧн ошка Тэнӧ енэжвывса олысьяс водзын. [Тэ кылін став менсьым кывйӧс.]

Псалтыр 5:8

Но Тэнад ыджыд буралӧмыд вӧсна ме верма пырны Тэнад крамӧ, Тэысь полӧмӧн копыртчыны Тэнад вежаинлань.

Псалтыр 5:9

Господьӧй, нуӧд менӧ Аслад веськыд туйӧд, шыльӧд сійӧс меным мустӧмтысьяслӧн син водзын.

Псалтыр 8:2

Господьӧй, миян Ыджыдӧй, кутшӧм шензьӧдана Тэнад нимыд став му пасьталаыс! Тэныд ошкӧмыс кыптӧ енэжъясысь вылӧджык на.

Шусьӧгъяс 3:6

Став аслад туйясын Господьӧс тӧдмав, тэнсьыд туйястӧ Сійӧ веськыдӧн вӧчас.

Исай 30:21

Ті кӧ кежанныд веськыдвылӧ либӧ шуйгавылӧ, бӧрвывсяньныд ті кыланныд татшӧм кывъяс: «Со туйыс, мунӧй сэті!»

Исай 35:8

Овтӧминті кутас мунны паськыд туй, сійӧс нимтасны Вежа туйӧн. Пежасьӧм морт оз кут ветлыны сы вывті, сійӧ лоӧ сӧмын Ен войтырлы туйӧн. Сэті мунысьяс, весиг мывкыдтӧмъяс, оз вошны.

Исай 42:16

Ме нуӧда синтӧмъясӧс сійӧ туйӧдыс, кыті найӧ эз на ветлыны, нуӧда найӧс тӧдтӧм туйӧд. Пемыдсӧ на водзвылын Ме вӧча югыдӧн, чукля туйяссӧ – веськыдӧн. Тадзи Ме вӧча налы, ог эновт найӧс.

Исай 49:10

Найӧ оз кутны тшыгъявны, налӧн оз кут косьмыны горшныс, найӧс оз пӧж шондіыс, ӧд найӧс пондас нуӧдны Сійӧ, коді бур сьӧлӧма на дінӧ, Сійӧ вайӧдас найӧс ва петанінъяс дорӧ.

Исай 58:3

Найӧ шуӧны: «Ми видзалам, но Тэ он аддзы тайӧс, ми раммӧдам асьнымӧс, но Тэ он тӧд та йылысь!» Асланыд видзалігӧн ті вӧчанныд, мый кӧсъянныд, сьӧкыд уджӧн ті дзескӧданныд тіянлы уджалысьясӧс.

Исай 58:5

Ме ӧмӧй кӧсъя татшӧм видзалӧмсӧ, кӧсъя ӧмӧй татшӧм раммӧдан лунсӧ, кор эжӧр моз копыртанныд юрнытӧ, вольсаланныд ас уланыд чорыд дӧра, куйланныд пӧим вылын? Тайӧс ӧмӧй позьӧ шуны видзалӧмӧн, Господьлы шогмана лунӧн?

Еремей 10:23

Господьӧй, ме тӧда, мый мортыс абу ыджыдыс аслас олӧм вылын, сійӧ оз вермы веськӧдлыны аслас воськовъясӧн.

Еремей 42:3

Господь, тэнад Енмыд, мед петкӧдлас миянлы туйсӧ, кыті мунны да мый вӧчны».

Даниил 9:3

Ме шыаси Господь Ен дінӧ, кевмыси да видзалі, пасьталі шогалан паськӧм да коялі юрӧс пӧимӧн.

Йоиль 1:14

Урчитӧй вежа видзалан лунъяс, юӧртӧй ыджыд чукӧртчӧм йылысь. Коралӧй юрнуӧдысьясӧс да став войтырсӧ Господьлӧн, асланыд Енлӧн, крамӧ, сэні шыасьӧй Господь дінӧ.

Левит 16:29

Сизимӧд тӧлысьлӧн дасӧд лунӧ раммӧдчӧй-видзалӧй, некутшӧм удж энӧ вӧчӧй, ни вужвойтыр, ни йӧз муысь локтысьяс. Олӧй тайӧ тшӧктӧмыс серти нэмъяс чӧж.

Левит 16:31

Сэки тіян шойччан лун, кор тіянлы колӧ раммӧдчыны-видзавны. Тайӧ тшӧктӧмсӧ сетӧма тіянлы нэмъяс кежлӧ.

Левит 23:29

Коді оз раммӧдчы-видзав тайӧ лунӧ, сійӧс лоӧ бырӧдӧма аслас войтыр пӧвстысь.

Иона 3:5

Ниневияын олысьяс та бӧрын кутісны эскыны Енлы. Найӧ шуисны видзавны, и ставныс ичӧтсянь ыджыдӧдз пасьталісны шогалан паськӧм.

Иона 3:7

Ӧксы да сылӧн киподувса юралысьяс тшӧктісны юӧртны Ниневияын олысьяслы: «Энӧ сёйӧй-юӧй да энӧ йирсьӧдӧй-юкталӧй ыж-мӧснытӧ да мукӧд пемӧснытӧ.

Лыд 14:3

Мыйла Господь нуӧдӧ миянӧс Ханаан муӧ? Сэні ми шыпурт помысь кулам, а гӧтыръясным да ныв-пиным шедасны вӧрӧг киӧ! Гашкӧ, бурджык бӧр бергӧдчыны Египетӧ?»

Лыд 14:31

Ныв-пинытӧ, код йылысь ті шулінныд, шедасны пӧ вӧрӧг киӧ, Ме пырта сэтчӧ. Найӧ босьтасны аслыныс сійӧ мусӧ, мый ті ӧтдортінныд.

Ап. уджъяс 2:39

Ӧд тайӧс кӧсйысьӧма тіянлы, тіян ныв-пилы да став ылісаыслы – дзик быдӧнлы, кодӧс корас Господь, миян Енным».

Ёрдысьяс 20:26

Та бӧрын став израильса тышкайӧзыс локтісны Вефильӧ. Пукалісны сэні Господь водзын да бӧрдісны. Рытӧдзыс видзалісны, вайисны Господьлы сотан да бурасян висьяс.

Ӧксыяслӧн 1 небӧг 7:6

Израильсаяс локтісны Миспаӧ. Сэні найӧ гумлалісны ва да кисьталісны му вылӧ Господь водзын, тайӧн петкӧдлісны мыжсьыныс бергӧдчӧмнысӧ. Сійӧ лунӧ найӧ видзалісны да висьтасисны, ми пӧ мыж вӧчим Господьлы паныд. Тадзи Миспа карын Израиль войтыр чукӧртчис Самуил ёрдысь водзӧ.