Ездра 7:6 - Коми Библия 2023

⁶ Ездра локтіс Вавилонысь. Сійӧ вӧлі велӧдчӧм морт, бура тӧдіс Мӧисейлысь Индӧдсӧ, мый вӧлі сетӧма Господь, Израильлӧн Ен. Ӧксы сетіс Ездралы ставсӧ, мый сійӧ корис, ӧд Ездракӧд вӧлі Господь, сылӧн Енмыс.

Ездра 7:6 Iomraidhean Croise

Олӧм 32:28

Мӧдыс шуис: «Ӧнісянь тэнад нимыд оз ло Яков, а Израиль, ӧд тэ вермасин Енкӧд да йӧзкӧд, и вермин».

Ездра 5:5

Но Енмыс вӧлі иудейяслӧн юрнуӧдысьяскӧд. Налы лэдзисны уджавны водзӧ. Юралысь аслас йӧзкӧд шуис гижны Дарий ӧксылы да виччысьны сысянь вочавидзӧм.

Ездра 6:22

Сизим лун чӧж найӧ нимкодясьӧмӧн пасйисны Шомтӧм нянь сёян лунъяс. Господь тыртіс йӧзыслысь сьӧлӧмсӧ нимкодьлунӧн, ӧд Сійӧ бергӧдіс налань ассурса ӧксылысь сьӧлӧмсӧ, и сійӧ отсаліс лэптыны Израильлӧн Енлы крам.

Ездра 7:21

Ме, Артаксеркс ӧксы, Авар-Нахара муын озырлун видзысьяслы тшӧкта: ставсӧ, мый корас тіянлысь Ездра поп, енэжвывса Енлӧн Индӧдӧ велӧдысь, сетӧй нюжмасьтӧг.

Ездра 7:28

Господь бергӧдіс мелань ӧксылысь, сылӧн туйдӧдысьяслысь да тӧдчана юралысьяслысь сьӧлӧмсӧ. Господьлӧн, менам Енлӧн, киыс вынсьӧдіс менӧ, и ме чукӧрті Израиль войтырлысь веськӧдлысьясӧс, медым найӧ мунісны мекӧд.

Ездра 7:5

Букки – Авишуйлӧн, Авишуй – Пинеслӧн, Пинес – Элазарлӧн, Элазар – Аарон аркирейлӧн пи.

Ездра 7:9

Ездра петіс Вавилонысь медводдза тӧлысьлӧн медводдза лунӧ, а воис Ерусалимӧ витӧд тӧлысьлӧн медводдза лунӧ. Енмыс Аслас киӧн видзис Ездраӧс,

Ездра 8:1

Тані пасйӧма чужанвуж гижӧдъяс серти рӧдкутысьясӧс, кодъяс петісны мекӧд Вавилонысь Артаксеркс ӧксылӧн веськӧдлӧм дырйи.

Ездра 8:18

Енмыс тӧждысис миян вӧсна, и найӧ мӧдӧдісны миян дінӧ Шеревий нима сюсь вежӧра мортӧс. Сійӧ вӧлі Израиль войтырысь Левий чужанкотырлӧн Махли рӧдысь. Сыкӧд локтісны сылӧн пияныс да вокъясыс – дас кӧкъямыс морт.

Ездра 8:22

Меным яндзим вӧлі корны ӧксылысь тышкайӧзӧс да вӧлаясӧс, мед видзасны миянӧс туяным вӧрӧгысь. Ми ӧд шуим ӧксылы, мый миян Енным видзӧ Сы дінӧ шыасьысьясӧс, а кодъяс ӧтдортӧны Сійӧс, на вылӧ лэччӧ Сылӧн повзьӧдана выныс да скӧрлуныс.

Ездра 8:31

Медводдза тӧлысьлӧн дас кыкӧд лунӧ ми петім Ахава ю дорысь да мӧдӧдчим Ерусалимӧ. Енмыс видзис миянӧс туяным, мездіс вӧрӧгъясысь да кыйӧдчысьясысь.

Неемий 12:26

Тадзи вӧлі Неемий юралысьлӧн, Индӧдӧ велӧдысь Ездра поплӧн да Йоякимлӧн кадӧ. Йояким вӧлі Иоседек Исуслӧн пиыс.

Неемий 12:36

Нӧшта мунісны Закарлӧн Шемай, Азарэл, Милалай, Гилалай, Маай, Нафанаил, Иуда да Ханани вокъясыс. Найӧ ворсісны Енлӧн морт Давидлӧн кодь шылада ворсанторъясӧн. На водзвылын муніс Индӧдӧ велӧдысь Ездра.

Неемий 2:12

ме чеччи войнас да петі керкаысь. Ме некодлы на эг висьтав, мый Енмыс пуктіс менам сьӧлӧмӧ вӧчны Ерусалимын. Мекӧд вӧлі некымын морт, ме муні осёл вылын, мукӧдыс подӧн мунісны.

Неемий 2:18

Ме висьталі налы, кутшӧма менам Енмӧй отсаліс меным, да мый шуис меным ӧксы. Сэки найӧ шуисны: «Кутам лэптыны!» Сэсся босьтчисны тайӧ бур уджас.

Неемий 2:8

Кора ыстыны гижӧд тшӧтш Асафлы, ӧксылысь вӧрсӧ видзысьлы, медым крам дзиръяяс да карса стен вӧчӧм вылӧ сійӧ сетас кер, сетас тшӧтш керсӧ меным олан керка лэптӧм вылӧ». Ӧксы сетіс меным гижӧдъяс, ӧд Енлӧн буралан киыс вӧлі мекӧд.

Неемий 4:15

Дзескӧдысьяслы кывсис, мый ми тӧдам налӧн уськӧдчыны кӧсйӧм йылысь. Но Енмыс торкис налысь кӧсйӧмсӧ, и ми ставным бӧр сувталім стен дорӧ, быдӧн босьтчис аслас уджӧ.

Неемий 8:1

Сизимӧд тӧлысьнас, кор Израиль войтыр оліс нин аслас каръясын, ставныс ӧтитӧг чукӧртчисны Ва дзиръялы паныда изэрд вылӧ. Индӧдӧ велӧдысь Ездраӧс корисны вайны Мӧисейлысь Индӧд, мый Господь сетіс Израиль войтырлы.

Неемий 8:13

Мӧд луннас Израиль войтырысь рӧдкутысьяс, попъяс да левитъяс чукӧртчисны Индӧдӧ велӧдысь Ездра дінӧ, мед сійӧ гӧгӧрвоӧдас налы Индӧдсӧ.

Неемий 8:4

Индӧдӧ велӧдысь Ездра сулаліс пуысь вӧчӧм сод вылын, мый вӧлі вӧчӧма дзик та могысь. Сылӧн веськыдладорын сулалісны Маттитай, Шемай, Анай, Урий, Хилки да Маасей. Шуйгаладорас сулалісны Педай, Мисаэл, Малкий, Хашум, Хашбадан, Закар да Мешуллам.

Неемий 8:9

Индӧдсӧ кывзігӧн став войтырыс бӧрдіс. Сэки Неемий юралысь, Индӧдӧ велӧдысь Ездра поп да войтырсӧ велӧдысь левитъяс шуисны кывзысьяслы: «Тайӧ лунсӧ вежӧдӧма Господьлы, тіян Енлы. Энӧ шогсьӧй да энӧ бӧрдӧй.

Неемий 9:13

Тэ лэччин Синай керӧс вылӧ, сёрнитін накӧд енэжсяньыс, сетін налы веськыд Индӧд, бур шуӧмъяс да тшӧктӧмъяс.

Псалтыр 45:1

Сьылысьясӧн веськӧдлысьлы. Корей пиянлӧн сьыланкыв. Ворсӧны аламот ворсанторйӧн.

Шусьӧгъяс 3:6

Став аслад туйясын Господьӧс тӧдмав, тэнсьыд туйястӧ Сійӧ веськыдӧн вӧчас.

Исай 50:2

Мыйла некод эз вӧв, кор Ме волі тіян дінӧ? Мыйла некод эз вочавидз, кор Ме чуксалі тіянӧс? Менам киӧй ӧмӧй дженьдаммис, Ме ӧмӧй вынтӧмми, медым мездыны тіянӧс? Менам ӧлӧдӧмысь саридз косьмӧ, юяс лоӧны косінӧн, сэні ватӧмысла чериыс сісьмӧ, горш косьмӧмысла кулӧ.

Исай 59:1

Господьлӧн киыс эз дженьдаммы, медым мездыны, Сылӧн пельыс эз сьӧктаммы, медым кывны.

Еремей 8:8

Ті шуаннныд, ми пӧ мывкыда йӧз, миян пӧ эм Господьлӧн Индӧдыс. Но, збыльвылас, Индӧдӧ велӧдысьяс Индӧдсӧ гижигӧн бергӧдісны сійӧс ылӧгас.

Матвей 13:52

Исус шуис налы: «Индӧдӧ велӧдысь, коді тӧдӧ Енэжвыв Юралӧмсӧ, керка кутысь кодь, коді аслас видзанінысь выльсӧ и важсӧ петкӧдӧ».

Матвей 23:2

«Мӧисей пуклӧсӧ пуксисны Индӧдӧ велӧдысьяс да фарисейяс.

Матвей 28:20

Велӧдӧй найӧс овны став Менам тшӧктӧм серти. Тӧдӧй: Ме пыр тіянкӧд нэмъяс помасьтӧдз». Аминь.

1 Коринфӧ 1:20

Коді нӧ мывкыда йӧзыс? Коді велӧдчӧмаыс? Коді нӧ тайӧ му вылас вежӧраыс? Эз-ӧ тайӧ мувывса мывкыдлунсӧ Енмыс йӧйталӧмӧ бергӧд?

1 Коринфӧ 15:1

Вокъяс, ӧні казьтышта тіянлы Евангелльӧ йылысь, кодӧс висьтавлі нин тіянлы. Ті сибӧдінныд сійӧс да зумыда кутчысянныд сэтчӧ.

Индӧд 28:1

«[Йӧрдан ю сайӧ, Господьӧн, тіян Енмӧн, сетӧм муӧ вуджӧм бӧрын] ті кӧ кутанныд кывзысьны Господьлысь, асланыд Енлысь, да овны Сылӧн став тшӧктӧмыс серти, мый талун висьтала тіянлы, сэки Господь, тіян Енныд, кыпӧдас тіянӧс мувывса став мукӧд войтырысь медвылӧ.

Индӧд 4:5

Ме велӧді тіянӧс индӧд-тшӧктӧмъясӧ, кыдзи тшӧктіс меным Господь, менам Енмӧй. Олӧй на серти сійӧ муас, кытчӧ ті мунанныд, медым босьтны сійӧс аслыныд.