Ездра 6:9 - Коми Библия 2023

⁹ Сетӧй ерусалимса попъяслы став коланасӧ – ӧшъясӧс, межъясӧс, баляясӧс, шобді, сов, вина да вый. Сетӧй сы мында, мыйта попъяс корасны енэжвывса Енлы вись вайӧм вылӧ. Вӧчӧй тайӧс быд лун да сёрмытӧг,

Ездра 6:9 Iomraidhean Croise

1 Каднебӧг 9:29

Мукӧдсӧ на пӧвстысь вӧлі индӧма тӧждысьны вежаинса став дозмук-кӧлуй вӧсна, пызь, вина, вый, ладан да чӧскыд ӧвтанторъяс вӧсна.

Ездра 6:10

медым найӧ вермисны вайны енэжвывса Енлы шогмана вись да кевмысьны ӧксы да сылӧн пиян понда.

Ездра 6:8

Отсалӧй иудейяслӧн юрнуӧдысьяслы Енлысь крамсӧ вӧчиганыс. Вӧчӧй, кыдзи ме тшӧкта. Авар-Нахара муын ӧксылы чукӧртӧм сьӧмысь чуктӧдӧй крам вӧчысьяслы, медым налӧн уджыс эз сувт.

Исай 49:23

Ӧксыяс пондасны тӧждысьны тэнад челядь вӧсна, ӧксыяслӧн гӧтыръясныс пондасны вердны тэнсьыд ныв-питӧ. Найӧ пондасны муӧдз копрасьны тэныд, тэнад кокысь буссӧ нювны. Сэки тэ тӧдмалан, мый Ме – Господь, и Ме вылӧ лача кутысь оз янав.

Левит 1:10

Сотан висьнас кӧ лоӧ ыж либӧ кӧза, вись вайысь мед ваяс дзоньвидза ай пемӧсӧс да [сылы юр вылас кисӧ пуктылӧм бӧрын]

Левит 9:2

Ааронлы сійӧ шуис: «Мыжысь вись пыдди вайӧд дзоньвидза ӧшпиӧс, сотан вись пыдди – дзоньвидза межӧс. Сувтӧд найӧс Господь водзӧ.

Марк 9:49

Быдӧнӧс сӧстӧммӧдасны биӧн да солаласны висьӧс моз.