Ездра 4:6 - Коми Библия 2023

⁶ Ахашверош дырйи, кор сійӧ сӧмын на пуксис ӧксыавны, крам лэптӧмлы паныд сувтысьяс гижисны Иудаын да Ерусалимын олысьяс вылӧ удтысян гижӧд.

Ездра 4:6 Iomraidhean Croise

Олӧм 26:21

[Кор Исаак сэтысь муніс,] Исааклӧн кесйӧгъясыс кодйисны мӧд юкмӧс, мый йылысь бара на вензисны. Та вӧсна Исаак пуктіс юкмӧслы Ситна ним.

Ездра 4:5

весиг сетлісны козинъяс чина йӧзлы, медым торкны уджсӧ. Тадзи найӧ вӧчисны персияса Кир ӧксылӧн веськӧдлан кадӧ Дарийлӧн ӧксыӧ пуксьытӧдз.

Эсфир 1:1

Тайӧ вӧлі Артаксеркс ӧксы дырйи. Сы кипод улын сэки вӧлі сё кызь сизим му Индиясянь да Эфиопияӧдз.

Эсфир 1:10

Сизимӧд луннас винаысь гажмӧм Артаксеркс ӧксы корис ас дінас ассьыс сизим кесъялысь евнукӧс: Мехуманӧс, Биззетӧс, Харвонӧс, Бигтайӧс, Авагтайӧс, Зетарӧс да Каркасӧс.

Эсфир 2:16

Артаксеркс ӧксылӧн сизимӧд веськӧдлан воӧ, дасӧд тебет тӧлысьӧ, Эсфирӧс вайӧдісны ӧксы керкаӧ Артаксеркс дінӧ.

Эсфир 3:8

Аман шуис Артаксеркс ӧксылы: «Эм ӧти войтыр, коді разалӧма тэнад му пасьтала. Тайӧ войтырыс олӧ мукӧд войтыръяс пӧвстын, но наысь торйӧдчӧмӧн. Налӧн индӧдыс торъялӧ мукӧд войтыръяслӧн индӧдысь, и найӧ оз овны ӧксылӧн тшӧктӧмъяс серти. Ӧксыӧй, тайӧс тадзи оз позь кольны.

Даниил 11:2

Ӧні ме висьтала тэныд збыльсӧ. Персия муын пондасны сьӧрсьӧн-бӧрсьӧн юравны нӧшта куим ӧксы, а сэсся лоӧ нёльӧд, и сійӧ лоӧ медся озыр. Озырлуныс вӧчас сійӧс вынаӧн, и став йӧзсӧ сійӧ кыпӧдас Грециялы паныд.

Даниил 9:1

Мидияса Дарийӧс, Ахашверошлысь писӧ, вӧлі пуктӧма ӧксыӧ Калдея муын.

Матвей 27:37

Юр весьтас ӧшӧдісны мыжалан пасйӧд: «Тайӧ – Исус, иудейяслӧн Ӧксы».

Ап. уджъяс 24:13

Та вӧсна найӧ оз вермыны подулавны ассьыныс мыжалӧмнысӧ.

Ап. уджъяс 25:7

Кор Павел локтіс, сійӧс кытшалісны Ерусалимысь воӧм иудейяс. Найӧ пондісны чорыда мыжавны Павелӧс унаторйысь, но подулавнысӧ эз вермыны.

Восьтӧм 12:10

Сэки ме кылі енэжсянь гора шы: – Ӧні воис мездмӧмыс, выныс, миян Енлӧн юралӧмыс да Сылӧн Мавтыштӧмалӧн ыджыдалӧмыс. Ӧд енэжсьыс шыбитӧма мыжалысьӧс, коді лун и вой мыжаліс вокъяснымӧс миян Ен водзын.