Ездра 3:6 - Коми Библия 2023

⁶ Тадзи сизимӧд тӧлысьлӧн медводдза лунӧ Израиль войтыр бара пондіс вайны Господьлы сотан висьяс, но крамлы подувсӧ абу на вӧлі пуктӧма.

Ездра 3:6 Iomraidhean Croise

Ездра 3:5

Тайӧ кадсяньыс найӧ вайисны быдлунся сотан висьяс, а выль тӧлысь пасйигӧн да Господьлы сиӧм мукӧд вежа гажӧдчан лунъясӧ вайисны индӧм висьяс. Нӧшта вайисны Господьлы ас кӧсйӧм серти висьяс.

Ездра 3:7

Изйысь да пуысь вӧчасьысьяслы израильсаяс сетісны сьӧм, а сёян-юан да вый сетісны сидонса да тирса йӧзлы, медым найӧ саридзті вайисны Иоппия карӧ Ливанысь сус пуяс. Персияса Кир ӧксы лэдзис вӧчны тайӧс.

Левит 23:24

«Висьтав Израиль пиянлы: сизимӧд тӧлысьлӧн медводдза луныс лоӧ тіянлы шойччан лун. Сэки буксӧй буксанӧн, медым юӧртны, мый тіян лоас вежа чукӧртчӧм.

Левит 23:25

Господьлы вись вайӧмысь ӧтдор некутшӧм удж энӧ вӧчӧй».

Лыд 29:1

Сизимӧд тӧлысьлӧн медводдза лунӧ тіян мед лоӧ вежа чукӧртчӧм. Некутшӧм удж сэки энӧ вӧчӧй. Сійӧ лунӧ буксӧй буксанӧн.

Лыд 29:2

Господьлы чӧскыда ӧвтысь сотан вись пыдди вайӧй дзоньвидза ӧшкӧс, межӧс да арӧса сизим баляӧс.