Ездра 3:13 - Коми Библия 2023

¹³ Войтырыс сэтшӧм гораа горзіс, мый бӧрдӧм шысӧ сьӧкыд вӧлі торйӧдны нимкодясян шыысь. Горзӧмыс кыліс зэв ылӧдз.

Ездра 3:13 Iomraidhean Croise

Ӧксыяслӧн 3 небӧг 1:40

Войтырыс восьлаліс Соломон бӧрся. Найӧ ворсісны пӧлянӧн да ёна нимкодясисны, налӧн горзӧмысь весиг муыс вӧрис.

Ӧксыяслӧн 3 небӧг 1:45

Сэсся Гихон ва петанін дорын Садок поп Нафан пророккӧд мавтыштӧмӧн пуктісны сійӧс ӧксыӧ. Бӧрсӧ найӧ локтісны ёна нимкодясьӧмӧн, и карыс ставнас шызис. Тайӧ шысӧ ӧні ті и кыланныд.

Ездра 3:12

Олӧма попъяс, левитъяс да рӧдкутысьяс пиысь унаӧн, кодъяс аддзылісны воддза крамсӧ, выль крамлӧн подув вылӧ видзӧдӧмӧн сыркъялӧмӧн бӧрдісны, а мукӧдыс нимкодьнысла гораа горзісны.

Ездра 4:1

Иуда да Венямин чужанкотыръясӧс мустӧмтысьяс тӧдмалісны, мый пленысь локтӧмаяс лэптӧны крам Господьлы, Израильлӧн Енлы.

Неемий 12:43

Сійӧ лунӧ йӧзыс вайисны уна вись да ёна гажӧдчисны, ӧд Енмыс тыртіс найӧс ыджыд нимкодьлунӧн. Аньяс и челядь тшӧтш ёна нимкодясисны. Ерусалимын гажӧдчӧмыс кыліс ылӧдз.

Псалтыр 5:11

Енмӧй, мыжды найӧс, налӧн лёк мӧвпъясыс мед бырӧдасны асьнысӧ. Шыбит найӧс уна лёк вӧчӧмныс вӧсна, ӧд найӧ кыпӧдчисны Тэныд паныд.

Еремей 33:11

нимкодясьӧм да гажӧдчӧм, кутас кывны верӧспулӧн да гӧтырпулӧн гӧлӧс шыныс. Бара кутас кывны Господьлӧн крамӧ аттьӧалана вись вайысьяслӧн гӧлӧс шыныс. Найӧ кутасны шуавны: ”Ошкӧй Господь Саваофӧс, ӧд Сійӧ бур, Сылӧн буралӧмыс оз помасьлы!” Тайӧ муас олысьяслы Ме бара сета воддза кодьыс бур олӧм, – висьталӧ Господь.

Еремей 50:4

Сійӧ лунъясас, сійӧ кадас, – висьталӧ Господь, – локтасны Израиль да Иуда войтыръяс. Найӧ мунасны бӧрдӧмӧн, кутасны корсьны Господьӧс, ассьыныс Енсӧ.

Закар 4:7

Коді тэ, джуджыд керӧсӧй? Шыльӧдӧм муӧн тэ лоан Зоровавель водзын. Йӧзлӧн гораа ошкигтырйи сійӧ пуктас крамлы пельӧс изсӧ.

Ёрдысьяс 2:5

Та вӧсна израильсаяс нимтісны тайӧ местасӧ Бокимӧн. Сэні найӧ вайисны Господьлы вись.

Ӧксыяслӧн 1 небӧг 4:5

Кор Господьлысь Йитӧд кудсӧ вайисны тышкайӧзлӧн чукӧртчанінӧ, израильсаяс нимкодясьӧмӧн гораа горзісны, мый весиг муыс вӧрис.