Ездра 10:1 - Коми Библия 2023

¹ Кор Енлӧн крам водзын Ездра бӧрдӧмӧн да муас уськӧдчӧмӧн кевмысис да висьтасис войтырыслӧн мыжъясысь, сы дінӧ чукӧртчис Израиль войтырысь зэв уна йӧз – айулов, аньяс и челядь. Ставныс найӧ тшӧтш ёна бӧрдісны.

Ездра 10:1 Iomraidhean Croise

Ӧксыяслӧн 3 небӧг 8:30

Кыв Аслад кесйӧглысь да Аслад Израиль войтырлысь кевмӧмсӧ, кор найӧ шыасясны Тэ дінӧ тайӧ крамас. Кыв найӧс енэжсяньыд, Аслад оланінсянь. Кыв найӧс да прӧстит найӧс.

Ӧксыяслӧн 3 небӧг 9:3

Господь шуис сылы: «Ме кылі тэнсьыд кевмысьӧмтӧ да корӧмтӧ [и ставсӧ вӧчи тэнад кевмӧм-корӧм серти]. Тайӧ крамсӧ, мый тэ лэптін, Ме вежӧді, медым сэні пыр вӧлі Менам нимӧй. Менам синмӧй пыр кутас видзӧдны сы вылӧ, сійӧ пыр лоӧ Менам сьӧлӧмын.

2 Каднебӧг 20:13

Став Иуда войтырыс сулаліс Господь водзын, накӧд тшӧтш вӧліны гӧтыръясныс да челядьныс.

2 Каднебӧг 20:9

”Миянӧс кӧ суас сьӧкыдлун, тыш, пӧрӧс висьӧм либӧ тшыглун, сэки ми сувтам Тэ водзӧ да тайӧ крамыс водзӧ, кӧні Тэнад нимыд. Сьӧкыдаліганым ми шыасям Тэ дінӧ, и Тэ кылан да мездан миянӧс”.

Ездра 10:6

Сэсся Ездра муніс Енлӧн крам водзысь Эльяшив Иохананлӧн вежӧсӧ. Сэні сійӧ эз сёй и эз ю, а бӧрдіс Вавилонысь локтӧмаяслӧн мыж вӧчӧмысь.

Неемий 1:4

Тайӧс кылӧм бӧрын ме пукси да бӧрддзи. Некымын лун чӧж ме шогалі да видзалі-кевмыси енэжвывса Ен водзын.

Неемий 1:6

Видзӧдлы да веськӧд пельтӧ, медым кывны Аслад кесйӧглысь кевмӧмсӧ. Лун и вой ме кевмыся Тэ водзын Израиль войтыр вӧсна, Тэнад кесйӧгъяс вӧсна. Ме висьтася Израильлӧн мыжъясысь, кодъясӧс ми вӧчим Тэныд паныд. Ми ставным, тшӧтш ме да менам рӧдвужӧй, мыжаӧсь Тэ водзын.

Неемий 10:28

Мукӧдыс – попъяс, левитъяс, дзиръя видзысьяс, сьылысьяс, крамбердса кесйӧгъяс да найӧ, кодъяс тшӧтш торйӧдчисны мукӧд войтырысь, мед овны Енлӧн Индӧд серти, асланыс гӧтыръяскӧд да челядькӧд, кодъяс сяммисны гӧгӧрвоны –

Неемий 8:9

Индӧдсӧ кывзігӧн став войтырыс бӧрдіс. Сэки Неемий юралысь, Индӧдӧ велӧдысь Ездра поп да войтырсӧ велӧдысь левитъяс шуисны кывзысьяслы: «Тайӧ лунсӧ вежӧдӧма Господьлы, тіян Енлы. Энӧ шогсьӧй да энӧ бӧрдӧй.

Псалтыр 32:5

Господь радейтӧ збыльсӧ да веськыда мыждӧмсӧ, муыс тыр Господьлӧн буралӧмӧн.

Еремей 13:17

Ті кӧ онӧ кывзӧй тайӧ кывъяссӧ, менам сьӧлӧмӧй пондас гусьӧн бӧрдны, кутас курыда бӧрдны тіян ышнясьӧм вӧсна. Менам синваӧй пондас лэччыны шорӧн, ӧд Господьлысь войтырсӧ лоӧ нуӧдӧма пленӧ.

Еремей 9:1

Вӧлі кӧ менам пытшкӧсӧй тырӧма синваӧн, и синваӧй кӧ шорӧн визувтіс, ме эськӧ лун и вой бӧрді аслам войтыр пӧвстысь кулӧмаяс вӧсна.

Даниил 9:20

Ме кевмыси да висьтаси аслам мыжъясысь да Израиль войтырӧйлӧн мыжъясысь, кевмыси Господьлы, аслам Енлы, Сылӧн вежа керӧс йылысь.

Осий 14:2

– Израиль, бӧр бергӧдчы Господь дінӧ, аслад Ен дінӧ, ӧд тэ усин аслад мыжыд вӧсна.

Закар 12:10

Ме сета Давид рӧдлы да Ерусалимын олысьяслы буралана да кевмысяна лов. Найӧ видзӧдласны Сы вылӧ, кодӧс бытшкисны. Найӧ пондасны бӧрдны Сы вӧсна, кыдзи бӧрдӧны ӧтка пи вӧсна, пондасны шогсьыны, кыдзи шогсьӧны медводдза пи вӧсна.

Матвей 3:6

Йӧзыс висьтасисны асланыс мыжъясысь, и Иоан пыртіс найӧс Йӧрдан юын.

Лука 19:41

Ерусалимлань матыстчигӧн Исус видзӧдліс кар вылас да бӧрдӧмӧн

Ап. уджъяс 10:30

Корнилий висьталіс: «Куим лун сайын дзик тайӧ кадас куим часын ме видзалӧмӧн кевмыси гортын. Сэки сувтіс ме водзӧ дзирдалан паськӧма морт

Ап. уджъяс 21:5

Вежон мысти ми бара петім туйӧ. Ставныс гӧтыръясныскӧд да челядьныскӧд колльӧдісны миянӧс кар сайӧдзыс. Сэні вадорас ми сувтім пидзӧс выланым да кевмысим.

Римӧ 9:2

Менам сьӧлӧмӧй ёна шогсьӧ да дугдывтӧг бӧрдӧ.

Индӧд 31:12

Чукӧртӧй войтырнытӧ: айуловӧс да аньясӧс, ныв-пинытӧ да тіян каръясын олысь йӧз муысь локтысьясӧс, мед найӧ кывзасны да велӧдчасны повны Господьысь, тіян Енмысь, да овны тайӧ Индӧдыслӧн кывъясыс серти.

Нав Исус 7:6

Исус косяліс паськӧмсӧ да кымынь уськӧдчис муас Господьлӧн куд водзӧ. Тадзи рытӧдзыс куйліс израильса юрнуӧдысьяскӧд. Юрнысӧ найӧ ставныс коялісны муӧн.

Нав Исус 8:35

Кор Исус ставсӧ лыддис Израиль войтырлы, сійӧс кывзісны айулов, аньяс да челядь, тшӧтш на пӧвстын олысь йӧз муысь локтысьяс. Ставсьыс, мый Мӧисей тшӧктіс, весиг ӧти кыв эз коль лыддьытӧг.