Еврейяслы 9:3 - Коми Библия 2023

³ Мӧд вежӧссӧ вӧлі торйӧдӧма ӧшӧдӧм дӧраӧн. Тайӧ вежӧсыс шусис Вежасьыс-вежаин.

Еврейяслы 9:3 Iomraidhean Croise

Ӧксыяслӧн 3 небӧг 6:16

Крам помас Соломон вӧчис вежӧс да торйӧдіс сійӧс сус пу пӧвъясысь вӧчӧм стенмӧн. Тайӧ пыді вежӧсыс вӧлі Вежасьыс-вежаин, сылӧн кузьтаыс вӧлі кызь гырддза.

Ӧксыяслӧн 3 небӧг 8:6

Попъяс пыртісны Господьлысь Йитӧд кудсӧ крамлӧн пыді вежӧсӧ – Вежасьыс-вежаинӧ – да пуктісны сійӧс индӧм местаӧ херувимъяслӧн бордъяс улӧ.

2 Каднебӧг 3:14

Соломон тшӧктіс кыны гӧрдовлӧз, пемыдгӧрд да югыдгӧрд вурун шӧртъясысь да вӧсни шабді шӧртысь ӧшӧдан дӧра. Дӧра вылас сійӧ тшӧктіс вурны-серпасавны херувимъясӧс.

Петӧм 40:21

Сэсся пыртіс Йитӧд кудсӧ вежа чомйӧ да куд водзӧ ӧшӧдіс дӧра, медым сайӧдны сійӧс. Тадзи Господь тшӧктіс Мӧисейлы.

Петӧм 40:3

Пырт Йитӧд кудсӧ вежа чомйӧ да ӧшӧд куд водзӧ дӧра.

Исай 25:7

Тайӧ керӧс вылас Сійӧ кульыштас став войтыръяс вылысь вевттьӧдсӧ, быд чужанкотыр вылысь тупкӧдсӧ.

Езекиль 41:4

Водзӧ мурталіс пыді вежӧссӧ, кузьтанас и пасьтанас сійӧ вӧлі кызь гырддза. Пасьтанас сійӧ вӧлі медводдза вежӧс кодь. Морт шуис меным, тайӧ пӧ Вежасьыс-вежаин.

Лыд 4:5

Израиль войтырлӧн туйӧ петтӧдзыс Аарон пияныскӧд мед пырасны вежа чомйӧ, босьтасны ӧшӧдӧм дӧрасӧ да вевттясны сыӧн Йитӧд кудсӧ.

Матвей 27:51

Сэки крамын ӧшалысь дӧраыс вывсяньыс улӧдзыс кык пельӧ косяссис. Муыс вӧрзьывліс, из керӧсъяс потісны.

Еврейяслы 6:19

Миян олӧмын тайӧ лачаыс зумыд якӧр кодь, сійӧ видзӧ миянӧс да отсалӧ миянлы пырны крамын ӧшалысь дӧра сайӧ, Вежасьыс-вежаинӧ.

Еврейяслы 9:7

Мӧд вежӧсас сӧмын ӧтчыдысь вонас пырліс аркирей. Аскӧдыс сійӧ вайліс вир аслас мыжъяс вӧсна да йӧзлӧн тӧдтӧг вӧчӧм мыжъяс вӧсна.

Еврейяслы 9:8

Тайӧн Вежа Лов петкӧдлӧ, мый кытчӧдз сулалӧ воддза вежӧсыс, Вежасьыс-вежаинӧ туйыс тупкыса на.