Еврейяслы 9:19 - Коми Библия 2023

¹⁹ Израиль войтырлы Индӧдысь став тшӧктӧмсӧ лыддьӧм бӧрын Мӧисей босьтіс ӧшъяслысь да кӧзаяслысь ваӧн соралӧм вир, гӧрд вурун, иссоп турун да резіс тайӧн медводз Индӧд небӧгсӧ, сэсся став войтырсӧ.

Еврейяслы 9:19 Iomraidhean Croise

Псалтыр 51:7

Та вӧсна Енмыс дзикӧдз бырӧдас тэнӧ, босьтас да шыбитас тэнӧ аслад оланінсьыд, вужнас нетшыштас тэнӧ ловъя олысьяслӧн муысь.

Петӧм 12:22

Сэсся босьтӧй китыр иссоп турун, кӧтӧдӧй дозйӧ чукӧртӧм вирнас да мавтӧй ӧдзӧсныдлысь вылыс куричсӧ да кыкнанбок куричсӧ. Тіян пӧвстысь асылӧдзыс мед некод оз пет керкасьыс ӧдзӧс саяс.

Исай 52:15

Уна войтыр пондасны шензьыны Сы вылӧ, ӧксыяс тупкасны вомнысӧ Сы водзын, ӧд найӧ аддзасны сійӧ, мый йылысь налы эз висьтавлыны, тӧдмаласны сійӧ, мый йылысь найӧ эз кывлыны.

Езекиль 36:25

Реза тіянӧс сӧстӧм ваӧн, и ті сӧстӧмманныд. Ме сӧстӧммӧда тіянӧс став пежсьыныд да идолъяссьыныд.

Левит 1:10

Сотан висьнас кӧ лоӧ ыж либӧ кӧза, вись вайысь мед ваяс дзоньвидза ай пемӧсӧс да [сылы юр вылас кисӧ пуктылӧм бӧрын]

Левит 3:6

Господьлы бурасян вись пыдди кӧ кодкӧ вайӧ ыж либӧ кӧза, айӧс либӧ эньӧс, мед ваяс дзоньвидзаӧс.

Лыд 19:18

Сӧстӧм морт мед босьтас иссоп турун, кӧтӧдас турунсӧ тайӧ ваас да резас чомсӧ, кӧні вӧлі кулӧм морт, сэтысь став эмбур-кӧлуйсӧ да став йӧзсӧ, кодъяс вӧліны чомйын. Тадзи жӧ мед резасны мортӧс, коді инмӧдчылас морт шойлӧн лыясӧ, кулӧм либӧ виӧм морт дінӧ либӧ шой дзебанінӧ.

Лыд 19:6

Сійӧ мед босьтас сус путор, иссоп турун, югыдгӧрд вурун шӧрт да шыбитас сотчысь мӧс вылӧ.

Матвей 27:28

Сэсся пӧрччӧдісны Исусӧс да пасьтӧдісны Сійӧс гӧрд кышанӧ,

Марк 15:17

Найӧ пасьтӧдісны Исусӧс пемыдгӧрд кышанӧ, юрас пуктісны лежнӧгысь кыӧм юркытш,

Марк 15:20

Сералӧм-лёкӧдӧм бӧрын найӧ босьтісны Исус вылысь пемыдгӧрд кышансӧ да бӧр пасьтӧдісны Сійӧс Аслас паськӧмӧ, сэсся нуӧдісны тувъявны.

Иоан 19:2

Шыпуртаяс пуктісны Исуслы юрас лежнӧгысь кыӧм юркытш, пасьтӧдісны Сійӧс пемыдгӧрд паськӧмӧ

Иоан 19:5

Исус петіс пемыдгӧрд паськӧма, юр вылас вӧлі лежнӧгысь юркытш. Пилат шуис йӧзыслы: «Со, тайӧ Мортыс».

Еврейяслы 1:1

Енмыс важысянь унаысь да уна ногӧн шыасьліс миян батьяс дінӧ пророкъяс пыр.

Еврейяслы 10:22

Сідзкӧ, локтамӧй Ен водзӧ восьса сьӧлӧмӧн да зумыд эскӧмӧн, ӧд миян сьӧлӧмным сӧстӧм да мыжтӧм, миянлысь вир-яйнымӧс мыськалӧма сӧстӧм ваӧн.

Еврейяслы 10:4

ӧд ӧшлӧн да кӧзалӧн вирыс оз вермы бырӧдны мортлысь мыжъяссӧ.

Еврейяслы 12:24

Ті матыстчинныд Выль Йитӧдсӧ кӧрталысь Исус дінӧ да Сылӧн сӧстӧммӧдысь вир дінӧ. Сылӧн вирыс Авельлӧн вир дорысь бурджыксӧ висьталӧ.

Еврейяслы 9:12

Кристос пырис Вежасьыс-вежаинӧ эз кӧза вирӧн, эз ӧш вирӧн, а Аслас вирӧн. Тадзи Сійӧ ӧтчыдысь да пыр кежлӧ мездіс миянӧс мыжъясысь.

Еврейяслы 9:13

Ӧш вирӧн, кӧза вирӧн да сотӧм мӧслӧн пӧимӧн кӧ резлісны пежасьӧмаясӧс, медым вежӧдны-сӧстӧммӧдны налысь вир-яйсӧ,

Еврейяслы 9:18

Та вӧсна воддза йитӧдсӧ вӧлі вынсьӧдӧма вирӧн.

1 Петыр 1:2

Ен Бать водзысяньыс бӧрйӧма да вежӧдӧма тіянӧс Аслас Ловнас, медым ті кывзысинныд Исус Кристослысь да сӧстӧмминныд Сылӧн вирнас. Буралӧмыс да лӧньлуныс мед содас тіянлы.