Еврейяслы 8:13 - Коми Библия 2023

¹³ Тайӧ йитӧдсӧ Енмыс шуис Выль Йитӧдӧн. Тадзи Енмыс петкӧдліс, мый воддза йитӧдыс важмис. А ставыс, мый важмӧма да ковтӧм, регыд бырӧ.

Еврейяслы 8:13 Iomraidhean Croise

Исай 51:6

Лэптӧй синнытӧ енэжланьыс, видзӧдлӧй увлань му вылас. Енэжыс тшын моз бырас, муыс паськӧм моз важмас, му вылын олысьяс геб моз куласны. Но Меӧн мӧдӧдӧм мездмӧмыс пыр лоӧ, Менам веськыдлунӧй оз вежсьыв.

Матвей 24:35

Енэжыс да муыс бырас, а Менам кывъясӧй оз бырны.

Лука 22:20

Сёйӧм бӧрас босьтіс чаша да сійӧс сетігас шуис: «Тайӧ чашаыс – Выль Йитӧд, кӧрталӧма Менам вирӧн, сійӧ киссьӧ тіян вӧсна.

1 Коринфӧ 13:8

Муслуныс некор оз бырлы. Пророкъяс дугдасны висьтавлыны, йӧзыс дугдасны сёрнитны мукӧд кывъяс вылын, и тӧдӧмлуныс бырӧ,

2 Коринфӧ 3:6

Сійӧ сетіс миянлы сямлун кесъявны Выль Йитӧдлы, мыйӧн веськӧдлӧ Лов, а оз шыпаса Индӧд. Ӧд шыпаса Индӧдыс вайӧ кулӧм, а Лолыс сетӧ олӧм.

2 Коринфӧ 5:17

Сідзкӧ, коді Кристос пытшкын, сійӧ – выль олысь. Важыс кольӧма, ӧні ставыс выль.

Еврейяслы 1:11

Найӧ бырасны, а Тэ помтӧг олан. Паськӧм моз найӧ важмасны,

Еврейяслы 12:24

Ті матыстчинныд Выль Йитӧдсӧ кӧрталысь Исус дінӧ да Сылӧн сӧстӧммӧдысь вир дінӧ. Сылӧн вирыс Авельлӧн вир дорысь бурджыксӧ висьталӧ.

Еврейяслы 7:22

Тайӧ кывъясыс висьталӧны, кутшӧм вына сійӧ йитӧдыс, мый кӧрталӧма Исус пыр.

Еврейяслы 8:6

Мукӧд аркирейлы дорысь Исуслы вӧлі сетӧма ёна бурджык кесъялӧм. Исус пыр кӧрталӧм йитӧдыс тшӧтш ёна бурджык, ӧд подуласьӧ бурджык кӧсйысьӧм вылӧ.

Еврейяслы 8:8

Но Енмыс аддзис йӧзлысь кывзысьтӧмлунсӧ, та вӧсна шуис налы: – Воасны лунъяс, – висьталӧ Господь, – кор Ме кӧртала Израиль да Иуда войтыркӧд выль йитӧд.

Еврейяслы 9:15

Сійӧн Кристос лои Енма-морта костын Выль Йитӧд Кӧрталысьӧн. Аслас кулӧмӧн Кристос вештысис воддза йитӧд дырйи вӧчӧм мыжъясысь, медым Енлӧн корӧмаяслы пыр кежлӧ вичмис Енсянь кӧсйысьӧмыс.