Еврейяслы 7:6 - Коми Библия 2023

⁶ Мелкиседек эз вӧв Левий чужанкотырысь, но сійӧ босьтіс Ӧвраамсянь дасӧд юкӧнсӧ да бурсиис Ӧвраамӧс, кодлӧн вӧлі нин Енсянь кӧсйысьӧмыс.

Еврейяслы 7:6 Iomraidhean Croise

Олӧм 12:13

Висьтав, мый тэ менам чой. Таысь меным бур лоас, и тадзи тэ видзан менсьым олӧмӧс».

Олӧм 12:2

Ме сета тэсянь чужны унасьыс-уна войтырлы, бурсиа да нимӧда тэнӧ, и тэ лоан мукӧдлы бурсиӧмӧн!

Ап. уджъяс 3:25

Ті – пророкъяслӧн ныв-пи, тіянлы вуджӧ йитӧдыс, мый Ен кӧрталіс тіян батьяскӧд, кор шуис Ӧвраамлы: ”Тэсянь чужысь пыр вуджас бурсиӧмыс мувывса быд войтырлы”.

Римӧ 4:13

Ен кӧсйысис сетны Ӧвраамлы да сысянь чужысьяслы муюгыдсӧ. Кӧсйысис сылы эз Индӧд серти олӧм вӧснаыс, но эскӧм вӧснаыс сійӧ лои веськыдӧн да.

Римӧ 9:4

Израиль войтырӧс ӧд шуӧма Ен пиянӧн, восьтӧма налы Ен дзирдлунсӧ, кӧрталӧма накӧд йитӧдъяс, сетӧма налы Индӧд, сувтӧдӧма найӧс кесъявны Енлы, налы уна кӧсйысьӧма,

Галатӧ 3:16

Кӧсйысьӧмсӧ вӧлі сетӧма Ӧвраамлы да сысянь чужысьлы. Абу шуӧма ”чужысьяслы”, шуӧма ”тэсянь чужысьлы”. Тайӧс шуӧма Кристос йылысь.

Еврейяслы 11:13

Тайӧ эскысьясыс эз удитны босьтны Енсянь кӧсйысьӧмасӧ, но найӧ помӧдз видзисны эскӧмсӧ. Найӧ сӧмын ылісянь аддзылісны Енсянь кӧсйысьӧмасӧ да нимкодясисны сыӧн. Ас йывсьыныс найӧ шуалісны, ми пӧ тайӧ му вылас ветлысь-мунысьяс.

Еврейяслы 11:17

Эскӧмӧн Ӧвраам вайис вись пыдди Исаакӧс, кор Енмыс кӧсйис тӧдмавны сылысь эскӧмсӧ. Ӧвраам дась вӧлі сетны вись пыдди ассьыс ӧтка писӧ, кодӧс Енмыс сылы кӧсйысьліс.

Еврейяслы 7:1

Мелкиседек вӧлі Салим карса ӧксы да Медвылысса Енлы кесъялысь поп. Кор Ӧвраам ӧксыясӧс пасьвартӧм бӧрын вӧлі локтӧ тыш вылысь, сыкӧд паныдасис Мелкиседек да бурсиис сійӧс.

Еврейяслы 7:7

Кывшутӧг, тайӧ тадзи, мый ыджыдджыкыс бурсиӧ ичӧтджыкӧс.