Еврейяслы 6:2 - Коми Библия 2023

² пыртчӧм да ки пуктылӧм йылысь, кулӧмысь ловзьӧм да пыр кежлӧ мыждӧм йылысь.

Еврейяслы 6:2 Iomraidhean Croise

Еклесиаст 12:14

Енмыс веськыда мыждас мортӧс быд уджысь, бурсьыс и лёксьыс, весиг сыысь, мый вӧлі гусьӧн вӧчӧма.

Исай 26:19

Господьӧй, Тэнад кулӧмаясыд ловзясны, шойяс чеччасны дзебанінысь. Садьмӧй да нимкодясьӧй, му пытшкын куйлысьяс! Тэнад югыд лысваыд юкталӧ мусӧ, и муыс бӧр сетас кулӧмаясӧс.

Даниил 12:2

Сэки гуалӧмаяс пӧвстысь унаӧн ловзясны: ӧтияс – помтӧм олӧм вылӧ, мӧдъяс – янӧдӧм да помтӧм мустӧмтӧм вылӧ.

Матвей 28:19

Мунӧй войтыръяс дінӧ, вӧчӧй найӧс Менам велӧдчысьясӧн да пыртӧй найӧс Бать, Пи да Вежа Лов нимӧн.

Матвей 3:14

Иоан ӧлӧдіг шуис: «Тэ-ӧ локтан ме дінӧ? Тэныд колӧ менӧ пыртнысӧ!»

Марк 16:16

Коді эскас да пыртчас, сійӧ мездмас. Коді оз эскы, сійӧс лоӧ мыждӧма.

Марк 7:4

и вузасянінысь локтӧм бӧрын мыссьытӧг эз сёйлыны. Нӧшта уна мукӧдторйӧ на кутчысисны, шуам, дозмук, тасьті-пӧрт да вольпась мыськалӧмӧ.

Марк 7:8

Ті эновтінныд Енлысь тшӧктӧмсӧ, кутчысянныд мортлӧн шуӧмъясӧ – тасьті-дозмук мыськалӧмӧ да уна мукӧдторйӧ на».

Лука 11:38

Исуслӧн мыссьытӧг сёйны пуксьӧмыс шензьӧдіс фарисейӧс.

Лука 12:50

Пыртчӧмӧн колӧ Меным пыртчыны, и Ме ёна сьӧкыдала, кытчӧдз тайӧ оз ло.

Лука 14:14

Тэ шуда лоан, ӧд найӧ оз вермыны тэныд мынтысьны. Тэныд лоӧ мынтӧма веськыда олысьяслӧн ловзьӧм дырйи».

Лука 3:16

Иоан шуис налы: «Ме пырта тіянӧс ваӧн, но локтӧ меысь вынаджык, ме ог шогмы разьны Сылысь кӧмкот кӧвсӧ. Сійӧ пыртас тіянӧс Вежа Лолӧн да биӧн.

Иоан 1:33

Ме эг тӧдлы Сійӧс, но ваӧн пыртны менӧ Мӧдӧдысь шуис меным: ”Кор Тэ аддзан, мый код вылӧ кӧ лэччас Лов да кольччас Сы вылӧ, буретш Сійӧ кутас пыртны Вежа Лолӧн”.

Иоан 5:29

да найӧ ловзясны. Бур вӧчысьяс кутасны овны, а лёк вӧчысьясӧс лоӧ мыждӧма.

Ап. уджъяс 10:47

«Вермас-ӧ кодкӧ кутны найӧс пыртчӧмысь, налы кӧ миянлы моз тшӧтш сетӧма Вежа Ловсӧ?»

Ап. уджъяс 13:3

Сэсся видзалӧм да кевмысьӧм бӧрын найӧ пуктылісны кинысӧ Варнава да Савл вылӧ да мӧдӧдісны найӧс туйӧ.

Ап. уджъяс 16:15

да сійӧ став гортсаыскӧд пыртчис. Сэсся шуис миянлы: «Ті кӧ лыддянныд менӧ Господьлы эскысьӧн, пырӧй менам керкаӧ да олӧй ме ордын». Сійӧ корӧмӧн корис миянӧс ас дорас.

Ап. уджъяс 16:33

Сійӧ жӧ войнас видзысь петкӧдіс вокъясӧс дзескыдінысь, мыськаліс налысь дойяссӧ, сэсся гортсаыскӧд дзик пыр пыртчис.

Ап. уджъяс 17:18

Кодсюрӧ философъяс, эпикура да стоика велӧдӧмӧ кутчысьысьяс, вензисны Павелкӧд. Ӧтияс шуалісны, сійӧ пӧ нинӧм абусӧ сӧрӧ! Мӧдъяс шуалісны, кутшӧмкӧ пӧ тӧдтӧм енъяс йылысь висьталӧ. Павел жӧ висьталіс налы Исус йылысь да кулӧмысь ловзьӧм йылысь.

Ап. уджъяс 2:38

Петыр шуис налы: «Бергӧдчӧй мыжъяссьыныд да пыртчӧй Исус Кристос нимӧн, медым Ен прӧститас мыжъяснытӧ. Сэки Ен сетас тіянлы Вежа Лолӧс.

Ап. уджъяс 2:41

Унаӧн долыдпырысь сибӧдісны сьӧлӧманыс Петырлысь кывъяссӧ да пыртчисны. Сійӧ лунӧ эскысьяс дінӧ содіс куим сюрс гӧгӧр морт.

Ап. уджъяс 23:6

Веськӧдлан котырын вӧліны саддукейяс да фарисейяс. Тайӧс казялӧм бӧрын Павел гораа шыасис: «Вокъяс! Ме ачым фарисей, фарисейлӧн пи. Менӧ мыжалӧны сыысь, мый ме эска кулӧмаяслӧн ловзьӧмӧ».

Ап. уджъяс 24:15

Тані пукалысь иудейяс моз ме тшӧтш лача кута Ен вылӧ, эска, мый лоӧ ловзьӧмыс, ловзясны веськыда олысьяс и лёкнога олысьяс. Менӧ мыжалысьяс ӧд тшӧтш тайӧс виччысьӧны.

Ап. уджъяс 24:21

Ме сэні шуи налы: ”Ті талун мыжаланныд менӧ сыысь, мый ме эска кулӧмаяслӧн ловзьӧмӧ”. Гашкӧ, тайӧ шуӧмсьыс ме мыжми на водзын».

Ап. уджъяс 24:25

Но кор Павел висьталіс веськыда олӧм йылысь, асьтӧ кутӧм да локтана мыждӧм йылысь, Феликсӧс полӧм босьтіс. Сійӧ шуис: «Ӧні мун. Кад кӧ лоӧ, корла на».

Ап. уджъяс 26:8

Мыйла ті онӧ эскӧй, мый Енмыс вермӧ ловзьӧдны кулӧмаясӧс?

Ап. уджъяс 4:2

Найӧ скӧралісны, мый апостолъяс велӧдӧны йӧзсӧ да висьтавлӧны, Исус пӧ ловзис, и кулӧмаяс пӧ тшӧтш ловзясны.

Ап. уджъяс 6:6

Найӧс сувтӧдісны апостолъяс водзӧ. Апостолъяс на вылӧ кинысӧ пуктылӧмӧн кевмысисны на вӧсна.

Римӧ 2:16

Но воас лун, кор Исус Кристос пыр Ен кутас мыждыны мортлысь гусяторъяссӧ. Та йылысь ме висьтавлі нин буръюӧртігӧн.

1 Коринфӧ 10:2

Найӧ ставныс пыртчисны кымӧрын да саридзын да лоисны Мӧисей бӧрся мунысьясӧн.

1 Коринфӧ 12:13

Ӧд ми: иудейяс и грекъяс, кесйӧгъяс и мездлуна йӧз – ставным пыртчим ӧти Лов отсӧгӧн ӧти вир-яйӧ, ставным юим ӧти Ловсянь.

2 Коринфӧ 5:10

Миянлы ӧд быдӧнлы ковмас сувтны Кристослӧн ёрд водзӧ. Сэки быдӧнӧс лоӧ мыждӧма уджъясыс серти: бурсӧ али лёксӧ мортыс вӧчис вир-яйын олігас.

Филипӧ 3:21

Енмыс сетіс Сылы вын веськӧдлыны ставнас. Тайӧ выннас Кристос вежас миянлысь кулана вир-яйнымӧс да сетас миян вир-яйлы Ассьыс дзирдлунсӧ.

Колосӧ 2:12

Пыртчиганыд тіянӧс гуалӧма да ловзьӧдӧма Кристоскӧд эскӧм пыр. Ті ӧд эскинныд Кристосӧс ловзьӧдысь Енлӧн вынӧ.

2 Тимофейлы 2:18

Найӧ кежисны збыльсьыс, висьталӧны, ловзьӧмыс пӧ вӧлі нин. Татшӧм сёрнинас найӧ жугӧдӧны кодсюрӧлысь эскӧмсӧ.

Еврейяслы 11:35

ӧткымын аньлысь матыссасӧ ловзьӧдісны кулӧмысь. Мукӧдсӧ вӧлі дойдалӧма кувтӧдзыс, ӧд найӧ эз кӧсйыны босьтны мортсянь вӧзйӧм мездлунсӧ, но кӧсйисны босьтны бурджыксӧ – ловзьӧмсӧ.

Еврейяслы 9:10

Ӧд став тайӧ вайӧмторйыс вӧлі йитчӧма сӧмын вир-яйкӧд: сёян-юанкӧд да мыссьӧмкӧд. Татшӧм кесъялӧмсӧ Енмыс лӧсьӧдіс сӧмын кад кежлӧ, выль кесъяланногсӧ лӧсьӧдтӧдз.

2 Петыр 3:7

Ӧнія енэжсӧ да мусӧ сійӧ жӧ кывйыс кутӧ да видзӧ биӧн бырӧдӧм вылӧ. Тайӧ лоӧ мыждан лунӧ, кор Ентӧг олысьясӧс лоӧ бырӧдӧма.