Еврейяслы 6:19 - Коми Библия 2023

¹⁹ Миян олӧмын тайӧ лачаыс зумыд якӧр кодь, сійӧ видзӧ миянӧс да отсалӧ миянлы пырны крамын ӧшалысь дӧра сайӧ, Вежасьыс-вежаинӧ.

Еврейяслы 6:19 Iomraidhean Croise

Псалтыр 39:7

Вись да вайӧмтор Тэныд оз ков, сотан вись да мыжысь вись Тэ он кор, но Тэ вӧчин меным пель, медым кывны.

Псалтыр 42:5

Мыйла шогсян да майшасян, менам лолӧй? Лача кут Ен вылӧ! Ме кута на ошкыны Сійӧс, ассьым Енмӧс да Мездысьӧс. Ошкӧм.

Псалтыр 43:5

Енмӧй, Тэ менам Ӧксыӧй, сет мездмӧмсӧ Яковлы!

Исай 12:2

Енмыс – менӧ Мездысьыс. Сы вылӧ ме лача кута да ог пов. Господь – менам вынӧй, Сійӧ – менам сьыланкывйӧй. Господь мездіс менӧ».

Исай 28:16

Та вӧсна Господь Ыджыдыс тадзи висьталӧ: – Сионӧ Ме пукта подув из. Сійӧ – пельӧс из, кодӧс Ме бӧрйи. Сійӧ – дона из, сулалӧ зумыда. Сылы эскысь оз янав.

Левит 16:15

Войтырлӧн мыжысь вись пыдди Аарон мед начкас ай кӧзаӧс. Вирсӧ мед пыртас Вежаинын ӧшалысь дӧра сайӧ да ӧш вирӧн моз мед резас Йитӧд кудлысь вевт вывсӧ да вевт водзсӧ.

Левит 16:2

Господь шуис Мӧисейлы: «Висьтав Аарон вокыдлы, мый сылы оз позь быд кадӧ пырны Вежаинын ӧшалысь дӧра сайӧ, Йитӧд куд водзӧ [мыж лэдзанін водзӧ], медым сійӧ эз кув. Ӧд Йитӧд куд вевт весьтас Ме кута петкӧдчыны кымӧр пытшкын.

Закар 9:12

Бӧр локтӧй асланыд изкарӧ, пленӧ босьтӧмаяс, помӧдзыс лача кутысьяс. Талун Ме юӧрта, мый кык пӧвстӧн тэныд ставсӧ бӧр бергӧда.

Матвей 27:51

Сэки крамын ӧшалысь дӧраыс вывсяньыс улӧдзыс кык пельӧ косяссис. Муыс вӧрзьывліс, из керӧсъяс потісны.

Ап. уджъяс 23:6

Веськӧдлан котырын вӧліны саддукейяс да фарисейяс. Тайӧс казялӧм бӧрын Павел гораа шыасис: «Вокъяс! Ме ачым фарисей, фарисейлӧн пи. Менӧ мыжалӧны сыысь, мый ме эска кулӧмаяслӧн ловзьӧмӧ».

Ап. уджъяс 27:29

Полісны изъяинӧ тшукӧмысь. Та вӧсна лэдзисны бӧжладорсяньыс нёль якӧр да ёна кевмисны, мед эськӧ югдытӧдзыс вермисны кутчысьны.

Ап. уджъяс 27:40

Якӧръяссӧ орйӧдлісны да вӧйтісны саридзӧ, личӧдісны веськӧдлан пелысъяслысь гезъяссӧ да тӧв ньылыдыс зэвтісны ичӧт тӧвдӧра. Тадзи ми сетчим вадорланьыс.

Римӧ 4:16

Кӧсйысьӧмыс подуласьӧ эскӧм вылӧ, медым сійӧ вӧлі буралӧмсянь. Тадзи кӧсйысьӧмыс вына Ӧвраамсянь став чужысьыслы, абу сӧмын Индӧд улын олысьяслы, но и Ӧвраам моз эскысьяслы. Ӧвраам – ставнымлы бать.

Римӧ 4:18

Ӧвраамлӧн эз вӧв некутшӧм лача, но сійӧ эскис, мый лоас войтыръяслы батьӧн, ӧд сылы шуӧма вӧлі: «Та мында жӧ лоас тэсянь чужысьыс».

Римӧ 5:4

зумыдлуныс – сьӧкыдсӧ венӧм, сьӧкыдсӧ венӧмыс – лача.

1 Коринфӧ 13:13

Ӧні кольӧ куимтор: эскӧм, лача да муслун. Но муслуныс на пиысь медыджыд.

1 Коринфӧ 15:58

Муса вокъяс, сулалӧй зумыда да вӧрзьывтӧг. Быд кадӧ кесъялӧй Господьлы сьӧлӧмсяньныд. Тӧдӧй, мый ті кесъяланныд Господьлы онӧ весьшӧрӧ.

Ефесӧ 2:6

Сійӧ ловзьӧдіс миянӧс Исус Кристоскӧд да пуксьӧдіс Сыкӧд енэжас,

Колосӧ 1:27

Енмыс кӧсйис, мед найӧ тӧдісны дзирдлуныслысь гусяторсӧ, мый воссьӧ став войтыръяслы. А гусяторйыс сыын, мый Кристос тіян пытшкын, локтана дзирдлуныс вылӧ лачаныд.

Колосӧ 3:1

Ті кӧ ловзинныд Кристоскӧд, корсьӧй енэжвывсасӧ. Ӧд енэжас, Ен веськыдладорын, пукалӧ Кристос.

2 Тимофейлы 2:19

Но Енмӧн пуктӧм подулыс вӧрзьывтӧм. Сэтчӧ пасйӧма: «Господь тӧдӧ Ассьыс йӧзсӧ», нӧшта пасйӧма: «Господьлысь нимсӧ висьталысь мед эновтчас лёксьыс».

Еврейяслы 4:16

Та вӧсна ми повтӧг матыстчам бур сьӧлӧма Енлӧн юралан пуклӧс дінӧ, медым колана кадӧ босьтны Енсянь буралӧмсӧ да бурсетӧмсӧ отсӧгным вылӧ.

Еврейяслы 9:3

Мӧд вежӧссӧ вӧлі торйӧдӧма ӧшӧдӧм дӧраӧн. Тайӧ вежӧсыс шусис Вежасьыс-вежаин.

Еврейяслы 9:7

Мӧд вежӧсас сӧмын ӧтчыдысь вонас пырліс аркирей. Аскӧдыс сійӧ вайліс вир аслас мыжъяс вӧсна да йӧзлӧн тӧдтӧг вӧчӧм мыжъяс вӧсна.

1 Петыр 1:3

Ошкӧм Енлы, миян Господь Исус Кристослӧн Батьлы. Ыджыд буралӧмыс вӧсна Исус Кристосӧс ловзьӧдӧм пыр Енмыс сетіс миянлы выль олӧм. Та вӧсна ми кутам ловъя лача