Еврейяслы 4:7 - Коми Библия 2023

⁷ Та вӧсна Енмыс индіс торъя лун – ”талун”, ӧд уна во мысти Давид казьтыштіс Енлысь водзынджык шуӧм кывъяссӧ: – Талун, Енлысь гӧлӧс шысӧ кылігӧн, энӧ чорзьӧдӧй сьӧлӧмнытӧ.

Еврейяслы 4:7 Iomraidhean Croise

Ӧксыяслӧн 3 небӧг 6:1

Соломон пондіс лэптыны Господьлы крам Израильын аслас нёльӧд ӧксыалан воӧ, зиф нима мӧд тӧлысьӧ. Тайӧ вӧлі Израиль войтырлӧн Египетысь петӧмсянь нёльсё кӧкъямысдасӧд воын.

Псалтыр 95:7

Войтыръяс, кыпӧдӧй ошкӧм Господьлы, ошкӧй-нимӧдӧй Господьӧс,

Матвей 22:43

Сэки Исус юаліс: «Мыйла нӧ Ловсянь сёрнитігас Давид шуӧ Сійӧс Господьӧн:

Марк 12:36

Вежа Ловсянь сёрнитігас Давид ачыс шуӧ: – Господь шуис менам Ыджыдлы: ”Пукав Менам веськыдладорын, кытчӧдз ог пукты Тэнад кок улӧ Тэнӧ мустӧмтысьясӧс”.

Лука 20:42

Давид ачыс шуӧ Псалом небӧгын: – Господь шуис менам Ыджыдлы: ”Пукав Менам веськыдладорын,

Ап. уджъяс 2:29

Вокъясӧй! Кӧсъя веськыда висьтавны тіянлы Давид батьным йылысь. Сійӧ куліс, и сійӧс гуалісны. Дзебаніныс ӧнія лунӧдз на эм миян.

Ап. уджъяс 2:31

ӧд сійӧ сэки нин аддзыліс Кристослысь ловзьӧмсӧ. Та йылысь сійӧ висьталіс, мый Кристослӧн лолыс оз коль кулӧмаяс дінӧ, и Сылӧн шойыс оз аддзыв сісьмӧмсӧ.

Ап. уджъяс 28:25

Тадзи найӧ ас костаныс эз вермыны воны ӧти кывйӧ. Муналіганыс Павел шуис налы татшӧм кывъяс: «Бура шулӧма Вежа Лов миян батьяслы Исай пророк пыр:

Еврейяслы 3:15

Та йылысь шуӧма: – Талун, Енлысь гӧлӧс шысӧ кылігӧн, энӧ чорзьӧдӧй сьӧлӧмнытӧ, кыдзи ті вӧчинныд Сылы паныд кыпӧдчигӧн.