Еврейяслы 2:17 - Коми Библия 2023

¹⁷ Кристослы ковмис лоны морт кодьӧн, Аслас вокъяс кодьӧн, медым лоны бур сьӧлӧма да Енлысь кывзысьысь Аркирейӧн да босьтны Ас вылас йӧзлысь мыжъяссӧ.

Еврейяслы 2:17 Iomraidhean Croise

2 Каднебӧг 29:24

Попъяс начкисны кӧзаясӧс да налысь вирсӧ мыжысь вись пыдди вайисны висьпуктанін вылын, медым вештыны Израиль войтырлысь мыжсӧ, ӧд ӧксы тшӧктіс вайны сотан вись да мыжысь вись став Израиль войтыр вӧсна.

Исай 11:5

Сійӧ вӧнясяс веськыдлуннас, эсканлуныс лоӧ сылы вӧньӧн.

Езекиль 45:15

Израильса бур йирсянінъяс вылысь быд кыксё ыжысь колӧ вайны ӧтиӧс. Тайӧ висьясыс лоӧны тіян нянь висьныд, сотан висьныд да бурасян висьныд мыжнытӧ вештӧм могысь, – висьталӧ Господь Ыджыдыс. –

Езекиль 45:17

Ӧд Израиль войтырлӧн вежа гажӧдчан лунъяс дырйи, выль тӧлысь чужигӧн да шойччан лунъяс дырйи ӧксы кывкутӧ сотан вись, нянь вись да вина вись вайӧм вӧсна. Сійӧ мед ваяс мыжысь вись да нянь вись, сотан да бурасян висьяс, медым вештыны Израиль войтырлысь мыжсӧ».

Езекиль 45:20

Тадзи вӧчӧй тшӧтш тӧлысьыслӧн сизимӧд лунӧ на вӧсна, кодъяс мыж вӧчисны мӧвпышттӧг либӧ гӧгӧрвотӧг. Тадзи сӧстӧммӧдӧй крамсӧ.

Даниил 9:24

Сизимдасысь сизим во индӧма тэнад войтырлы да тэнад вежа карлы, медым дугӧдны лёкнога олӧмсӧ, пуктыны пом лёк вӧчӧмлы да вештыны мыжсӧ, медым пыр ыджыдаліс веськыдлун, медым вынсьӧдны аддзылӧм-петкӧдчылӧмъяс да пророклысь кывсӧ, мавтыштны Вежасьыс-вежаинсӧ.

Левит 14:18

Коляс выйсӧ ки пыдӧссьыс мед кисьтас сӧстӧммӧдчысьлы юр вылас. Тадзи поп вештас сылысь мыжсӧ Господь водзын.

Левит 16:16

Татшӧм ногӧн сійӧ сӧстӧммӧдас Вежасьыс-вежаинсӧ Израиль пиянлӧн пежсьыс да мыжсьыс. Израиль пиян пӧвстын сулалысь вежа чомсӧ мед ставнас сӧстӧммӧдас налӧн пежсьыс.

Левит 6:30

Оз позь сёйны мыжысь вись, кодлысь вирсӧ пыртӧны вежа чомйӧ мыж вештӧм могысь. Висьсӧ колӧ сотны биын».

Левит 8:15

Мӧисей начкис ӧшсӧ, сэсся чуньсӧ кӧтӧдіс ӧш вирнас да мавтыштіс висьпуктанінлысь сюръяссӧ быд боксянь, медым сӧстӧммӧдны висьпуктанінсӧ. Коляс вирсӧ койыштіс висьпуктанін улӧ. Тадзи Мӧисей вежӧдіс-сӧстӧммӧдіс висьпуктанінсӧ.

Лыд 15:25

Поп мед вештас став Израиль войтырлысь мыжсӧ, и найӧс лоӧ прӧститӧма. Ӧд мыжсӧ вӧлі вӧчӧма тӧдлытӧг, но войтырыс вайис Господьлы висьсӧ, тшӧтш вайис тӧдлытӧг Господьлы паныд мыж вӧчӧмысь вись.

Римӧ 15:17

Исус Кристос пытшкын ме верма ошйысьны Енлы кесъялӧмӧн.

Римӧ 5:10

Ми кӧ, Енмыслы коркӧя паныд сувтысьяс, бурасим Сыкӧд Пиыслӧн кулӧм пыр, дерт нин, ӧні ми, бурасьӧмаяс, мездмам Кристослӧн олӧм пыр.

Ефесӧ 2:16

Крест вылын кувлӧмнас Сійӧ бырӧдіс лёксьӧмсӧ. Тадзи ӧти вир-яйын Кристос бурӧдіс Енмыскӧд кыкнан войтырсӧ.

Колосӧ 1:21

Коркӧ ті вӧлінныд Енмыслы паныд сувтысьяс, лёк вӧчӧмныд вӧсна Сыысь ылынӧсь.

Еврейяслы 10:21

Миян эм ыджыд Аркирей, Сійӧ кывкутӧмӧн веськӧдлӧ ставнас Ен керканас.

Еврейяслы 2:11

Вежӧдысьыс да вежа войтырыс – ӧти Батьсянь. Та вӧсна Исус оз яндысь шуны вежа войтырӧс Аслас вокъясӧн.

Еврейяслы 2:14

Тайӧ ныв-пиыслӧн эм вир-яй. Та вӧсна Кристос тшӧтш лоис на кодьӧн, медым кувлӧмнас бырӧдны омӧльӧс – кулӧмыс вылын ыджыдалысьӧс –

Еврейяслы 2:16

Кристос тӧждысьӧ Ӧвраамсянь чужысьяс вӧсна, а оз анделъяс вӧсна.

Еврейяслы 3:1

Вокъяс, ме шыася тіян дінӧ, вежа войтыр да Енлӧн корӧмаяс дінӧ: видзӧдӧй Исус Кристос вылӧ. Сійӧс Енмыс мӧдӧдіс, Сійӧ – Аркирей, кодлы ми эскам.

Еврейяслы 3:2

Енмыс сувтӧдіс Сійӧс Аркирейнас. Сійӧ кесъяліс Енмыслы кывзысьӧмӧн, кыдзи Мӧисей быд кадӧ кывзысьӧмӧн кесъяліс Ен керкаын.

Еврейяслы 3:5

Мӧисей кывзысьӧмӧн кесъяліс Ен керкаын, но сійӧ вӧлі сӧмын кесъялысь. Аслас олӧмнас сійӧ водзвыв петкӧдліс, мый Енмыс кӧсйис висьтавны бӧрынджык.

Еврейяслы 4:14

Миян эм ыджыд Аркирей – Исус, Енлӧн Пи, коді муніс став енэжыс пыр. Сідзкӧ, зумыда кутчысям эскӧмас.

Еврейяслы 4:15

Миян эм Аркирей, коді бура гӧгӧрвоӧ миянӧс жеблунным дырйи. Миянӧс моз Сійӧс быдторйын вӧлі ыштӧдӧма, но мыжсӧ Сійӧ эз вӧчлы.

Еврейяслы 5:1

Быд аркирейӧс бӧрйӧны йӧз пӧвстысь да сувтӧдӧны кесъявны Енлы, медым йӧзыслӧн мыжъяс вӧсна вайны висьяс да сетӧмторъяс.

Еврейяслы 5:10

Мелкиседекӧс моз Енмыс индіс Исусӧс Аркирейӧн.

Еврейяслы 5:2

Татшӧм аркирейыс вермӧ гӧгӧрвоны мывкыдтӧмъясӧс да ылалӧмаясӧс, ӧд ачыс сійӧ на кодь жӧ вынтӧм.

Еврейяслы 5:5

Тадзи вӧлі тшӧтш Кристоскӧд. Сійӧ эз Ачыс Асьсӧ инды Аркирейӧн, а нималӧмсӧ Сылы сетіс Енмыс, коді шуис Сылы: – Тэ – Менам Пи, талун Ме лои Тэныд Батьӧн.

Еврейяслы 6:20

Миянысь водзджык сэтчӧ пырис Исус да восьтіс миянлы туй. Мелкиседек моз Сійӧ пыр кежлӧ лоис Аркирейӧн.

Еврейяслы 7:26

Дзик татшӧм аркирей колӧ миянлы: вежа, сӧстӧм да мыжтӧм, кодӧс торйӧдӧма мыжа йӧзысь да кыпӧдӧма енэжсьыс вылӧджык на.

Еврейяслы 7:28

Индӧд серти аркирейӧн вермис лоны морт, кодлӧн эмӧсь тырмытӧмторъяс. Но Индӧдыс бӧрын Енмыс кыв сетӧмӧн пуктіс Аркирейӧ Ассьыс вежсьывлытӧм тыр-бур Писӧ.

Еврейяслы 8:1

Миян висьталӧмлӧн медшӧр мӧвпыс татшӧм: миян эм Аркирей, коді пукалӧ енэжын, Медыджыдыслӧн пуклӧс веськыдладорын

Еврейяслы 8:3

Быд аркирейӧс сувтӧдӧны сы могысь, медым вайны вись да сетӧмтор Енмыслы. Сідзкӧ, миян Аркирейлы, Исуслы, тшӧтш колӧ вӧлі вись вайны Енмыслы.

Еврейяслы 9:11

Кор локтіс Кристос, бурсӧ вайысь Аркирей, Сійӧ кутіс кесъявны ёна бурджык да ыджыдджык вежа чомйын, мый вӧчӧма абу киӧн, абу мувывса ног.