Еврейяслы 13:13 - Коми Библия 2023

¹³ Сідзкӧ, петам Исус дінӧ кар ортсыас да Сы моз нуам лёкӧдӧмсӧ.

Еврейяслы 13:13 Iomraidhean Croise

Матвей 16:24

Исус шуис велӧдчысьясыслы: «Коді кӧсйӧ мунны Ме бӧрся, мед вунӧдас асьсӧ, мед босьтас ассьыс крестсӧ да локтас Ме бӧрся.

Матвей 27:32

Карсьыс петіганыс налы вочаасис киринеяса Симон, сылы тшӧктісны нуны Исуслысь крестсӧ.

Матвей 5:11

Ті шудаӧсь, Ме вӧсна кӧ тіянӧс лёкӧдӧны, вӧтлӧны да быд ногыс омӧльтӧны-суклялӧны.

Лука 6:22

Ті шудаӧсь, Морт Пи вӧсна кӧ йӧзыс тіянӧс мустӧмтӧны, вӧтлӧны, лёкӧдӧны да няйтӧсьтӧны тіянлысь нимнытӧ.

Лука 9:23

Исус шуис ставныслы: «Коді кӧсйӧ мунны Ме бӧрся, мед вунӧдас асьсӧ, мед босьтас ассьыс крестсӧ да локтас Ме бӧрся.

Ап. уджъяс 5:41

Веськӧдлан котыр дінысь апостолъяс мунісны долыдпырысь, ӧд Господь Исуслӧн ним вӧсна найӧ шогмисны увтыртӧм туйӧ.

2 Коринфӧ 12:10

Ме нимкодяся вынтӧмлун дырйи, менӧ лёкӧдігӧн, дзескӧдігӧн, вӧтлігӧн да Кристос вӧсна сьӧкыдсӧ нуигӧн. Ӧд кор ме вынтӧм, сэки ён!

Еврейяслы 11:26

Кристос вӧсна лёкӧдӧмсӧ Мӧисей лыддис ыджыдджык озырлунӧн египетса став озырлун дорысь. Ӧд сійӧ тӧдіс, мый сылы лоӧ сетӧма тырдон.

Еврейяслы 12:2

да видзӧдны Исус вылӧ. Сійӧ – миянлы эскӧмсӧ Сетысьыс да тырвыйӧ эскӧмас Вайӧдысьыс. Локтана нимкодьлун понда Сійӧ нуис крест вылын дойсӧ, нинӧм туйӧ пуктіс лёкӧдӧмсӧ да пуксис Ен пуклӧс веськыдладорӧ.

Еврейяслы 12:3

Сідзкӧ, мӧвпалӧй Сы йылысь, коді нуис сы мында лёкӧдӧм мыжа йӧзсянь, медым ті энӧ жебмӧй да ловнаныд энӧ усьӧй.

Еврейяслы 12:4

Ті энӧ на вирӧдз тышкасьӧй мыжыслы паныд.

1 Петыр 4:4

Ӧні ентӧдтӧмъяс шензьӧны, мый ті онӧ нин олӧй на моз лэдзчысьӧмӧн. Та вӧсна найӧ лёкӧдӧны тіянӧс.