29 ӧд миян Енным – ставсӧ сотысь би.
Сылӧн скӧралӧмсянь кыптіс тшын, Сылӧн вомысь петіс сотысь би. Сысянь киссисны биа ӧгыръяс.
Енмӧй, Аслад буралӧмыд кузя ло бур сьӧлӧма ме дінӧ, Аслад ыджыд бурлуныд кузя чышкышт менсьым мыжъясӧс.
Сійӧ эз вунӧд [Яковсянь чужысьяс дінӧ] Ассьыс буралӧмсӧ, петкӧдліс Израиль войтырлы Ассьыс эсканлунсӧ. Став му пасьтала олысьяс аддзисны, мый миян Енным мездіс миянӧс.
Паныд кыпӧдчысьясӧс Тэ уськӧдін шензьӧдана выннад, скӧрлуныд ӧзйис да идзасӧс моз найӧс сотіс.
Израиль пиян аддзылісны Господьлысь дзирдлунсӧ. Дзирдлуныс вӧлі керӧс вылын сотысь би кодь.
Сионын олысь мыжаяс полӧны, Ентӧг олысьяс тіралӧны. Найӧ шуалӧны: «Коді миян пӧвстысь вермас орччӧн овны ставсӧ сотысь бикӧд? Коді миян пӧвстысь вермас овны куслытӧм би пытшкын?»
Со, Господь локтӧ би моз, Сылӧн тарантасъясыс ыджыд тӧвныр кодьӧсь. Сійӧ кисьтас Ассьыс скӧрлунсӧ ыджыд ярлунӧн, петкӧдлас Ассьыс мыждӧмсӧ ыпъялысь биӧн.
Господьлӧн яр скӧрлунысь бырӧны видзьяс, кӧні повтӧг йирсьӧны налӧн ыжъясыс.
Аслам ярлунӧн, Аслам биа скӧрлунӧн Ме шуа, мый сійӧ лунӧ Израильын муыс кутас ёна вӧрны.
Сэсся ме аддзи сувтӧдӧм юралан пуклӧсъяс, и важысянь Олысь пуксис. Сылӧн паськӧмыс вӧлі лым кодь еджыд, юрсиыс – еджыд вурун кодь. Сылӧн юралан пуклӧсыс вӧлі ыпъялысь би кодь, пуклӧс гӧгыльясыс вӧліны яра сотчысь би кодьӧсь.
Войтырыс кутіс ропкыны. Господь кыліс тайӧс да ёна скӧрмис. Сувтанін помын ыпнитіс Господьлӧн би, биыс кутіс бырӧдны сувтанінсӧ.
Господьсянь петіс би да сотіс тайӧ кыксё ветымын айуловсӧ, кодъяс вайисны тшынӧдчантор.
Ми тӧдам, мый сэтшӧм Господьысь полӧмыс, та вӧсна зілям эскӧдны тшӧтш мукӧдсӧ. Енмыслы ми восьсаӧсь, чайтам, тіян сьӧлӧмлы тшӧтш восьсаӧсь.
Ӧд Господь, тіян Енныд, ставсӧ сотысь би. Сійӧ – вежӧгтысь Ен!
Талун ті тӧдмаланныд, мый Господь, тіян Енныд, мунӧ тіян водзвылын, кыдзи ставсӧ сотысь би. Сійӧ пасьвартас енак войтырӧс да сетас тіян киӧ. Ті босьтанныд налысь мусӧ да регыдъя кадӧн бырӧданныд найӧс. Тадзи висьталіс тіянлы Господь.
А тіянлы да миянлы, сьӧкыдсӧ нуысьяслы, Енмыс сетас шойччӧг, кор Господь Исус Аслас вына анделъяскӧд лэччас енэжсянь
ыпъялан би пытшкын да мыждас найӧс, кодъяс оз тӧдны Енсӧ да оз кывзыны миян Господь Исус Кристослысь Бур Юӧрсӧ.
Сӧмын ыджыд полӧмӧн ковмас виччысьны мыждӧмсӧ да яр бисӧ, мый бырӧдас Енлы паныд кыпӧдчысьясӧс.
Ёна повзьӧдана веськавны ловъя Енлӧн киӧ!
Ӧнія енэжсӧ да мусӧ сійӧ жӧ кывйыс кутӧ да видзӧ биӧн бырӧдӧм вылӧ. Тайӧ лоӧ мыждан лунӧ, кор Ентӧг олысьясӧс лоӧ бырӧдӧма.
