Еврейяслы 12:19 - Коми Библия 2023

¹⁹ локтінныд энӧ труба шы улӧ да гора сёрни шы улӧ. Тайӧ шысӧ кылысьяс корисны Енсӧ, медым дугдіс накӧд сёрнитны.

Еврейяслы 12:19 Iomraidhean Croise

Петӧм 20:22

Господь шуис Мӧисейлы: «Висьтав [Яков рӧдлы, шу] Израиль пиянлы: ті аддзылінныд, кыдзи Ме енэжсянь сёрниті тіянкӧд.

Матвей 24:31

Кор кылас трубалӧн гора шыыс, Сійӧ мӧдӧдас анделъяссӧ нёльнан му вежтасас, медым чукӧртны Ассьыс бӧрйӧмаяссӧ став му пельӧссьыс.

1 Коринфӧ 15:52

Тайӧ лоӧ зэв ӧдйӧ, син лапнитігкості, бӧръя трубалӧн тутӧстігӧн. Труба тутӧстас, и кулӧмаяс ловзясны сісьмытӧмӧн, а ми – вежсям.

Индӧд 18:16

Тадзи збыльмас сійӧ, мый ті коринныд Господьлысь, асланыд Енлысь, кор войтырыс чукӧртчис Хорив керӧс бокын. Ті ӧд шуинныд: ”Водзӧ ми огӧ вермӧй кывзыны асланым Господь Енлысь гӧлӧс шысӧ да видзӧдны тайӧ ыджыд би вылас. Ми полам, мый кулам”.

Индӧд 4:11

Ті матыстчинныд да сувтінныд керӧс дорӧ, а керӧсыс енэжӧдз ыпъяліс биӧн. Вӧлі пемыдсьыс-пемыд, сап пемыд.

Индӧд 4:12

[Керӧсвывса] би пытшсянь тіянкӧд сёрнитіс Господь. Ті кылінныд Сылысь кывъяссӧ, но энӧ аддзылӧй Сійӧс.

Индӧд 4:33

Кывліс-ӧ кутшӧмкӧ войтыр тіян моз [ловъя] Енлысь би пытшсянь сёрнисӧ да ловйӧн колис?

1 Фессалоникаӧ 4:16

Кор кылас чукӧстӧм шы, кор шыасяс архангел да кылас Енлӧн труба шыыс, Ачыс Господь лэччас енэжсяньыс. Сэки медводз ловзясны кулӧмаяс, кодъяс эскисны Кристослы.

Еврейяслы 12:25

Видзчысьӧй, медым энӧ бергӧдчӧй тіянлы Висьталысьысь! Енмыс сёрнитіс му вылас Израиль войтыркӧд, но найӧ бергӧдчисны Сыысь. Та вӧсна найӧс вӧлі мыждӧма. Сідзкӧ, миянӧс ёнджыка на лоӧ мыждӧма, огӧ кӧ кывзӧй енэжсянь Висьталысьӧс.