Еврейяслы 10:7 - Коми Библия 2023

⁷ Сэки Ме шуи: со, Ме локті, кыдзи гартӧм гижӧдас Ме йылысь гижӧма. Енмӧй, ме кӧсъя збыльмӧдны Тэнсьыд кӧсйӧмтӧ.

Еврейяслы 10:7 Iomraidhean Croise

Олӧм 3:15

Тэ да ань костӧ, тэсянь чужысь да аньсянь чужысь костӧ пукта лӧгалӧм: сійӧ пасьвартас юртӧ, а тэ сылы коклябӧрас чушкан».

Ездра 6:2

Мидия муын Экбатана карын ӧксы керкаысь сюри небӧг, кытчӧ вӧлі гижӧма: «Казьтылан пасйӧдъяс.

Шусьӧгъяс 8:31

Сылӧн му вӧсна нимкодяси, и морт пиян сетісны меным долыдлун.

Исай 50:5

Господь Ыджыдыс восьтіс менсьым пельӧс, и ме эг пыксьы, эг бӧрыньтчы.

Еремей 36:2

«Босьт гижӧд тубрас да гиж сэтчӧ ставсӧ, мый Ме висьтавлі тэныд Израиль войтыр йылысь, Иуда войтыр йылысь да став войтыръяс йылысь сійӧ лунсяньыс, кор Ме шыасьлі тэ дінӧ Иосейлӧн веськӧдлан кадӧ да ӧніӧдз.

Езекиль 2:9

Сэсся ме аддзи, мый ме дінӧ нюжӧдчис ки, а киас вӧлі гартӧм гижӧд.

Езекиль 3:1

Сійӧ шуис меным: «Морт пиӧй, сёй гартӧм гижӧдсӧ, мый тэ водзын. Сэсся мун да висьтав Израиль войтырлы Менсьым кывйӧс».

Иоан 4:34

Исус шуис налы: «Менам сёянӧй – ставсӧ вӧчны Менӧ Мӧдӧдысьлӧн кӧсйӧм серти да эштӧдны Сылысь уджсӧ.

Иоан 5:30

Ме нинӧм ог вӧч Ассянь. Ме мыжда сы серти, мый кыла Батьсянь, та вӧсна Менам мыждӧмӧй веськыд. Ӧд Ме ог Ас кӧсйӧм серти вӧч, а Менӧ мӧдӧдысь Батьлӧн кӧсйӧм серти вӧча».

Иоан 6:38

Ме ӧд лэччи енэжсянь эг Ас кӧсйӧм серти вӧчны, но лэччи, медым вӧчны Менӧ мӧдӧдысь Батьлӧн кӧсйӧм серти.