Еврейяслы 10:32 - Коми Библия 2023

³² Видзӧдлӧй бӧрвыланыд: Бур Юӧрлысь югыдсӧ тӧдмалӧм бӧрын ті верминныд мунны уна сьӧкыд да тыш пыр.

Еврейяслы 10:32 Iomraidhean Croise

Ап. уджъяс 26:18

мед восьтны налысь синсӧ да бергӧдны найӧс пемыдсьыс югыдӧ, сӧтана кипод улысь Ен дінӧ, медым Меным эскӧмӧн найӧ босьтасны мыжъясысь прӧститӧмсӧ да вежа войтырлы Енсянь вичмӧдӧмасӧ”.

Римӧ 12:12

Лачанытӧ кутӧй нимкодьпырысь, шогъястӧ нуӧй терпитӧмӧн, дугдывтӧг кевмысьӧй.

2 Коринфӧ 4:6

Енмыс, коді тшӧктіс пемыдас ӧзйыны югыдыслы, югдӧдіс миянлысь сьӧлӧмнымӧс, медым ми вермим аддзыны Енлысь дзирдлунсӧ Исус Кристос чужӧмбанысь.

Филипӧ 3:16

Но мыйӧдз воим нин, кутам водзӧ тадзи мӧвпавны да овны.

Колосӧ 2:1

Кӧсъя, мед ті тӧдінныд, кутшӧм ыджыд тыш менам мунӧ тіян вӧсна да лаодикияса вӧсна, тшӧтш на вӧсна, кодъяс менӧ весиг эз на аддзывны.

Еврейяслы 12:4

Ті энӧ на вирӧдз тышкасьӧй мыжыслы паныд.

Еврейяслы 5:12

Видзӧдлыны кӧ кадыс вылӧ, тіянлы важӧн нин колӧ лоны велӧдысьясӧн, но миянлы выльысь лоӧ висьтавны тіянлы Енлысь кывсӧ водзысяньыс. Тіянӧс пыр на колӧ вердны йӧлӧн, а оз чорыд сёянӧн.

Еврейяслы 6:10

Енмыс – веськыд, Сійӧ оз вунӧд тіянлысь уджъяснытӧ да Сылӧн нимыс дінӧ муслуннытӧ. Ӧд тайӧ муслунсӧ ті петкӧдлінныд вежа войтырлы кесъялігӧн.

Еврейяслы 6:4

Ен дінӧ он нин вермы бергӧдны найӧс, кодъяс тӧдлісны Бур Юӧрлысь югыдсӧ, босьтісны Енсянь сетӧмторсӧ, сибӧдісны сьӧлӧмас Вежа Лолӧс, тӧдмалісны Ен кывлысь бурсӧ да аддзылісны локтана нэмлысь вынсӧ, а сэсся бӧр кежисны Кристосысь. Найӧ ӧд выльысь тувъялӧны Ен Пиӧс да пуктӧны Сійӧс серамтуйӧ.

2 Иоан 1:8

Видзӧдӧй ас бӧрсяныд, медым ми эгӧ воштӧй сійӧ, мый вӧсна миян уджалӧма, но медым ми вермим босьтны удждонсӧ дзоньнас.

Восьтӧм 2:5

Сідзкӧ, мӧвпышт, кысянь тэ усин, бергӧдчы да вӧч ассьыд медводдза уджъястӧ. Он кӧ бергӧдчы, регыд локта тэ дінӧ да вешта тэнсьыд бикоктӧ места вывсьыс.

Восьтӧм 3:3

Эн вунӧд сійӧ, мый кывлін да сибӧдін. Видз сійӧс сьӧлӧмад да бергӧдчы мыжъяссьыд! Он кӧ садьмӧдчы, локта тэ дінӧ гусясьысь моз тӧдлытӧг. Тэ весиг он тӧдлы, кутшӧм кадӧ локта тэ дінӧ.