Еврейяслы 10:26 - Коми Библия 2023

²⁶ Ми кӧ тӧдам збыльсӧ, но тӧдӧмӧн мыж вӧчам, сэки некутшӧм вись оз вешты миянлысь мыжнымӧс.

Еврейяслы 10:26 Iomraidhean Croise

Левит 4:13

Израиль войтыр кӧ тӧдлытӧг мыж вӧчӧмнас торкас Господьлысь тшӧктӧмсӧ и вӧчас сійӧ, мый вӧчнысӧ оз позь, лоӧ мыжа.

Левит 4:2

висьтавны Израиль пиянлы: «Коді тӧдлытӧг мыж вӧчӧмнас торкас Господьлысь тшӧктӧмсӧ и вӧчас сійӧ, мый вӧчнысӧ оз позь, мед ваяс вись.

Лука 12:47

Кесйӧг кӧ тӧдӧ ыджыдыслысь кӧсйӧмсӧ да оз дасьтысь-вӧч сы ног, сійӧс чорыда нӧйтасны.

Иоан 13:17

Тайӧс кӧ тӧданныд да та серти оланныд, ті шудаӧсь.

Иоан 9:41

Исус вочавидзис: «Вӧлінныд кӧ ті синтӧмӧсь, сэки эськӧ энӧ мыжмӧй. Но ті шуанныд, аддзам пӧ, сідзкӧ, мыжныд ас выланыд кольӧ».

Индӧд 17:12

Но коді кутас ышнясьны да оз кывзысь поплысь, коді кесъялӧ сэні Господь Енныд водзын, либӧ оз кывзысь [сійӧ кадас уджалысь] ёрдысьлысь, сійӧс колӧ вины. Бырӧдӧй Израильысь лёксӧ.

2 Фессалоникаӧ 2:10

Сійӧ быд ногыс кутас ылӧдлыны найӧс, кодъяс мунӧны кулӧмас. Ӧд найӧ мустӧмтісны мездана збыльсӧ.

1 Тимофейлы 1:13

Водзынсӧ ме омӧльті Кристосӧс, вӧтлі-дзескӧді Сылы эскысьясӧс да лёк вӧчи налы. Но Кристос вӧлі бур сьӧлӧма ме дінӧ, ӧд тадзисӧ ме вӧчи гӧгӧрвотӧмла да эскытӧмла.

1 Тимофейлы 2:4

Сійӧ кӧсйӧ, медым став йӧзыс мездмисны да тӧдісны збыльсӧ.

Яков 4:17

Сідзкӧ, коді тӧдӧ, мый колӧ бурсӧ вӧчны, но оз вӧч, сійӧ мыжмӧ.

1 Иоан 5:16

Кор аддзан, мый вокыд мыжӧ усьӧма, но мыжыс оз вайӧд кулӧмӧ, кевмысь сы вӧсна. Ен сетас сылы олӧм, дерт, мыжыс кӧ оз кулӧмӧ вайӧд. Эм кулӧмӧ вайӧдысь мыж, но ме ог кор кевмысьны татшӧм мыжсӧ вӧчысь вӧсна.

Ӧксыяслӧн 1 небӧг 2:25

Морт кӧ мыжмас морт водзын, сэки сы вӧсна верман кевмысьны Енлы. А мыжмас кӧ Господь водзын, сэки коді лоӧ сылы дорйысьнас?» Но пияныс эз кывзыны батьсӧ, ӧд Господьлӧн вӧлі шуӧма нин бырӧдны найӧс.