Эсфир 9:4 - Коми Библия 2023

⁴ Мардокей вӧлі ӧксы керкаын ыджыд мортӧн. Сійӧс нимӧдісны быд муын, ӧд сылӧн ыджыдалӧмыс ӧтарӧ вынсяліс.

Эсфир 9:4 Iomraidhean Croise

Ӧксыяслӧн 2 небӧг 3:1

Саул да Давид рӧдъяс костын дыр кад чӧж муніс тыш. Давидлӧн юралӧмыс ӧтарӧ зумыдмис, а Саул рӧдлӧн – ӧтарӧ жебмис.

1 Каднебӧг 11:9

Господь Саваоф вӧлі Давидкӧд, та вӧсна сійӧ лои вына юралысьӧн.

1 Каднебӧг 14:17

Давидӧс кутісны нимӧдны быд муын, и Господь вӧчис сідзи, мый став войтыръяс кутісны повны Давидысь.

Эсфир 10:2

Ӧксылӧн ыджыд да вына уджъяс йылысь да сы йылысь, кыдзи сійӧ вылӧ кыпӧдіс Мардокейӧс, гижӧма мидияса да персияса ӧксыяслӧн каднебӧгӧ.

Псалтыр 1:3

Сійӧ лоӧ визув ю дорын быдмысь пу кодь, ас кадӧ вайӧ вотӧс, сылӧн коръясыс оз косьмыны. Быд удж сылӧн кутас артмыны.

Петӧм 11:3

Господь небзьӧдіс египетсалысь сьӧлӧмсӧ Израиль войтыр дінӧ [и египетсаяс сетісны налы корӧмторъяссӧ]. Мӧисейӧс ӧд пыдди пуктісны Египет муын [фараон,] фараонлы кесъялысь йӧз и став войтырыс.

Шусьӧгъяс 4:18

Веськыда олысьлӧн туйыс – асъя югӧр кодь, сійӧ ӧтарӧ югдӧ луншӧра югыдӧдз.

Исай 9:7

Сійӧ кутас пукавны Давидлӧн юралан пуклӧсын, Сылӧн ыджыдалӧмлы да лӧньлунлы помыс оз ло. Аслас веськыдлуннас да збыль серти мыждӧмнас Сійӧ ёнмӧдас-вынсьӧдас Ассьыс юралӧмсӧ ӧні и пыр кежлӧ. Тадзи вӧчас Господь Саваоф, ӧд Сійӧ – вежӧгтысь Ен.

Софоний 3:19

Сійӧ кадас Ме мыжда ставнысӧ, кодъяс дзескӧдісны тэнӧ, Сион. Ме мезда чотысьясӧс, чукӧрта вӧтлӧмаясӧс. Быд муын, кӧні вӧлі найӧс янӧдӧма, Ме нимӧда найӧс, быдлаын найӧс кутасны ошкыны.

Матвей 4:24

Сы йылысь юӧрыс разаліс Сирия му пасьтала. Исус дінӧ вайӧдлісны быдсикас висьысьӧс-вермытӧмӧс, пеж лолӧн кутӧмаясӧс, шыблалан висьӧмӧн висьысьясӧс, ки-коксӧ вӧрзьӧдны вермытӧмъясӧс. Сійӧ быдӧнӧс бурдӧдіс.

Ӧксыяслӧн 1 небӧг 2:30

Ме кӧсйыси, – висьталӧ Господь, Израильлӧн Ен, – мый тэнад рӧдыд да батьыдлӧн рӧдыс пондасны пыр кесъявны Меным. Но ӧні оз ло тадзи, – висьталӧ Господь. – Ме пыдди пукта Менӧ пыдди пуктысьясӧс да янӧда Менӧ лёкӧдысьясӧс.