Эсфир 9:15 - Коми Библия 2023

¹⁵ Адар тӧлысьлӧн дас нёльӧд лунӧ Суза карын олысь иудейяс бара чукӧртчисны да виисны куимсё мортӧс, но налысь овмӧс-эмбурсӧ эз босьтны.

Эсфир 9:15 Iomraidhean Croise

Эсфир 8:11

Гижӧдас вӧлі юӧртӧма, мый быд карын олысь иудейяслы ӧксы лэдзӧ чукӧртчыны да дорйыны асьнысӧ, вины да бырӧдны на вылӧ уськӧдчысьясӧс быд муысь да быд войтыр пӧвстысь, весиг аньясӧс челядьныскӧд, а эмбурсӧ налысь мырддьыны.

Эсфир 9:10

Тайӧ дас мортыс вӧліны Аммедат Аманлӧн, иудейясӧс мустӧмтысьлӧн, пиян. Найӧс виисны, но налысь овмӧс-эмбурсӧ эз босьтны.

Эсфир 9:12

Ӧксы висьталіс Эсфир ӧксы-аньлы: «Суза изкарын иудейяс виисны витсё мортӧс, тшӧтш Аманлысь даснан писӧ. А мукӧд ӧксыув муясын мый на вӧчисны! Висьтав, мый тэ кӧсъян? Ставсӧ сета тэныд. Кутшӧм корӧм тэнад? Ставсӧ вӧча».

Эсфир 9:13

Эсфир вочавидзис: «Ӧксылы кӧ шогмана, мед лэдзас Суза карын олысь иудейяслы аски тшӧтш талунъя моз вӧчны. И Аманлысь даснан писӧ мед ӧшӧдасны пу сюръя вылӧ».

Эсфир 9:14

Ӧксы тшӧктіс вӧчны тайӧс. Суза карын юӧртісны ӧксылысь тшӧктӧмсӧ, а Аманлысь даснан писӧ ӧшӧдісны пу сюръя вылӧ.

Эсфир 9:16

Мукӧд ӧксыув муясын олысь иудейяс тшӧтш чукӧртчисны, мед дорйыны асьнысӧ да мынтӧдчыны вӧрӧгысь. Иудейяс виисны найӧс мустӧмтысьяс лыдысь сизимдас вит сюрс мортӧс, но налысь овмӧс-эмбурсӧ эз босьтны.

Эсфир 9:2

Артаксеркслӧн ӧксыув муясын олысь иудейяс чукӧртчисны асланыс каръясын, медым уськӧдчыны на вылӧ, кодъяс кӧсйисны лёк вӧчны иудейяслы. Некод эз сувт иудейяслы паныд, ӧд ставныс полісны наысь.

1 Фессалоникаӧ 5:22

Ылыстчӧй быдпӧлӧс лёксьыс.

Еврейяслы 13:5

Сьӧм вылӧ энӧ горшасьӧй, тырмӧдӧй сійӧ, мый эм. Ачыс Енмыс ӧд шуис: – Ог коль тэнӧ, ог эновт тэнӧ.